ممر ضيق

ممر 19

#ممر_ضيق
#فوبيا١٩
داخل نفسه تسائل
هو انا هقدر صح
جاوبه الصوت  أيوة طبعا هتقدر اومال

الدكتور مسك التقرير وبيقراه

هو مريض وفي السادسه والثلاثين
رجل بنك متميز وله زوجه وابنان
ولكن يعانى من ازمه نفسيه مريرة الموضوع ابتدأ صغير  لكن لم يحل  للاسف الشديد طول عمرة تقريبا يستيقظ من النوم هدومه كلها مليانه مئة من كتر عرقه وخوفه ويقوم على طول من الكابوس كأنه سيغرق
المشكله أنه كان متأقلم مع الموضوع ويقوم ويستعيذ بالله من الشيطان الرجيم وخلاص ويقول كابوس وحش ويعدى ويقول أنا كويس بس للاسف الشديد هو مش كويس خالص

الموضوع ابتدأ لما كان هيغرق وهو صغير في البحر في المصيف كانت موجه كبيرة اوى
كان بيلعب مع اخوة الكبير وبيلعب مع الموجه كمان بس اخوة دخله حبه جوة عشان يخليه يتجرأ ويعوم كويس
وفجأه موجه ضربته وقلبته وما عرفش يقوم
كان كل ما يحاول يقوم يحس البحر بيشدة اكتر لتحت
حاول وحاول وحاول كتير
اخر حاجه كان فاكرهها أنه اخوة كان بيعيط عليه وباباه بيحاول يساعده أنه يتنفس
بعد الحادثة دى فضل الصيف دة كله ما ينزلش البحر
ويجى الصيف اللى بعدة واللى بعدة وبردة مش عارف يعمل علاقه كويسه مع البحر
استغربوا حالته اوى لانه نشيط جدا
بس هو عوض دة بالمذاكرة  و دخول المسابقات والحصول على الشهادات الكثيرة
اما عند حبه زميلته هناء الأمر تغير وقال لها على عدم حبه للبحر وهى لم تمانع فالأمر بالنسبه لها سيان المهم تبقا معاه
لكن الموضوع اتغير لما تزوج هناء حبيبته
ظهرت عليه بوادر أخرى زى مثلا لو بيشاهد معاها مشهد في فيلم في سينما  او حتى لو تليفزيون وفي البيت
كان بيجيله حاله اختناق جامدة الموضوع لو اقتصر عليها هى حبيبته والموضوع هى كانت متفهماه وحاولت كذا مرة انها تقنعه يروحوا مع بعض لدكتور نفسى
وأنه عادى والله يمكن ناخد مسكنات يمكن ناخد حاجات خفيفة للموضوع بس لئه هو  صمم وما رضاش
بس زاد في الفترة الأخيرة وهى كانت حامل
وعلى طول كانت تقوم معاه مفزوعه من النوم وتحاول تطمنه
لو فضل الامر عليه هو وهناء كان تمام
لكن كل حاجه بتتغير مع وجود اولاد الموضوع اتغير اكتر 
وبقت الفوبيا بتزيد بوضع مزرى من خوفه عليهم

بلاش  استحمام لوحدهم
بلاش تدريب سباحه
بلاش مرواح مصيف اصلا
كل شويه تحكماته تزيد وكل شويه الاطفال بتكبر
والاطفال اتخنقت ومش فاهمين باباهم ماله
ومامتهم حاولت تفهمهم على قدر استطاعتها وعلى قدر استيعابهم بردة
الى أن شاء القدر
بنزول صاعقة دمرت البيت
موت أحد أبنائه في الحمام غرقان
تحول هذا الكائن الهادئ الجميل إلى كائن متوحش
وهو في ذهول انا ما قصدتش
انا ما قصدتش
انا بحبه
انا قلت له هو وحش هياخدك منى
ما رضاش يسيبة
ما عرفتش اعمله حاجه
ما فيش حد فهم حاجه
ولا حتى هناء حبيبته مراته
كان نظرته لها بيرجوها وفجأه نظرته تتغير للهوس
كان غريب عنها مش هو حبيبها مش هو والد اولادها
التقرير الخاص بالطب الشرعى جه فيه  أن الطفل الصغير مات وفي علامات خنق على رقبته ولقوا باباه في حاله غريبة 
تم دفن الطفل وتم إيداع الاب مستشفى الامراض النفسية
ربنا يشفي الجميع
أشقى مرض هو المرض النفسى
اقسى وجع هو الوجع النفسى
الحمد لله الذى عافانا مما ابتلى به غيرنا
يارب الشفا من عندك
دعواتكم الناس تمر من الممر الضيق دة