#ممر_ضيق٢٥
#نزوة جزء٣
انتهت هيام من اعترافها
وكانت ثورة امل غير محتملة لهذا الخادع الذى يطعن بكل سهوله زوجها صديق عمره
هذا السؤال اللعين داخل عقلها ليه كان بيعمل كل دة ليه قصدة ايه
كان باين على هيام انها ما عندهاش غير اللى هى قالته
بس قلب امل عايز يسامح بقا وسعيد ان احمد كدة برئ
عقلها بيفرملها بس بلاش هبل مهو بردة مش برئ اوى
خلينى اشوف بس الخيبه دى وحكايه محسن دة كمان
بس دماغ امل مش راضيه تبطل تفكير فعلا يا حرام
ودايرة جوة دماغها مشاهد للصداقه الرائعه اللى ما بين احمد الخائن محسن دة
دة كانت ساعات بتغير منه من كتر حب احمد فيه
طب يعمل في صديقه وأخوة كدة ليه
طب المخدرات ليه دخل فيها كدة ما استبعدش حاجه
اكيد ليه دخل اللى مالى السواد قلبه بالطريقه دى يعمل وتتوقعى منه اى حاجه
هيام خافت من بوادر ملامح امل اللى كل شويه لتتحول وتلين وعايزة تقوم بسرعه من وشها خايفه من ردة فعلها
هيام بخوف انا هستأذن عشان امشى
امل بقوة ناااعم رايحه فين استنى هنا انا عايزك معايا في مشوار
هيام فعلا هنا خافت اوى وقالت لها مشوار ايه انا مستعجله
امل قالت لها لا مهو انا مش هاخرك
قومى معايا يلا بسرعه
وفعلا اتحركوا مع بعض
ولقيتها رايحه على الاوضه وبتدخل
وقفتها يا مدام انتى رايحه فين
امل في بساطه تعالى بس ادخلى
دخلت الاوضه وهى ساحباها وراها
كان احمد قاعد مستنيها واول ما هلت عليه
ولسه جاى يقولها اتأخرتى ليه فوجئ بست منتقبه معاها فسكت وانتظر انها تتكلم وتعرفه مين دى
وفعلا امل دخلت وراحت قعدتها على الكرسى وقعدت جنبها
امل بصت على آسر ما لقتهوش فبصت لاحمد فاحمد قالها صحى وبعت لممرصه اخدته الكيدز اريا عقبال ما تيجى
وبص بنظرة تساؤل على الست المنتقبه
امل فهمت بصته واعدت تبص عليهم هما الاتنين وما لقيتش منهم اى بوادر معرفه خالص إلى حد ما قلبها هدى شويه
امل ابتدت الكلام ها يا احمد مش عارف المدام
احمد في جديه وهو بيحاول يعرف لا والله مين يا امل حد احنا نعرفه وربنا أكرمها ولبست النقاب
امل في سخريه لا هى بصراحه معرفتك انت
خبطت بايدها الاتنين علامه على الاسف
زعلانة والله ازاى مش عارف هيام يا راجل ما لكش حق
احمد اول ما سمع اسمها اتنفض وبأن على ملامحه الغضب
والقرف هيام مين بس دلوقتى انتى مين يا ست انتى
هيام ببكاء انا هيام فعلا والله يا استاذ احمد
احمد تحول للغضب انت عايزة ايه منى بقا حرام عليكى
هيام بصت برجاء ليهم هما الاتنين
انا جايه والله قصدى كان خير
كنت جايه اتأسف للست اللى بيتها كان هيتخرب بسببى
احمد وهو بيكره نفسة اكتر وهو بيبص على أمل بلوعه
وهو بيقول بحزن وخجل شديد وهو لسه ما اتخربش
للاسف يا ست شيطان البيت اتخرب فعلا
امل هنا كأن سكينه دخلت قلبها
والدموع ملت عنها
وهيام بقا وجعها مضاعف وحست أن ربنا لسه بيقولها ما اتصصحش الخطأ لسه ذنبهم في عنقك
زادت من بكاىها وما باقيتش قادرة توقف دموع وقهر
والوضع بقا كارثى في الاوضه
واحدة بتحاول تصلح موقف عشان ذنبهم في عنقها وعايزة تتوب من الذنب دة
وزوج ما صدق يقرب من مراته ويحاول من تانى ياخد فرصه وزوجه بتحاول تمنح العفو والصفح وللاسف لقت ادامها ضلع الخيانه
أنت تقرأ
ممر ضيق
Short Storyمجموعه من الممرات الضيقه اللى هنحاول نعدى منها في منا من يحالفه الحظ وفي لئه وربنا ييسر لينا الخير كلنا أن شاء الله
