بنت البواب

البارت 17

البارت 17
بنت البواب

أستخرج ممدوح هاتفه من جيب بنطاله واتصل بـ جمال
- حبيبي ياباشا اتأخرت ف اتصالك

ممدوح بغضب
- انت فين ياجمال وفين جوري

=  جوري مين يا باشا اااه تقصد بنتك

شعر ممدوح بالاأم لسمعه هذة الكلمة
- رد علي قد السؤال ياجمال فين جوري

= لكل شئ تمن يا باشا
- عايز كام ياجمال
= شركة تركيا
- انت بتقول ايه انت اتجننت ولا اية
=  ايه ياباشا هي حياه بنتك مش غالية عندك ولا ايه

ممدوح محاولة التحكم في غضبه
- تفتكر لو اخدت الشركة انا مش هاقدر أوقعها وأنزلها الأرض

جمال بضحكة عالية
- هو انا غبي يا باشا أكيد هابعها للي يقدرها وأخلع انا
=  ولو قولت لا ؟

- حقك طبعاً ترفض براحتك محدش يلومك بس اي رائيك أقول لجوري انت مين أعتقد عقلها مش هيتحمل وهتعمل ف نفسها حاجة أصل الوجع ياباشا بيزيد أضعاف لما يتعرف مين الفاعل لما يجي من أقرب الناس لينا

=  إياك إياك تتجراء وتقولها انا مين
- معاك لبكرة الصبح تسلمني الشركة تستلم بنتك وأنتهي الأمر

أغلق جمال الهاتف وظل ممدوح يلعنه ويلعن اليوم الذي رائ فيه ثم أتصل بابن صديقة ومساعدة ف العمل

                        

ذهب ياسر إلي غرفة الضيوف ليرتاح قليلاً وانهت أميرة طعامها وذهبت إلي غرفة الفتيات الثلاثه
جلست صامتة حتي جائتها أحد الفتيات
- بتفكري ف ايه

=  لا أبداً مافيش مش بفكر في حاجة
- ماتخافيش انتِ هنا ف أمان

أبتسمت لها أميرة
- شكراً واسفه بتعبكم

تحدثت ياسمين بشرود
- تعب ايه بس أحنا اللي نشكرك جبتي الغالي بعد سنين

سألتها أميرة بعدم فهم
- مش فاهمه قصدك اية ؟

=  سلامتك

نزلت ياسمين إلي الأسفل نادها والدها
- روحي ياياسمين شوفي ولد عمتك محتاج حاجة ولا لا

= لو أحتاج هيقول يابوي

أسرعت والدتها
- روحي يابتي روحي شوفي الله يرضا عليكِ أسمعي الكلام

تنهدت ياسمين بعمق وذهبت له طرقت الباب فسمح لها بالدخول
- أبويا قالي أسالك محتاج حاجة

= لا شكراً

كادت ان تغادر ولكن أوقفها حديث ياسر
- انا عارف ان فات سنين بس انا

=  متكملش يابن عمتي ده نصيب وكل واحد ماهياخدش أكتر من نصيبه

- انا مكنتش اتمني ان ده يحصل

=  واللي حصل حصل خالص مافيش داعي نتحدث فيه تتمسي بالخير يابن عمتي

غادرت ياسمين الغرفة وهي تتحكم بدموعها بالقوة حتي لا تضعف أمامه أسرعت إلي حديقة المنزل وجلست تبكي لوقت لا تعلم كم هو لم تشعر إلا بيد علي كتفها فنظرت لتجدها أميرة
- اسفه بس كنت واقفه ف البلكونة شوفتك انتِ كويسة