بنت البواب

البارت 16

البارت 16
بنت البواب

كاد ان يجن ممدوح من هذا الخبر أمسك جمال من عنقه بقوة
- انت بتخرف بتقول ايه

جمال وهو يبعد يد ممدوح بقوة
- بقول اللي سمعته جوري تبقي بنتك

= واي يثبت كلامك ده

- الفرق بينا مش كبير ياباشا لما حضرتك كنت ف التلاتين انا كنت وقتها عشر سنين يعني متذكر كل شئ مش ناسي علاقتك ببنت الخادمة وان الباشا أبوك طلب من أبويا وقتها يرميها برة البيت لما قالتله علي اللي عملته
فاكر ياباشا ولا أفكرك

جلس ممدوح علي أقرب مقعد وهو يتذكر ماحدث منذ عشرون عام عندما جاءت الخادمة وأبنتها يتوسلن لوالد ممدوح
- أستر علينا ياباشا حتي يكتب عليها ويطلقها بعدين

والد ممدوح
-  مش ناقص غير أبني يتجوز بنت الخادمة أمشي أطلعي برة بيتي  انتٍ و بنتك الجربوعة دي

= أحنا ملناش حد ياباشا محلتناش غير شرفنا ماتفضحناش

أفاقه من شروده صوت جمال وهو يقول
- شكلك أفتكرت ياباشا

حاول ان يتحدث وهو يمحي حبات العرق الساقطة من جبهته
- بس يومها ماكنتش حامل

= لا كانت حامل يا باشا بس هي ماكنتش تعرف لما عرفت بحملها أمها مستحملتش الخبر وماتت بجلطة

- وانت ازاي وصلتلها وعرفت بكل ده

جلس جمال يضع قدم فوق الآخر وهو يقص ماحدث علي ممدوح
ذات يوم كان يقود جمال سيارته حتي وجد فتاة تشير له ان يقف بسيارته أوقف السيارة وجدها تتوسل له ان يوصلها لمنزلها جاءها أتصال من أحد الجيران يخبرها ان والدتها مريضة
أخذها جمال إلي والدتها وعندما رائ الام بدأ يتذكر هذة الملامح ولكنه كان غير متأكد منها ساعد الفتاة ان تنقل والدتها لاقرب مشفي ثم غادر وهو يحاول ان يتذكرها جيداً حتي مر يومين قرر ان يذهب لها ويسألها عن الماضي ومن هي
- أسف اني جيت من غير معاد بس حبيت أطمن عليكِ

= لا أتفضل شكراً علي وقفتك مع بنتي
-  هي مش هنا
= لا جوري طلعت تشتغل هي بتبيع ورد بعد الضهر قريب من الشاطئ
-  بتشتغل شغلتين يعني
= ايوة
-  الله يقويها بالمناسبة أسمها جميل مين أختاره انتِ ولا أبوها
= لا انا
-  أسف لو بديقك هو والد جوري مش معاكم

أجابته بتوتر
- لا هو متوفي

=  أعذريني لفضولي بس حاسس اني شايفك قبل كده
- ما أفتكرش اني شوفتك قبل كده
= حضرتك كنتي بتشغلي ف بيت الحسيني

أجابته بتوتر وخوف واضح
- لا الحسيني مين

=  ايوة انا فاكرك كويس بنت داده خديجة
- لا انت بتقول ايه انت مين أصلاً
=  انا ابن عاصم السواق بتاعهم انا فاكر ليله ماطردوكِ من البيت
-  انا معرفش انت بتقول ايه وبعدين انا لازم أروح للدكتور دلوقتي
=  معقول جوري بنت ممدوح