ممر ضيق

الممر الرابع

#ممر_ضيق
#العزومة
٤
صاحت الام لابنتها البالغ من عمرها ستة عشر عاما
الام يا بنتى يلا عشان نجهز الحاجه بتاعة العزومه الله يهديكى الوقت هيسرقنا
الابنه وانا مالى يا ماما عزومه أية بس هو انتم تعزموا وانا اتدبس أن شاله ما حد اتعزم ولا اكل اصلا
الام وهى بتخلى بالها عشان ما تتعصبش عليها
معلش يا قلبي انتى هتساعدينى بس
الابنه بتذمر دائم اساعدك في ايه بقا يارب نخلص
الام بعد ما خلاص جابت آخرها بقا وبتزعق
جرى ايه يا جزمه قديمه اتلمى واتكلمى عدل بدل ما اقوملك
الابنه بعد اما خافت شويه صغيرين وقالت تلم الدور وعلى ايه يا ماما بلاش قله قيمه وهى بتبعت لها بوسة عايزة ايه يا قمر انتى بس انتى اؤمرى وانا عليا التنفيذ فهى تعلم والدتها جيدا فهى قلبها طيب جدا ولا تقدر أن تزعلها
الام بعد تمكنها من أحكام سلطتها تعالى قورى الكوسه والبتنجان يلا بسرعة
الابنه ايه بصوت عالى لا ما بدهاش بقا تقوير ايه يا ماما وانا مالى دة انا أخرى اجيبلك الحاجه كدة وانا زى الشطورة وممكن اغسلهالك ودة بس عشان انتى حبيبتى وانتى بقا يا قلبي تعملى حاجتك بنفسك
قال تقوير قال دة انتم عالم فاضيه بتعاملوا الكوسه وهى بتتقور زى نبيل الحلفاوي الممثل اللى انتى بتحبيه دة في فيلم الطريق الى ايلات
وترجعى بقا تقوليلى لا دة اتخرمت منك زى العبيطه
لا دى باظت خالص يا هبله
لا دى ما اتقورتش اصلا انتى بتستعبطى
انا ناقصه كل دة
ما تجيبى كله جاهز واحنا يادوب نروق البيت ونبقا زى الناس الشيك كدة
الام بعد ما ربنا نزل عليه هدايه من عنده
غورى من وشى مش عايزة منك حاجه
ربنا ما يحوجنى ليكى أو لغيرك