#ممر_ضيق١٥
#ذنب
اخرجت نفسها من حاله اللاوعى التى تنتابها بعد معركتها أو كما يسمونها البعض معاشرة زوجيه
زوجها الذى يكبرها ب١٥عاما وهى زوجه تانيه تزوجها بعد فشله في إنجاب وريث له من زوجته الأولى ولكن بعد محاولات كثيرة وافقت اخيرا زوجته الأولى على الزواج بأخرى ولكن مع اشتراطها على اختيارها له
واختارتها له فهى من قريه صغيرة
وكانت تخدم هى وأسرتها في بيت الحاج صادق
بيت العز والكرم والخير والحب
فلاش باك
نادت عليها والدتها بت يا تهانى
ردت عليها في سرعه أيوة يا اما جايه اهو
جائت مسرعه وهى تمسك صينيه بقطعه قماش عليها بعض الفطير الصابح
الخارج من الفرن حالا ودخلت المطبخ ففرن الخبز في مكان خارج المنزل
وباب المطبخ بيطل على الجنينه وباب على السفرة
امها يا بت يا تهانى بسرعه عايزين نحضر حاجه الست ابتهال
تهانى في طاعه أيوة يا اما حاضر من عيونى
امها وهى تأكد على الزيارة وتتأكد من وجود كل الاشياء
قالت في ارتياح وهى تقوم من على الأرض أيوة كدة الحمد لله الحاجه كدة مظبوطه أما انادى على الحاجه عزيزة كدة عشان تتطمن على الزيارة
تهانى في فرحه و سرعه خليكى يا اما انا هروح انادى عليها عشان اسندها انتى عارفه أن حركتها تقيله
امها في بساطه حنينه طول عمرك يا بت يا تهانى
روحى يا قلب امك الهى ربنا يجبر بخاطرك همى بسرعه يلا
تهانى في سعادة وهى تسرع في خطواتها وتقول فريرة يا اما اومال
مسافه ما خرجت من المطبخ وهى بتجرى على مكان الحاجه عزيزة والحاجه ابتهال حست أن خدودها نار والعه
وقت ما اتلاقت نظرات عيونها بعيونه
(على القلب )
اصغر ابناء الحاج صادق
على استاذ كبير اوى اوى في الجامعه بمصر
وحبيبها الخفى اول ما القلب دق حطت ايديها على قلبها بسرعه عشان تهديه شويه لانها كانت حاسه ان ضربات قلبها ولا الطبل البلدى يوم دخله بنت العمدة
قريت المعوذات بسرعه وهى رايحه عليهم لحسن عينيها تحسدة
بس قلبها عاشق وعيونها عاشقه تحسدة ازاى بس
وصلت وقالت سلاموا عليكم صباح الخير عليكم
ازيك يا حاجه ابتهال معلش يا حاجه عزيزة امى بس محتاجاكى تباركى الحاجه قبل ما نقفلها
الحاجه عزيزة بحب لتهانى فهى متربيه في البيت من صغرها
حبيبتى يا تهانى صباحك قشطه زيك يا تهانى ايه يا بت الحلاوة دى ما شاء الله
تهانى هنا حدث ولا حرج من الكسوف وهى ترد عليها الهى ربنا يشرح قلبك يا ست الحاجه
الحاجه عزيزة وهى تنظر لابتهال نظرة خاصه
شوفتى يا حاجه ابتهال البت تهانى احلوت ازاى
كانت تاتى الحاجه ابتهال شهريا للقريه فهى مسقط رأسهم
لتتابع اخبار الأرض مع أخيها الحاج صادق وترجع الى الاسكندريه محمله بخيرات الأراضي الزراعية
أنت تقرأ
ممر ضيق
Storie breviمجموعه من الممرات الضيقه اللى هنحاول نعدى منها في منا من يحالفه الحظ وفي لئه وربنا ييسر لينا الخير كلنا أن شاء الله
