#ممر_ضيق
#العشم٢٠
أسرة بسيطه مكونه من أب وأم وطفلتان
تأخذهم الحياه بجميع حالاتهم
فترة الحب ووفترة الزعل وفترة الفقد وفترةالألم
والموت من الجانبين
مراحل عديدة عدت عليهم
لكن اكتر حاجه بتضايق بعد دة كله بصراحه العشم
و العشم بزيادة اوى
هو سؤال بس يعنى
انا ليه جارتى وانا راجعه من الشغل توقفنى على السلم وتدخل في جميع تفاصيل حياتى يعنى
ليها ايه تقولى جبتى دة بكام
ولا تبقا كمان عايزة تشوف الحاجه
انا مالى توقفنى وتعد تحكيلى على اكلها وشربها ومشاكلها مع أبنائها
مرة في التانية
ولازم اقف ولو سلمت عليها ومشيت تزعل
لا حول ولا قوه الا بالله العلي العظيم
نقول فراغ طب استحمل واقول معلش
نقول جيرة والجار للجار
نقول معلش والله واخلينى طيبة
طب وبعدين
اخت جوزى ليه تتدخل في لبسى هى مالها
ولا لبس بناتى ايش حشرها
ولا حتى في بيتى هو بيتها
ليه حماتى وبناتها جاين زيارة يبقوا عايزين يدخلوا وعايزين يكنسو وينظفوا وممكن كمان يرموا من حاجتى ولا ياخدوها
على اساس البيت بيتهم
دة عشم يودى في داهيه
ويجيب مشاكل مالهاش حصر
دى كانت بعض المشاكل اللى الزوجه قالتها للدكتور
وهى بتتكلم عادى معاه وبتحكيله على ازمتها مع زوجها
الحقيقه ما فيش ازمه ولا حاجه
المشكله الحقيقيه انها مش حاسه انها عايشة لوحدها
حاسه ان في رقيب
حاسه ان في عين
حاسه انها مش لوحدها
ليه ما اتصلتيش بيا
هو انتم اتصلتوا
الجواب بمنتهى الصلف لا
الرد منى طيب
الرد بقا بمنتهى العنجهية يعنى ايه طيب
انتى المفروض تتصلى
الرد منى ليه
الرد كدة
يا سلام
طب نقلب الترابيزة
طايب ها
انت كلمت اخواتى لئه
انت كلمت اخواتك لئه
انت روحت زيارة لحد من قرايبى
فرح أو خطوبة أو ميلاد لئه
ما فيش غير الاموات اللى بتقول عليه واجب
طايب بلاش دة
انا اتدخلت مين عند مامتك.او مين بيروح يعد معاها لئه
انا اتدخلت مين عند اختك. او مين كان في زيارة لئه
انا قلت عاملين اكل ايه وأولى ما تعزمونيش لئه
انا قلت بتخرجوا فين وليه ما قولتوش لئه
انا قلت المفروض تلبسوا بالطريقه الفلانيه لئه
انا قلت تعملوا وتسوا لئه
انا قلت دروسكم فين. لئه
انا قلت بتدفعوا كام. لئه
انا قلت بتصرفوا كام. لئه
على فكرة في تساؤلات كتيرة اوى
بس انا هوفر عليكم ضيقه كل شويه مع السؤال اللى غالبا هتكون نتيجته لئه من الطرف الآخر
كل دة يتلخص في العشم
مش معنى كم التساؤل دة أن الزوجه ولا الزوج عايز يضايق الطرف التانى لا خالص
هما محطوطين في هاله كبيرة اوى اسمها العرف والتقاليد
وكلمه معلش اللى هتودى وبتودى في داهيه
وكم من أحقاد وقلوب سودا اتملت تجاه ناس تانية
بسبب أن العشم كان بزيادة
مين في حياتنا اليومية ما قابلش العشم اللى في غير محله
مستناكم تقولولى
العشم تعبكم في ايه
يلا اشوفكم على خير
أنت تقرأ
ممر ضيق
Short Storyمجموعه من الممرات الضيقه اللى هنحاول نعدى منها في منا من يحالفه الحظ وفي لئه وربنا ييسر لينا الخير كلنا أن شاء الله
