شقة العراقيات

البارت الثالث

أحن إلى خبز أمي
وقهوة أمي ..
ولمسة أمي ..
وتكبُر في الطفولة
يوماً على صدر يوم
وأعشق عمري لأني
إذا مت،
أخجل من دمع أمي!
محمود درويش
.
.
.

ميار
في داخلي شُرْفَةٌ.
لا يَمُرُّ بها أَحَدٌ للتَّحيَّة.
محمود درويش.
كل لقطة بحياتي اني احتاجك هاي الرسالة صارلها ساعتين بالمسودات اريد ادزها لابوية وما اريد يالله شكد محتاجة احجيلك شكد مشتاقة اشكيلك واني نايمة بحضنك صار شكد محاضنتك تقريبا شهرين ونص تعبت واني هنا بالريف بمنطقه اقل ما يقال عنها نائية صح ماما موجودة بس اني متعودة عليك انت.
عفت التلفون وكمت اسوي عشه لماما ولو حبيبتي متحب تاكل بليل بس اسويلها خفايف علمود حباية الضغط اللي عدها واني بالمطبخ اندكت الباب اكيد لو عمار لو حسن يعني منو يتذكرنا غيرهم يارب عمار صح غثيث بس احسن من اخوة لا اكدر احجي لا اكدر اتحرك وكل كلمة والثانية ينطيني طن رزايل اقلها عمار اظل احجي عليه وخطية ميضوجني وبس يشوفوني ضايجة يحير شيسوي لخاطري
ودخل حسن عبست بحلكي وهمست غدي *يعني اوع *
-السلام عليكم.
-وعليكم السلام ماما جوه.
-لا اني جاي عليج مخصوم زوجة عمي حجيت وياها الصبح تعاي برا.
-لا عفية الدنيا بارردة ..حقير عافني واني حتى ممكملة الحجي سحبت الروب وطلعت:
-تفضل.
-قدمتلج على خارجي.
- نزلت دموعي وآني أسال ليش ليش يعني بعد ما ارجع يم بابا
فرك وجه قوي واني تمشيت كعدت على المرجوحة ودموعي تتسابق وبالي فكرة وحدة يعني عافني وبعد ميريد يعيش يمي حسن جان متوتر ظليت تقريبا ربع ساعة ساكتة انتظر الحكم الي بابا آمر بي شوية وحسن كعد كدامي
-ميورة مسحي دموعج .
-اني اسفة.
-ابوية انتي ليش بس تتأسفين ولا يهمج اني اقترحت هذا الاقتراح على عمي اقلها تدرسين ميورة شو رفعي وجهج الحلو ليش دموعج محظرتها بعدني مكملت ونزلت.
-حسن اني اني والله مسويت غلط صار شكد اني هنا تقريبا سنه وصار شكد مشايفتها تقريبا شهرين ونص عفية شنوذنبي.
-ماعندج ذنب يحلوة ماعندج.
-يعني انت مصدكني.
-اوف ميار اصدكج بكل وكت بس ذنبج انج حلوة مو كايلج اني.
-اسوي عملية علمود اصير مو حلوة يعني .
-لا ههههههههههه ميورة انتي اذا تزوجتي بس ابجي يم رجلج وراها ولا يهمج راح يسوي كلشي علمود ترضى الاميرة.
-تصور احد يقبل بيه بعد اللي ...
-اششش هذا الموضوع حتى امج ميصير تدري بي.
.
.
.
زهراء
الموت لا يوجع .. الموتى
الموت يوجع .. الأحياء...!
محمود درويش.
اليوم اكمل ال٢٤يوم على زواجي جنت ارتب بالغرفة التهي احسن ما انزل على الملهى جوة قصدي بيت عمي الي مسوين باربيكيو على كولتهم والحفلة مختلط وعدهم ابن عمهم سرمد شكد سخيف وادبسز ولهذ حبست روحي فوك بلكت تفض الحفلة كلها
افتقدت سلام مو طبعه وهو ميعوفني ابد.
