#ممر_ضيق
#وش_تانى ١٨
كتير مننا بيبقا مصدر وش معين للناس
اللى عايز يبقا مصدر أنه حد طيب
أو اللى عايز يبقا مصدر أنه حد قاسى
أو اللى عايز يصدر أنه حد دمه خفيف
أو اللى عايز يصدر انطباع دينى معين
او اللى عايز يصدر أنه حد ضعيف
أو اللى عايز يصدر أنه انسان محايد
عمرنا بصينا لحد على أنه فلات لايمكن طبعا
أيوة احنا بشر وعايزين نوصل عننا انطباع كويس
ممكن نراه قدوة
أو دكتور
أو مهندس
أو ناظر
أو رجل دين
او محامى
أو ضابط
وفي الاخر وش تانى يظهر
فى العائلة
في المعاملات
في السياسة
كلنا بنكدب ما فيش حد فينا مش بيكدب
بس بنسبة نسبتنا دى اللى بتتحكم في أننا نفضل انسان
وجة اخر
ابنى و لا بنتى احنا لازم نظهر ليهم أننا محترمين جدا
ومؤمنين جدا وناجحين جدا
طب مهو احنا بشر بردة يا جماعه وبنغلط وبننكسر وممكن نبقا وحشين
معلش الممر دة هيبقا كولكشن كدة من الحياه استحملونى
ضابط في إشارة مرور
كمين مهيب وعساكر رايحين جايين والضابط مستنى إشارة معينه جت الإشارة افتح الكمين يا ابنى
مع السلامه يا باشا
في سلامه الله
عرفتوا الوش التانى
وش مخالف لحاله الانضباط وشرف المهنة
محامى في الجلسه الأخيرة والمفروض نطق بالحكم
المدعو عليه ها يا استاذ مستعدين أن شاء الله
المحامى أيوة يا حاج اطمن خالص
اخر الجلسه اوراق مغلوطه
القاضى حكم بخسر القضيه
المدعو عليه في انكسار حصل ايه بس يا استاذ
المحامى معلش يا حاج تتعوض أن شاء الله عدى علينا النهاردة في المكتب ممكن ترفع قضيه تانى
عرفتوا الوش التانى
حرامى مش محامى
في مكتب ناظر المدرسة
البنت الصغيرة مموته نفسها من العياط
مش عشان هى غلطانه
لا عشان عقاب حضرة الناظر غير
عقاب حضرة الناظر تحرش بالطفله البريئة اللى ما تعرفش غير اللى بيحصل فيها دة غلط ومش بتعرف تقول حاجه لحد ولا تتكلم ودائما عندها خمول ومش بترضى تروح المدرسة
وبعد كدة تبقا هى وحشة ومش بنت كويسة وبتتخيل وبتتوهم وما فيش حد بيصدقها الا من رحم ربى
عرفتوا الوش التاني
ذئب في هيئة حمل
في عيادة الدكتور الشهير
عيادته مليانه بالاعداد المهوله اللى بيجى ليها من كل المحافظات في حجرة الكشف للمريض أو المريضة
بس لازم تعمل اشعه في معمل اشعه معين
لا بس لازم تعمل شوية تحاليل
لا بس لازم تجيب الدوا الفولانى من الصيدليه الفولانية
واللى مش معاه يموت
عرفتوا الوش التانى
بدل ما يبقي طبيب رحمه بقا جلاد
في الجامع ولا الكنيسة
للاسف الشديد في رجال دين
بيتعاملوا مع الدين على أنه سلعه
مش قوانين من عند الله
لا احنا نمنهج الدين على هوانا
لا احنا نصيغة في صيغة معينه
لا بقولك ايه البلد وضعها غريب لازم يبقا الدين سياسى
عشان ما يحصلش انقسام احنا في غنى عنه
دول بقا فقدوا احترام وتقدير وكل حاجه
شوفتوا الوش التاني
مكان تحت الانشاء
المهندس وهو بيتكلم مع كبير العمال
يلا يا معلم حط الخلطه معاك المعدات والحاجه مظبوطه اهى عايزين نخلص بسرعة
المعلم بس المدونه دى قليله يا باشمهندس
المهندس هو انت هتفهم اكتر منى ولا اية
كبير العمال مش القصد والله بس يعنى واضح أن الكمية مختلفة ولا انت شايف أية
المهندس وهو بيديله فلوس أنا شايف انها مظبوطه
كبير العمال وهو بياخد الفلوس تبقا مظبوطه يا باشمهندس
وابتدوا يشتغلوا والماكنه تشتغل
شوفتوا الوش التاني
وش منحط وكريه وحسبى الله ونعم الوكيل
في العائله بقا وجلسه الجمعه الشهيرة
الاب والام للاولاد ذاكروا بقا حرام عليكم
دة احنا واحنا في سنكم كنا بنعمل ونسوى
طبعا عيالنا كلنا بنعمل معاهم كدة
واكيد بردة عيالنا بيعملوا بردة كدة
العيال وسط ضحك مكتوم اه طبعا أيوة اومال
يا جماعه الخير بس دة كذب يحض على المصلحه العامه ولا اية
دة وش تانى نتمنى يبقا موجود عشان تبقوا في أعلى المراكز
مش بيبقا قصدنا حاجه غير التحفيز
يارب وشنا التانى دائما يبقا فية منفعه ومش مضر لحد
وربنا يبعد عننا الوشوش المتلونه
أنت تقرأ
ممر ضيق
Truyện Ngắnمجموعه من الممرات الضيقه اللى هنحاول نعدى منها في منا من يحالفه الحظ وفي لئه وربنا ييسر لينا الخير كلنا أن شاء الله
