بنت البواب

فصل خاص بالحب ❤️

فصل خاص بالفلانتين
---------------------------

رفع أحمد رأسه علي صوت الهاتف الذي لم ينتهي من الرنين أخذ نفس عميق ثم ألقي القلم أمامه وعاد بالمقعد للخلف قليلاً وهو يجيب
- ألو
ليأتي صوت زوج أخته الغاضب
- انت لازم تشوفلك حل مع أختك انا مابقتش قادر أستحمل يا أحمد
- أهدي يامصطفي ايه اللي حصل و حبيبة مالها
لتلتقط هي الهاتف ببكاء
-أحمد تعالي خدني دلوقتي انا مابقتش قادرة أتحمل
- اهدي يا بابا انا في الشغل دلوقتي ممكن أفهم
ايه اللي حصل
-يا أحمد انت لازم تيجي دلوقتي والا هولع في نفسي وأخلصكم مني
أخذ شهيق بتعب
- اديني مصطفى طيب
أجاب زوج أخته
- ايه يا أحمد
-ايه اللي حصل يا مصطفى
-مش هاينفع كلام علي الفون هبعتلك العنوان وتعالي
تحدث بعدم فهم
-عنوان ايه هو انتوا مش في البيت ؟!
-لا مش ف البيت المهم دلوقتي هبعتلك العنوان
وقف وهو يأخذ مفتاح سيارته ويغادر المكتب ليصل بعد قليل من الوقت لذلك المكان المعتم كان يقف يستغرب كل ذلك الظلام وكأن ذلك المكان مهجور تماماً
أخذ هاتفه وهو يعيد النظر في ذلك العنوان ليتأكد منه ، لحظات وكان المكان يضئ ، الحديقة مزينة و الورد يملئ الأرض ، و يوجد قلب كبير من النور يكتب داخله أحمد وحنين
نظر إلي الحائط ليجد شاشة يكتب عليها هنا بعض الأسئلة كل اجابة يُفتح لك باب لتدخل منه وليلتك سودة لو ماجوبتش يابو طويلة

