البارت 8
بنت البواب
تحدث أحمد بغضب
- لا طبعاً انا مخليش مراتي فرجة للناس
دق الجد بعصاه الأرض
- انا اللي عندي قولته
ذهب الجد وأغلق عليهم الباب خلفه فنظر أحمد بغضب لحنين
- هو انا مش قولتلك حياتي معاكِ سر بينا
تحدثت بخجل من فعلتها تلك
- ما أنا ماكنتش أعرف ان جدي ودانه كبيرة ويسمع عن بعد
= وتقولي لبنت عمك ليه اصلاً
تحدثت بنفاذ صبر من ذلك الأستجواب
- كنا بنفضفض الااه
رفع حاحبيه بعدم تصديق من تلك الامبالاة ووضع يده في خصرة
- والحل دلوقتي نعمل ايه يا هانم
تحدثت سريعاً بعدم تفكير
- اللي قالك عليه جدي أعمله
نظر لها وهو يبتسم من جانب فمة ساخراً
- انتِ فاهمة بتقولي ايه ؟
هزت رأسها
- ما هو جدي مش هايسكت إلا بكده
أقترب أحمد خطوه منها وهو ينزع ربطه عنقه
- وانا ماعنديش مانع
علمت حنين ما تفوهت به صححت سريعاً حديثها
- لا لا انت فهمت ايه ؟ أقصد يعني أعمل زي الافلام هات سكينه وأجرح أيدك وكده يعني
= طب اي رائيك أفتح دماغك هايكون أسهل
حنين بتفكير
- بس كده هايبقي الجرح باين
ضغط أحمد علي أسنانه بغضب
- حنين متجننيش أمي
تمتمت بصوت منخفض
- أمك مجنونة لوحدها
أمسكها أحمد من شعرها
- انتِ قولتي ايه ؟
= قلبك أبيض يابو طويله ماقصدش
- قلبتي ضفدع دلوقتي
دفعته في ذراعة بمزح
- علي سيرة الضفدع ستي الله يرحمها كانت بتقول عضِ لسان الضُفداعة وبوسيها تعرفي تزغرتي
= بطلي تخريف
- بجد والله حتي شوف لولولولي
بدأ النساء تهلل وتطلق أصوات الزغاريت بالخارج فسألها أحمد بعدم فهم
- في ايه هما بيزغرتوا وراكِ ليه ؟
قبل ان تجيب حنين كان الجد يطرق الباب
- أفتح يا مشرفنا
صفعت وجهها وهي تنظر له
- يانهار أسود جدي
= الله يخربيتك ويخربيت جدك اللي قاعد علي الباب حبكت اتزغرتي وتثبتيلي كلام ستك دلوقتي
- وانا اي عرفني أنهم حطين ودانهم علي الباب
أحمد بتشدق
- ده بيقول يا مشرفنا بس لو شأفك بالفستان هايقول ايه
أجابته حنين بضحكة
- يا وكسنا
= انتِ منك لله
عاد الجد يطرق الباب
- أفتح يا عريس
أنت تقرأ
بنت البواب
Ficción Generalهربت العروسة يوم الزفاف ولايوجد حل سوي ان ترتدي ابنت البواب ثوب العرس وتكون هي عروس اكبر العائلات
