#ممر_ضيق 26
#نزوة جزء ٤
اتجمعوا في البيت بعد ما احمد وامل
عملوا خروج من المستشفى واخدوا تقرير من الدكتور
وابتدوا يتكلموا مع بعض في هدوء
امل اخدت هيام ودخلت حجرة أسر ابنها وجابت لها شويه هدوم عشان تبقا على راحتها
وخرجت راحت المطبخ عشان تحضر حاجه ياكلوها
بعد ساعه ونص حضرت غذا ودخلت تصحى احمد عشان ياكل وياخد الدوا بتاعه
بس اما دخلت الأوضه حست ببرودة غريبة مهى من زمان ما دخلتش الاوضه
ولقت احمد نايم بهدومه على السرير وشكله مجهد اوى
اشفقت عليه جدا بس من مكانها وهى على الباب ما قدرتش انها تدخل تصحيه
حاولت تنادى عليه من مكانها بس بردة ما صحاش
اضطرت انها تدخل وتحاول تصحيه عشان كان شكله وحشها اوى وشكله تعبان كمان
راحت بهدوء وابتدت تصحيه بالراحه
احمد كان حاسس أنه في حلم جميل ومشتاق لمراته حبيبته معقول هى هنا فعلا
احمد اتمنى من جواه انها تبقي حقيقه ومش حلم زى كل مرة
فضل عامل نفسه نايم وهو مستمتع بقربها وريحه نفسها على وشه وهى بتصحيه زى زمان
فكر جواه أنه دائما احنا كدة مش بنحس بقيمه الحاجه الا لما تروح مننا واتمنى من ربنا يفك كربه و يفرج همه ويخلى قلبها يرضى عليه من تانى
لف ليها بسرعه واخدها في حضنه
امل اتخضت جامد من الحضن واتحرجت وما بقيتش عارفه تعمل ايه
من احراجها ما عرفتش تتكلم خالص واتخشبت
احمد حس بلهفتها وخجلها وقالها مش قادر خليكى في حضنى شويه ارجوكى مشتاق ليكى اوى يا نور عينى
انا اسف اسف اسف
اعد يعتذر ليها وهو ماشى على وشها بالقبل الصغيرة
امل حاولت تفرمل نفسها وتقوم بسرعه
احمد من فضلك احنا مش في البيت لوحدنا
ارجوك نشوف الدنيا اللى دخلنا فيها دى
احمد مسكها تانى وقالها في الم باين في كل حته فيه حاضر تحت امرك بس عايز اعرف انت مسمحانى هتسامحينى في امل يا امل لاحمد الغلبان ولا لسه في بعد وجفا تانى
امل في بكاء ودموع نازله من عيونها بتكوى فيه قبلها
وهى بتشاور على قلبها يا حمد هنا في وجع جامد اوى
انت مش جوزى بس
انت مش حبيبى بس
انت مش قريبى بس
انت مش صديقى بس
انت روحى اللى حرقتنى من جوايا
محتاجه مساعده وقوة ارجعها
محتاجه امل ترجع يا احمد صدقنى
انا مش هكدب عليك انا مشتاقه ليك ومحتجاك اوى
بس مش عارفه اتخطى كل اللى حصل وبيحصل
ارجوك تعالى نشوف المصيبه دى
وادعى ربنا يصلح الحال
احمد في وجع ما بعدة وجع أنه هو اللى عامل كدة في نور قلبه وامل حياته ومش قادر يساعدها
صعبه اوى لما تبقا الحبيب الجلاد
اللى بتحب وبتسعد حبيبك وانت كمان اللى بتوجعه وتحرق روحه
احمد فكر يمكن يارب دة عقابك ليا احمد من جواه اعد يدعى ربنا أنه يساعده ويلهمه القدرة على طبطبه جراحه اللى اتسبب فيها لزوجته وحبيبه قلبه امل
احمد حضنها جامد وطبطب عليها بكل حنيه جوة قلبه ليها وبكل اعتذار حاول يطمنها أنه معاها وهيفضل عندة امل أنه يرجعوا مع بعض من تانى
امل هدت شويه وحاولت تتمالك نفسها
وقالت له طب يلا قوم خد شاور عقبال ما اسخن الاكل شكله برد عشان تاخد الدوا وحاولت تبتسم وهى بتقوله انت ناسى انك مريض ولا ايه
أنت تقرأ
ممر ضيق
Short Storyمجموعه من الممرات الضيقه اللى هنحاول نعدى منها في منا من يحالفه الحظ وفي لئه وربنا ييسر لينا الخير كلنا أن شاء الله