بديت افتح المجرات واكو واحد ابد مايفتح اكوم انزل احسن هم اصيح سلام لان بهيج اجتماعات يضحكون عليه خطيه وهم اجيب شي من جوه افتح الجرار.
المكان جوة يثير اعصابي الناس بكل زاوية وضحك عالي وتمركص وتصرفات تخبل العاقل ظليت ادور على سلام سألت عمتي تكول اسألي هذولي الملاعين*جمع ملعون* وتأشر على ولد عمه سرمد والبقيه مو كلهم اعرفهم سألت اكثرهم اخلاقاً فهد ابن اختها لعمتي
-فهد مشفت سلام.
-لا والله اختي مشفته.
-كبر لفك هاي ميصير تكوللها اختي.
حجه سرمد سويت نفسي ما اسمعه وظليت ادور طبعا الكل تتعجب ليش ادور على سلام لان احسه طفل للاسف
-سمعت صوته بالمخزن هاي الحجاية كالها فهد وهو يمشي من يمي بحيث محد حس علية شيحسون والكل ملتهي والاغاني عبالك عدهم عرس ركضت على المخزن افتح بالزنجيل وعقلي يجيب ويودي حسيت الف سنة يلا انفتح واشوفلك سلام عيونه مفتوحة على وسعها ونايم على كارتونة لو تخبلت ماعرف منين اشيلة لو على منو اغلط انوب فد مرة ميبس نفسه طلعت عطت بالام عود اخذت سرمد تكولة
-تعال شوف سلام اكيد وصخ المخزن مثل كل مرة .
وهو وراها يضحك بكل نذالة يكوللها.
-مو على اساس بطل يخاف.
واني اكمز وراهم اول مرة اشوف ام ميرف كلبها ابنها .
بعد ساعتين من الأخذ والعطى ومنو ياخذ سلام الكل متقبل تترك الحفلة واخيراً وصلنا للمستشفى كل لحظة اتمنى اهجم على عمتي واكطعها من برودها ولاعبالك ام طلع الدكتور
-عفية دكتور شلون صار سلام.
وكف وباوعلي باستغراب سألني.
-انتي شتصيرين لسلام.
-مرته دكتور شلون صار.
-ليش متعرفين حالته شنو الجديد.
-ياحالة دكتور اوكف احاجيك.
-تعاي بنتي امشي وياية واحجيلج هاي حالة سلام من سنين من حبسو وهو مراهق بالمخزن وهو اصير عنده هاي الحالة يفقد الشعور بالمكان والزمان وياذي نفسه.
-زين شنو السبب بهاي الحالة.
-بنتي هاي الحالات تصير لاسباب صحية وكثيرة من ضمنها التعذيب والحبس وضربات على الرأس يعني اسبابها متعددة وحالة سلام حالة سهلة جدا بس يحتاج عناية بسيطة صح قليل استيعابه من وراها بس هو احسن من كومة ناس غيرة اكو ينتحرون من وراه هذا الموضوع هو اقلها ميستوعب وهاي نعمة.
واني عقلي ظل يعيد بكلمة نعمة وصارت عندي حالة وشة بالاذن مو طبيعية حتى الدكتور عفته بدون ما اشكره يعني شنو اني تزوجت علمود انهزم من طغيان زوجة والدي تالي اطلع مزوجة واحد مخبل.
.
.
.
سلسبيل
كَلمَاتك .. تُرسِلُني إلَى هُنَاك.
حَيثُ لا هُنَاك إلّا أنا .. وكَلِمَاتُكَ .. وعَيْنَاكَ ..
محمود درويش.
بعد اسبوع .
