شقة العراقيات

البارت التاسع عشر

أهرب من قلبي أروح على فين
ليالينا الحلوة في كل مكان
مليناها حب إحنا الإثنين
ومالينا الدنيا أمل أمل
أمل و حنان

-محمد عبد الوهاب

__________________
همس.

عاهدتني لغيري أن لاتميل
يا كاذباً في العهدِ قد قتلتني.

اصعب موقف يمر على اي شخص بالدنيا الخيانة مستحيل انسى اللحظات بعد ما استفاقيت من الغيبوبة وشفت ماكو همام.

بكل بساطة ماكو يعني اني شكد مرت بحياتي احاسيس وخاصة احساس اني مو مرغوبة ولا محبوبة منبوذة عمري وحياتي محسيت مثل هسه حسيت نفسي مهمشة.

وخطر بالي كلمة كالتها صديقة الية بالنص كالت حسيت نفسي لوحة قديمة ميعرف حتى شلون يمسحها.

بالضبط حسيت نفسي شي قديم بس ما صار أنتيكة وناس احتفظت بي بالعكس صارت قديمة ومتروكة.

وسألت نفسي ليش وسكتتها لروحي وحمد الله على كل شي على احمد وعلى اهلي وعلى وجود الطفلة وطلعنا للبيت.

بالبداية جنت كلش قلقة على بنتي والكل كال فترة وتعدي وراح يصير كل شي زين وتتعودين.

واني الافكار تنخر براسي ها خاف زوعت ها خاف نكلبت ها خاف بجت واني مو يمها خاف وصخت الى ان وصلت مرحلة حتى نومي صار عبارة عن اوقات قصيرة متقطعة جدا لدرجة افز خلال الساعة مرتين تلاثة.

انهاريت احتاجيت انام واكثر من النوم احتاج همام اريدة مثل قبل يراعي نفسيتي من تصيبني حالة آرق يكعد وياية ويحاجيني ويحاول يطلعني من مود.

الساعة تقريبا اربعة الفجر وبنتي نايمة مقابيلي بالضبط واني حاطة راسي على المخدة وموجهته عليها.

بنفسي كلت ها خاف تتقيء خلي اميل نومتها نيمتها صفح حطيت مخدة وراها بنتي عمرها شهرين مدا اصدك واني صار فترة من كعدت.

اخذت التلفون بتهور مو محسوب دزيت رسالة لهمام*بشنو قصرت وياك*

تقريبا ورا دقيقتين جاوبني:ما قصرتي حشاج من التقصير الذنب ذنبي.

اكلت اظافري واني اجاوب همس:قصدك لان ما حبيتني.؟

همام:منو كال ما حبيتج كل الي صار صدفة صدكيني.

همس:يعني شلون.؟

راح تقريبا خمس دقايق بعدها راجعت الرسايل وجان يتصل من التوتر ذبيت التلفون.

بعدين اخذت نفس عميق وجاوبت بصوت ناصي:احم الو تسمعني.

همام:اي اسمعج شلونج وشلون بنتنا.؟