"အစ်ကို စားလို့ရပြီ။"
"အင်း...လင်းထက်ဟန်။"
လင်းထက် မီးဖိုခန်းကထွက်လာတော့ဧည့်ခန်းက
ဆိုဖာမှာအစ်ကိုကထိုင်နေပြီး ပိုင်လေးကတော့ အစ်ကို့ရင်ခွင်ထဲကနေ မုန့်တွေစားရင်း ကာတွန်းကားကြည့်နေသည်။ လက်ညိုးတထိုးထိုးလုပ်ကာ
ပွစိပွစိ နဲ့ အစ်ကို့ကို စကားတွေပြောနေသည်။"ပိုင်လေး အောက်ဆင်းတော့ ကိုကြီးက မိုင်မိုင်ဆာနေပြီတဲ့။"
"ဟင်...ဟုတ်လား ။ ကိုကြီးက ခုထိ စားရသေးဘူးလား။
သားသား စားပြီးတာတောင်ကြာနေပြီကို ။ စားစရာ မရှိလို့လားဟင်...။""ပိုင်လေး...ဘာတွေလျှောက်ပြောနေတာလဲ။"
"ဟမ်....!ဟားဟား..."
ပိုင်လေးအမေးစကားကြောင့် ကောင်လေးက သူညီလေးကို ဆူသလိုပြောနေပြီး စိုင်းကတော့ အော်ရယ်မိသည်။
"အင်း...ကိုကြီးကို မိုင်မိုင်ကျွေးမယ့်လူမရှိလို့..။"
"ဒါဆို သားတို့အိမ်မှာပဲ နေ့တိုင်းနေ့တိုင်း လာစားတော့နော်။
ကိုကြီးကို ကိုကိုက အများကြီးချက်ကျွေးလိမ့်မယ်။ ကိုကိုချက်တာ အရမ်းကောင်း။""ဟား....ကျေးဇူးပါ ပိုင်လေးရာ...။ ကိုကြီးကလည်း ပိုင်လေးကို မုန့်မုန့်တွေ အများကြီး ဝယ်ကျွေးမယ်နော်။"
"ဟုတ်တဲ့ပါခင်ည။"
ချက်ချင်း စကားမပီသွားသောပေါက်စကို လင်းထက် ခေါင်းရမ်း၍သာကြည့်မိသည်။ မုန့်ကျွေးလိုက်တာနဲ့
အရမ်းတွေချစ်ပြနေတာပင်။"လာလေအစ်ကို ။ ပူတုန်းလေး စားရအောင်လို့။"
"အင်း...။ အော်... ဒီမှာ လင်းထက်အတွက် ချောကလက်။
ပိုင်လေးက သွားသပိုးစားမှာဆိုးလို့ စားလို့မရဘူးတဲ့။
လင်းထက်ပဲစားလိုက်နော်။""ဗျာ...ဟုတ် အစ်ကို ကျေးဇူးပါဗျ။"
လင်းထက်နောက်ကနေလိုက်၍ စိုင်း ထမင်းခန်းထဲက
စားပွဲမှာဝင်ထိုင်လိုက်သည်။"အစ်ကို ခဏနော် ။ ငါးသောက်စမ်းလေး ထည့်လိုက်ဦးမယ်။"
"ကြက်သားသုပ် ၊ ငါးနဲ့မျှစ်ချဉ် ကိုရောချက်ထားတဲ့ ငါးသောက်စမ်း၊ မှိုကန်စွန်းကြော်၊ ဆိတ်သားကြော်... စားကြည့်ပါဦး အစ်ကို။
YOU ARE READING
You Belong With Me.
Romansa(On going) ကျွန်တော်တစ်စုံတစ်ယောက်နဲ့ချစ်ဖို့အဆင်သင့် မဖြစ်သေးလို့ တောင်းပန်ပါရစေ ခင်ဗျားရယ်။ လင်းထက်ဟန်🚶 မင်းအတွေးတွေမှားနေကြောင်းကိုယ့်အချစ်တွေနဲ့ သက်သေပြပါ့မယ် ကလေးငယ်။ စိုင်းဇေယံ🏃