شقة العراقيات

البارت الخامس

ومن أكبر أخطائي أنني كنت أمرّ على لحظات الفرح مروراً عابراً، وأعيش الحزن بكل مشاعري.
.
.
.
همس.
آلام الماضي تذكرك أنك الآن أقوى.
فما زلت واقفاً.
والجرح أصبح مجرد ندبة يذكرك بمدى قوتك.
كل الطريق واني بالي صافي احس بشعورغريب عبالك مخدرة اطرافي وحتى عقلي مخدر افكاري الشاردة

واصابعي امررها على اصبع اصبع على جرح قديم وذكرى تعيسة تثبت ان الانسان شكد نساي وان اني على وجه الخصوص نسيت ان الي ديسوق السيارة .

هسه في يوم من الايام خلاني اهذي من خوفي جنت مثل طفل بالسيارة مسلوب الإرادة والاستقرار هذا حالي الدائم بوجود ابوية
الي قبل يومين قرر ان لازم يجمعنا اني واخوتي على سفرة وحدة ولان امي مقبلت.

وبعد مناوشاتهم المعتادة وكالعادة دخلت بحالة انهيار قررت أمي تتنازل علمود صحتي لا ارجع اسوء من قبل ان اروح وياه بشرط هو ياخذني وهو يرجعني.

احس بطبطبة خفيفة على وجهي وكلمات وصوته يرن باذني بس احساسي مسلوب كل شوية احس بي يردد كلماتة ويسيطر عليه النوم مرة إخرى فجأة فزيت من صاح علية باعلى نبرة.

-لجججج بابا همس حبيبتي لتخوفيني.

فركت وجهي ووكعت نظراتي على الشارع حسيت قلبي وكف واني اشوف الدنيا طامسة بظلام دامس وابوية كاعد على ركبة ونص بالشارع علمود يكعدني شنو الي صار تحركت وحسيت برطوبة جوايا حسيت هواية رجعت لورة ادمرت نهديت بالبجي دموعي الي تنزل واني الوج بمكاني واردد.

-ليش رجعت ليش رجعت اني جنت زينة ؟.

يحاول يلزمني واتملص منه جنت خجلانة مستحية ومصدومة من وضعي المزري اني هاي الحالة المرضية عندي من زمان من ايام علاقتهم المتوترة والتعنيف الجسدي والنفسي واللفظي بطفولتي جنت اعاني من إدرار وعدم السيطرة على نفسي ومن بديت .

اكبر وانهاريت قبل طلاقهم اخذوني للطبيب وبكثرة المحاولات والمراجعة لعدة اطباء خلاني افقد تماماً ودخلت بغيبوبة سكر وهنا صارت النهاية بعد ما الدكتور الح عليهم ان يهيئون بيئة مناسبة الية كطفلة لان نتائج الي ديصير بينهم دتطلع بية وراها بفترة اخيراً .

استقرينا بعيد عنهم اخذتني امي واخوتي الاكبر مني ولد اثنين فضلو يعيشون بين امي وابوية وظليت فترة اعاني من كوابيس وصعوبات وراها استعدلت حياتي ورجع ابوية خربها بعمر ال١٧ يطالب بية اعيش وياهم.

ورجعت حالتي انتكست عاد هنا قررت وهاي اول مرة اراجع دكتورة بوحدي على معرفتي جنت مستحية بس امي بالها مو يمي فلازم الكي حل شرحتلها كل اليصير وفهمتني كالاتي .