صباح مغيم غير كل مزاجي للاسف اكره الغيم والمطر والثلج اني انسانة اعيش على طاقة الشمس وشكلي ورطت روحي بهاي الدولة
الصبح فطرت ويا خالة سهام يالله شكد قلبها طيب من الصبح مسويتلي ريوك ذكرتني بأمي المرحومة الي جانت متقبل اروح للمدرسة بدون فطور ولهذا فطرت ونزلت اريد الحك على الكلية كضيت الطريق كلة افكر بالبنات وشلون اشكالهم صار يومين من اتفقت ويا بنات عراقيات راح يجون من شققهم يكعدون يمي بعتبار ارخص واوفر الهم .
اختاريت دروس الي اريدها واخذت مواعيدهم والقاعات علمود ما اخربط امشي واكتب بالملاحظات اماكنها كلها وراها اكعد بالكوفي على راحتي .
بالكوفي جنت لابسة شماغ بابا حبيبي اني اموت عليه بس للأسف هنا بالغربة نتعرض للتنمرمن ابن بلدنا قبل الغربة دخلو مجموعة ولد عرب شايفتهم قبل بالكوفي وواحد مستهتر مر من يمي كال :هلا بالفيران كل عقلة احنا مهزومين من العراق جاهل واحسن علاج التجاهل لان هيج امثال بس تجاوبيهم عباله تعشقي .
وفات سيف الدين الرجال الي ساعدني بالملك مال الشقق حاولت اخفي نفسي على كد ما اكدر بس مثل كل المواقف المحرجة عبالك رجل آلي اول ما فات وكعت عينه عليه وتوجهلي يالله شكد أحراج
-سلام.
-هلاو وعليكم السلام.
-اريد احجي وياج وشفتج بوحدج وكلت استغلها للفرصة مع العلم مبين عليج متريدين تحجي ويايه بس راح اعدم الاحساس شوية
اني معجب بيج كافي خلي اتقدملج.
-ها.
-لج سدي حلكج راح ينتبهون.
-منو ينتبهون لتمد ايدك مرة ثانية ما اسمحلك تلزمني.
-هسه اليوم راح اتقدم.
-خالي مو هنا.
-نطيته خبر وراح اجي اخطبج من الحجية.
-ياحجية امي ميتة.
-هم فتحت حلكها لج سدي سدي.
-اوي هاي شبيك والله اذيتني لتزم فكي بعد.
-شكد نازكة اوف يالبغادة شكد حلوين المهم يلا روحي ركض للبيت اليوم اجي اشوف شعرج.
-انت طك بيك عرج لو شنو اشوف شعرج شنو.
-لج نزلي ايدج واصبعج لتأشريلي بي وبطلي نيتج السوء بالحلال.
-والله ما اقبل انت هسه وعندك ميانة علية لويت اصبعي وعصرت فكي وتشومل بايدك عبالك اشتغل عندك ما اقبل بيك ما.
-كلها افتهمتها بس هاي مال تشومل مادري يمكن سبيتي عليه.
-لا بليز اني هاي مو اخلاقي اني ما احب اسب لو اغلط تشومل يعني تحرك ايدك اني ليش دابرر الك ولميت غراضي ركض وطلعت ولأول مرة افرح بعد وفاة اهلي ضحكته شكد حلوة تطرب أذاني.
.
.
.
همس.
‏"‏ أنت السجين ، سجين نفسك والحنين
محمود درويش"
-شلونج بنت عمي دفعته من صدرة واريد اتذكر هذا منو ولا مرة شايفته ولا مرة ماما كالت عندي ابن عم هيج حلو حجيت على السريع وبنفس واحد .
-منو انت وبنت العم شنو وهذا التصرف شنو غير همجي ومتخلف والله ولا ابقى.
-هسه غير تنطي صبر اخذي نفس.
-اني ابن عمج جلال لو منتبه شوية جان افتهمتي.
-انت شنو هالاسلوب هذا كله استهزاء وانتقاص مني مرة لو منتبه ومرة شكلج مو مال مهندسة ومرة تحجي على لبسي انت شبيك شهل الرجعية.
