بنت البواب

البارت 4 الجزء الثاني

البارت 4
بنت البواب

مريم بخوف
- انت عايز مني ايه

=  بتهربي مني ليه
- انت اللي بتلحقني
= عايز أفهمك حاجة
- بس أنا مش عايزه أفهم حاجة منك
= انتِ فاهمة غلط دي كانت خطيبتي وبتعند معايا وعلشان تخليني أمشي قالت اني بخطفها
- وأنا يخليني أصدق الكلام ده
=  علشان أكيد مش هاكون دكتور في الجامعة وبخطف ناس
-  ما جايز بتشتغل في الاعضاء في دكاترا كتير ماعندهمش ضمير أفرض تشربني حاجة وتاخد مني الكبد بعدها

ضحك أدهم عليها حتي دمعت عينيه
- لا مش لدرجة يعني
بدأ الخوف واضحاً عليها دموع عينها رعشة جسدها امام عينة جعلته يشفق عليها أبتعد  قليلاً وهو ينظر لها ثم أشار بيديه
- أتفضلي أمشي

كان سامر يشعر بالفرح بعد ما أخبرة والد حنين بالموافقة
- عمي أنا شقتي جاهزة وأعرف حنين من زمان وهي تعرفني وحضرتك تقدر تسأل في ايه مكان يعجبك عني

=  عارف يابني والله الكل بيشكر فيك وأخلاقك
-  يبقي خير البر عاجلة نعمل الفرح الأسبوع الجاي
= مش شايف أنك مستعجل يابني
- لا ياعمي ملهوش داعي التأخير
= طيب نشوف العروسة تقول ايه وربنا يقدم الخير ياحبيبي

استيقظت جوري وهي تشعر بشئ يداعب أنفها فتحت عينيها وجدت شريف أمامها يداعب وجهها بوردة حمراء
- صباح الخير

أخدت الورد وهي تشم رائحتة
- الله  جوري

=  ده عشقي  أجمل ورد في الكون
-  لا في أجمل منه مثلاً

وضع شريف يديه علي شفاتيها
- : اششش مافيش أجمل من جوريتي

= ايه كل الدلع ده أنهاردة

عبث بوجه بطريقة مصتنعه
- ده علي أساس مش بدلعك كل يوم ياظالمة.. طيب عندي ليكِ مفأجاة حلوة..  تذاكر شهر العسل باريس

مر اليوم لياتي المساء
كان يجلس ياسر في غرفته دخلت عليه ياسمين وجلست بجواره بصمت لمدة دقائق
- طيب انا اسفة

=  مافيش داعي للأعتذار عادي
- كل الحكاية أنا نفسي أبقي أم وده موترني
= وده بايد ربنا مش بايدينا أحنا

وضعت رأسها علي كتفه تتمسح به كالقط البرئ فمد يديه يداعب شعرها ثم قال
- سمر عاملة ايه

أندهشت قليلاً لهذا السؤال
- كويسة الحمدلله في حاجة

= عمار كلمني انه عايز يتقدملها بس مش حابب يكلمها أو يعرفها من ورايا فقالي أعرض عليها فكرة الأرتباط لو هي موافقة يكلم ابوكِ عالطول ويخطبها
-  وهيفضل خاطبها سبع سنين بتوع الكلية كتير أوي
= معرفش بقا هما هيتفقو علي ايه هو وأبوكِ ممكن يخطبها سنة ويخليها تكمل عنده المهم شوفي رائ سمر الأول   عمار شاب محترم أنا عارفه من زمان