အခန်း : (22) "သင့်ရဲ့ ကံကြမ္မာကိုရေတွက်ခြင်း" [Part 2]
..........................................................နှစ်နာရီခန့် ကြာသော်...
အဘိုးအိုက သူ့လက်ကို ပြန်ယူလိုက်ပြီး သူ့လက်ဖဝါးထဲက ခရမ်းရောင် အလင်းတန်းလေးက ပျောက်ကွယ်သွားတယ်။
"မင်းကံကောင်းရင်တော့ မင်းကတော့ အရမ်းဝေဒနာ ခံစားရပေမယ့် သန္ဓေသားကိုတော့ ကယ်တင်နိုင်မှာပါ"
ရွှမ်လုံက နိုးတစ်ဝက်နဲ့ သူ့ရဲ့မျက်ခွံတွေက မဖွင့်နိုင်အောင်ကို လေးလံနေပြီး လည်ချောင်းထဲက မကြားရနိုင်တဲ့ အသံတစ်ခုလည်း ဖျစ်ညှစ်ပြီး ထွက်လာတယ်။
"ကျေးဇူးတင်ပါတယ် အဘိုး"
အဘိုးအိုက အေးစက်စွာ ပြက်ရယ်ပြုလိုက်ပြီး ရုတ်တရက်
ရွှမ်လုံရဲ့ ရေစိုနေတဲ့ အဝတ်အစားတွေကို ဆုတ်ဖြဲလိုက်ပြီး ရင်ဘတ်မှာ ကြာရှည်နေပြီဖြစ်တဲ့ ခရမ်းနဲ့ အနက်ရောင် ဖြစ်နေတဲ့ ဒဏ်ရာကို ထုတ်ဖော်လှစ်ဟလိုက်တယ်။ လက်ကို ဆန့်တန်းလိုက်တဲ့အခါ အနီရောင် သန္တာ ဆေးပုလင်းကြီး တစ်လုံးပါလာတယ်။ အဖုံးဖွင့်လိုက်ပြီး အမှုန့်ပမာဏ အများကြီးကို လောင်းထည့်လိုက်တယ်။"မင်းရဲ့ စိတ်ပိုင်းဆိုင်ရာကို ပြင်ဆင်ထားသင့်တယ်၊ ဒီနေ့ မင်းရဲ့ ခန္ဓာကိုယ်က အရမ်းအားနည်းနေပြီး အသုံးမဝင်တဲ့ လူသားမျိုးနွယ်ထက် အများကြီး ပိုကောင်းတာလည်း မဟုတ်ဘူး၊ မင်းကိုယ်မင်း တန်ဖိုးထားရကောင်းမှန်း မသိရင် ကပ်ဆိုးကြီးကို မကျော်ဖြတ်နိုင်ခင် သေသွားနိုင်တယ်၊ ကလေးကို ချောချောမောမော မွေးဖွားနိုင်ပါတယ်"
"ဒီအကြေးခွံတွေကို မင်းကိုယ်တိုင်ပဲ ဆွဲထုတ်လိုက်တာ မဟုတ်လား"
သူ့ဆန္ဒမပါဘဲ ရွှမ်လုံရဲ့ နှလုံးသားအကြေးခွံတွေကို ဘယ်သူက လာပြီးဆွဲထုတ်နိုင်မှာလဲ။
အနှစ်တစ်သောင်း တာအိုဘာသာနဲ့ ကျင့်ကြံခြင်းကလည်း နည်းလမ်းကောင်းတစ်ခုပါပဲ၊ မင်း ဒီဒုက္ခကို ကျော်လွှား လွတ်မြောက်ရင် မင်းဟာ ကောင်းကင်ဘုံမှာဖြစ်ဖို့
ဝေးသွားမှာကိုတော့ ငါကြောက်မိတယ်……
ESTÁS LEYENDO
🐉 Catch A Dragon Become My Wife 🐉 Myanmar Translation
FantasíaName : 缚龙为后 " Catch A Dragon Become My Wife" Author :舒仔 ( Shuzai ) Genere : Historical, Fantasy, Ancient, Romance Chapter : Ongoing MM tran : Y_Kalay This story is doesn't belong to me. I am just fan translator. Please, support original writer at...