ابتسم ليصدر هاتفه رنين مجدداً باسمها .. حبيبة قلبه حنين
- بحبك
ابتسمت هي بخجل ثم تحدثت
- الناس بتقول آلو مش بحبك
-انتِ غير الناس انتِ متتقارنيش بحد
ابتسمت بحب
-بعشق ضحكتك اوي يا أحمد
التفت حوله وهو يسألها
- انتِ فين
- اممم شايفاك بس انت مش شايفني لازم تجاوب علي شوية حاجات علشان توصلي
تحدث بابتسامة
- ومصطفى وحبيبة دول ضمن الخطة يعني
-تقدر تقول انهم بداية الخطة بس علشان أعرف أجيبك لكن هنا دلوقتي مافيش غير انا وانت وبس
أخذ نفس عميق وهو يبتسم
-أمرك يافندم ايه المطلوب علشان أوصلك
-تجاوبني
- أسالي
- أمتي أول مرة اتقبلنا فيها
أبتسم وهو يتذكر ذلك اليوم جيداً
-يوم فرحنا لما قولتي انا مستحيل أتجوزك
ودلوقتي أهو أم ابني
فُتح أول الباب أمامه ليدخل منه ليري صور لهم في كل مكان بعض كلمات الحب والغزل ليتحدث بعشق
-ازاي لحقتي تعملي كل ده
تحدثت بثقه
- البنت لما تعشق بتعمل اي حاجة يعني متفكرش ان الراجل بس هو اللي يفاجئ ويعمل حركات أحنا كمان نقدر، ده غير انك على طول بتفاجئني فقولت أعملها انا المرة دي
-أنجزي طيب عايز أوصلك دلوقتي حالاً
-امممم طيب فاكر أمتي أعترفنا بحبنا لبعض
ضحك وهو يهز رأسه
-ازاي أنسي اليوم ده اول مرة أشوف فيها غيرتك لما كنا في سينا
ضحكت بصوت مرتفع
-متفكرنيش
ضحك هو أيضاً
-في واحدة عاقلة تقول مأجرة لابني كلبه ترضعه
ضحك الاثنين معاً ليًفتح الباب الثالث كانت طاولة طعام وبجوارها شموع وموسيقي هادئة واضواء منخفضة أخذ نفس عميق
- اسالي
-هل هايجي يوم وحبك ليا يقل
-مستحيل ياعمري ،حنين البنت الجريئة اللي مسكت أيدي لما أقعدت علي كرسي متحرك، البنت القوية اللي وقفت في ضهري ،البريئة اللي بتاخد كل حاجة بعفوية فيكي كل ما اتمني مستحيل يوم يحصل كدة
أنفتح الباب الأخير ليجدها تقف خلفه ترتدي فستان أحمر طويل وهي تبتسم له أسرع اليها ثم جذبها لستقر بين ذرعيه وهو يدور بها
- بعشقك يا حنين بعـــشـــقــــك
نظرت لعينيه
-تعرف ظلموا الحب لما خلوله يوم حبي ليك انت كل لحظة وساعة مابينتهيش بالعكس بيزيد
جذبها لترقص معه علي تلك الموسيقي الهادئة
-انت ازاي بتعملي فيا كدة
تحدثت بابتسامة وهي تنظر لعينه
-بعمل ايه
جذب يدها لتستقر علي موضع قلبه
-كل النبض ده ، حاسه بيه كأنه بيتنفسك بتجري جوة كل شئ فيا أتخلق ليكِ وملكك حنين انتِ ادمان حقيقي انا أدمنتك وانتهيت خلاص
ابتسمت بخجل وهي تضع رأسها علي صدره
-تعرف كل ما أفكر اني لو مكنتش قابلتك لو فعلاً ماتجوزتكش هل هاكون سعيدة كده
-متفكريش لانه مكنش ينفع يحصل ، انتِ نصيبي وقدري يعني مكتوبلي ومستحيل كنتِ تكوني لغيري
نظرت له بحب
- جبتلك هدية
ابتعد عنها وهو يرفع أحد حاجبيه
- امممم جبتلي ايه بقا
قدمت له صندوق صغير
- خد أفتحها
أخذ الصندوق منها وهو يُقبل يدها ثم قام بفتحها لينظر لها
- اي ده ياحنين !!!
-اي مش عاجبك
-فرخة ياحنين جيبالي فرخة
-مش هما بيجيبوا الحاجات اللي بتغلي وانا جبتهالك علشان تعرف ماستخسرش فيك حاجة جبتها بالقسط كمان
-فرخة بالقسط ياحنين
غمزت له
- ساعة البطون تعمي العيون ياشبح
ضحك ساخراً وهو يهز رأسه يمين ويسار
- عاش ايوة كدة ارجعي لأصلك منا أستغربت برضة الليلة دي هتعدي كدة ازاي من غير حنين ماتبوظها
رسمت الغضب المزيف علي وجهها
-انت ليه دايما ظالمني كدة
-حياتي أعوذ بالله انا أظلمك برضة ، تحبي أفكرك لما جيت سألتك بتحبني قد ايه كان ردك ايه وقتها
ابتسمت بخجل
-لا مش فاكرة
-أفكرك بسيطة لما قولتلي بحبك قد حب الست لمنديلها يامفترية
ضحكت حنين وهي ترتمتي بين ذرعيه
- بعيش بيك
-حلوة أوي الكلمة دي
-أكيد لان من غيرك الحياة موت انت انا انت الحياة بنسبالي
جذبها ليدير بها المكان وهو يقول بصوت مرتفع بعيش بيكِ
وصوت في الخلفية يقول
-كنت عايش طول سنيني بحلم انك في يوم تجيني من زمان مش من النهارده قلبي شافك قبل عيني
تسوي ايه كلمة حبيبي لو مكنتش أقولها ليك كنت بحرم نفسي منها لحد ما عنيا تلاقيك
مهما هوصف في الجمال انت أبعد من الخيال أحكي ايه انا ولا ايه كل حاجة لاقيتها فيك.

"الحب هو أكبر من كلمة او يوم الحب أحساس مكانة القلب الحب افعال الحب هو نبض واحد لشخصين روح لجسدين مدورش عليه هيجيلك ويقولك انا هنا قدامك الحب ضيف بيجلنا فجأة جايب معه السعادة اللي وجع قلوبنا ده مكنش حب ... الحب أمان مش خوف"