البارت 10
بنت البواب
= أطلعي علي السور
نظرت حنين لذلك السور خلفها وعادت تسأله بعدم فهم
- ازاي
ضغط علي أسنانه بقوة
- هو ايه اللي ازاي أطلعي فوق السور مش محتاجة ترجمة أهي
حنين ببكاء
- الكلاب هتاكلنا
نفخ بنفاذ صبر
- ماتخافيش يلا أطلعي
بدأت تصعد فوق ذلك السور وكان يقف أحمد أمام تلك الكلاب المرعبة صعدت هي وصعد أحمد سريعاً خلفها عندما تحرك بدأت الكلاب بالنباح الشديد ومحاوله الهجوم عليهم كادت ان تصرخ حنين ولكن وضع يديه سريعاً ليكتم صوتها
- اششش أهدي
حنين بصراخ
-الكلاب هتشد رجليا
سألها بغضب
- يعني ايه المغري ف رجليكِ علشان الكلاب تشدها
أجابته بسخرية
- رجلين حنين
نظر إلي قدميها ساخراً
- لا ماهو واضح
أستجمعت حبيبة قوتها ودقت الباب فتحت لها الخادمة فصعدت سريعاً إلي غرفتها ركضت الخادمة لتخبر رب عملها علي عودة أبنتة في ذلك الوقت المتأخر
أسرع خالد وزوجتة إلي غرفة حبيبة
- حبيبة في ايه مالك اي جابك ف الوقت ده حصل ايه
حبيبة ببكاء
- مصطفى هايطلقني
زينب بصدمة
- يطلقك !!
= ليه عملتي ايه
- مش قادرة أتكلم في حاجة دلوقتي
تحدثت والدتها بغضب
- يعني ايه مش قادرة تتكلمي خربتي بيتك أكيد انتِ السبب انتِ اللي نكدتي عليه
خالد بغضب
- زينب مش وقته لو سمحتي
= هو ايه اللي مش وقته بنتك دي هتجننا الناس هتقول علينا ايه دلوقتي
وقفت حبيبة ببكاء وغضب
- الناس الناس ملعون ابو الناس اللي عملنلهم الف حساب ملعون الناس اللي خلتنا ندخل النار برجلينا لاجل بس نسكتهم وهما كده كده مش ساكتين
كام بنت أتجوزت جوازه زل لاجل كلام الناس كم ست أتحملت وأتهانت لاجل كلام الناس
ليه عايشين بنرضي في الناس ونسين نفسنا
وآخرتها ايه زل وبهدله وبرضه الناس مش هتسكت
ضمها والدها له بحب صادق بخوف أب علي أبنتة الوحيدة
- أهدي يا بنتي أهدي
= انا تعبت انا مش دُمية متحركة الناس بتحركها بكلامهم
نظر خالد لزوجتة بعتاب علي حديثها وظل يحتضن أبنته حتي هدئت فذهب لغرفتة بحزن علي حالها حتي اتبعته زوجتة تلك التي لا تكف عن طرح الاسئلة
- هتعمل ايه يا خالد
= أعمل ايه ف ايه ؟
- ف بنتك اللي هتتطلق
= عايزني أعمل ايه أروح أتحايل عليه وأقوله تعالي رجع مراتك مطلقهاش خليها غصب عنك
أنت تقرأ
بنت البواب
General Fictionهربت العروسة يوم الزفاف ولايوجد حل سوي ان ترتدي ابنت البواب ثوب العرس وتكون هي عروس اكبر العائلات
