🐉 Catch A Dragon Become My Wife 🐉 Myanmar Translation

အညွှန်းအစ

လွန်ခဲ့သောနှစ်ပေါင်းတစ်ထောင်ခန့်က ကောင်းကင်ဘုံကိုးပါးမှာ ကောင်းကင်ဧကရာဇ်နှင့် ဗိုလ်ချုပ်ကြီး ရွှမ်လုံ တို့ကြားက ချစ်ခြင်းမေတ္တာအကြောင်းကို နတ်အများကြား မနာလိုဖြစ်ခဲ့ကြသည်အထိ အမျက်တော်ရှခဲ့ကြတယ်

နတ်​တွေနဲ့ နတ်ဆိုးတွေကြား တိုက်ပွဲဖြစ်ပွားတဲ့နေ့မှာ ရှန်းနန်လင်းက သွေးစွန်းနေတဲ့ ကောင်းကင်ယံကို သွေးနီ ရောင်များ​နှင့် ပြင်းထန်စွာ စွန်းထင်း​စေခဲ့တယ်။ ဗိုလ်ချုပ် ရွှမ်လုံက နတ်ဆိုးများကို မောင်းနှင်တိုက်ထုတ်ရန် ကောင်းကင်စစ်သားများကို ဦးဆောင်ခဲ့သော်လည်း သူကိုယ်တိုင် ဒဏ်ရာအပြင်းအထန်ရခဲ့တယ်။

"မငိုပါနဲ့၊ မင်းရဲ့မျက်ရည်တွေကို ငါမသုတ်ပေးချင်ဘူး
နောက်ဘဝမှာ လူဝင်စားဖြစ်တဲ့အခါ မင်းငါ့ကိုလာရှာလှည့်ပါ"

ကောင်းကင်ဧကရာဇ်က မိခင်ပျောက်တဲ့ ကလေးငယ်လို အော်ဟစ်ငိုကြွေးရင်း သူ့ရင်ခွင်ထဲမှာပွေ့ပိုက်ထားတဲ့ သူရဲ့ ပါးစပ်က အဆက်မပြတ် စီးကျနေတဲ့ သွေးတွေကို သုတ်ပေးရင်း ...

“ကမ္ဘာကြီးက ဒီလောက်ကြီးမားကျယ်ပြောတာ ၊ ကိုယ် ဘယ်လို မင်းကို တွေ့အောင် ရှာရမလဲ ...
မင်းကို ကိုယ်သွားခွင့်မပြုနိုင်ဘူး မင်း​သေသွားရင် ကိုယ့်ကို​ တယောက်တည်း ထားသွားမှာ ၊ ကိုယ်ဘယ်လို ခံနိုင်ရည်ရှိပါ့မလဲ”

"အားယွမ် ၊ နားထောင်ပါ"

ရွှမ်လုံက သွေးစွန်းနေတဲ့လက်ကို ခက်ခက်ခဲခဲ မြှောက်လိုက်ပြီး ရင်သပ်ရှုမောဖွယ်ကောင်းတဲ့ ဧကရာဇ်မင်းမြတ်၏ မျက်နှာတော်က မျက်ရည်တွေကို သုတ်ပေးဖို့ ကြိုးစားရင်း တဖက်မှာလည်း သူ့ခန္ဓာကိုယ်က သွေးတွေစွန်းထင်းမှာ စိုးရိမ်တဲ့အတွက် လက်ကို ပြန်ထားလိုက်တော့တယ်။

"ငါ့မျက်နှာက ဒဏ်ရာကို မင်းမြင်တယ်မလား..
ကံမီးလောင်ပြီး ကျန်ခဲ့တဲ့ ဒီသဲလွန်စတွေက စိတ်ဝိဥာဉ်ပေါ်မှာ ထွင်းထုပြီးသားဖြစ်လို့ ပြန်ဝင်စားတဲ့ ဘဝအထိ ​သယ်ဆောင်သွားလိမ့်မယ်...
နောက်တစ်ကြိမ် မင်းငါ့ကိုတွေ့ရင် တစ်ချက်ကြည့်လိုက်ရုံနဲ့ မင်းမှတ်မိပါလိမ့်မယ်"