-رجعية شنو يا هانم وضرب اصبعه براسي رجعية شنو يعني نعوفج على حل شعرج جاية للشغل عطرج وصوت الكعب يهلهل قبلج والشعر محلول والسيت الي لابسته راح يطك عليج ادخل تفاصيل بعد لو اسكت بس كوليلي لماما مالتج شافت لبستج قبل متطلعين لو لا بس كولي.
-طبعا شافتني وحيل عجبتها اني ما اسوي شي بدون علم ماما ومو من حقك تحجي كلمة عن لبسي مستور وهاي اشياء خاصة عطري ولا كعبي والله يالله ابن عمي قبل دقايق عرفتك تريد تتحكم من هسه شو وخر اريد اطلع.
-انكبري بمكانج تطلعين علمود تفرين ببب استغفر الله .
-بشنو بشر طبيعي انت شبيك ابني وخر من طريقي اريد اطلع حتى الشغل ما اريدة.
افتر وايده على راسة وصل للباب قفله مرتين ورجعلي انوب اريد اسيطر على رجفة رجلي ماكدر مخايفة من احد قبل بس هذا شكلة يخوف اشرلي على الكراسي مال المقابلات وزفر بضوجة.
-كعدي همس تعاي نتناقش.
كعدت ورجعت نفسي لاخر مكان ماعرف ليش خايفة منه احسه مو أمان شحجي عليج يا امي هو هذا المكان المحترم.
-اسمعي همس افتحي أذانج كلش زين انتي مو صغيرة ولا اني صغير الي صار قبل شوية اسفه علية مو من حقي امد ايدي بس انتي تخلين الانسان يطلع عن شعوره الي اريده هسه النقاش وبس.
-بشنو نتناقش يعني؟.
-اول شي بمظهرج وراها بالشغل.
-مظهري شبي والله جايبه وياية كوت طويل والي اعرفه القسم الي قدمت عليه بس للبنات صح لو غلطانة.
-لا حجيج صح بس مراح يمنع وجود الجايجي ولا المنظف ولا اي مهندس يريد يتناقش آو يسأل الكل تدخل لهذا القسم اني ما اريد افرض عليج اصلا ما الي حق بس اريد خاطر اي شي يوكف بعينج عدلي لبسج.
-يعني شتريد مني البس مكان شغل يعني بدلة عملية.
-يعني تنانير وسترة مترهم لو الا بنطرون يالله.
-لتصيح اني ما اجي بالصياح احاول بس ما اوعدك.
-والشغل مالتج وياية احسن اضمنلج راحتج وراتب زين.
-اني ميهمني بس عبالي اشتغل بشهادتي.
-راح تشتغلين كل مشروع ادخل بي انتي تساعديني وانطيج مشاريع صغار ترسميها الي تضبطي وواثقة من نفسج اقدمة للتنفيذ بس اني اطلع على العمال راضية هيج؟.
استحيت منه شلون اسلوب وياية راضية كلتها واني عيوني تفتر على ملامحه شكد حلوة من كد جماله يشبهني بصوت ناصي كال
-همس.
-نعم.
-انتي كلش حلوة.
-ههههههه شكراً اكدراطلع.
-طلعي يابه للبيت وباجر تعالي باشري.
-اوك باوع شكراً وباي واشرتله بايدي بحركة ناعمة بيباي.
-اسمها في امان الله يحلوة وغمزلي طلعت واني ارجف شكد سخيف ومنحرف يحلم الباجر ارجع يمه جسمي لحد اللحظة يرجف منه اتصلت بعمو محمد يجي ياخذني ربع ساعة ووصلني وراح اول ما فتت للبيت امي تلكتني.
-ها قبلوج اكيد.
-ماما اني مستحيل ارجع للشغل.
-لج ليش بالشفاعات لكيت هيج شغل اقلها آمن عليج قريب وخوش ناس.
-ماما همام ابن عمي المساعد.
-عزة بعينج يعني اكيد ابوج راح يعرف.
شهكت وحطيت ايدي على حلكي عزه شلون فاتتني....

اعذروني على الاغلاط والسحكات