شقة العراقيات

البارت الرابع عشر

لقد كان حزنهُ من ذلك النوع الذي
لا يعرف صاحبّه البكاء والنحيب ..

‏- إيميلي برونتي

_________
سلسبيل.

ـ هل ترغب أن تقول شيئا ؟ . . ووجدت وراء تساؤلهـا دعـوة إلى الكلام ، فـخـفـق قلبي بعنف وقلت في اضطراب أخفيته بجهد شديد : ـ أرغب دائما أن أقول إني أحبك !

- دوستويفسكي.

رغبات الناس وطباعئهم تتغير بمرور الزمن .

الظاهر اني شكد احاول اغير من شخصتي اكو صفات ابوية زرعها بيه وماكدر اغيرها من ضمنها الطيبة الزايدة والثقة السريعة اشياء متعبة.

الناس الها الظاهر هذا طيب قلب وشخصيتها حلوة وتثق بينا وشلون حسستينا عبالك نعرف بعض هاي كلمة دائما اسمعة.

بالحقيقة اني اكره هذا الطبع بيه مرات من اكعد بيني وبين نفسي احس شكد اني مغبون حقي خاصة ورا ما سمعت قصة ميار.

شلون آمنت بدون حتى ما سألتها عن حياتها او حتى اسال عليها شلون اني بدون نباهة ولا فطنة احساس سخيف.

من سديت الاتصال خابرت خالو وسالته على ابوها لميار وطلبت منه يسال عليهم عائلياً.

تقريبا مرت ساعتين ورجعلي خبر صدك قاضي بمنطقة**** عنده زوجتين والاولى ماتت من شهرين ونص عنده من الاولى ميار واخوانه اثنين ماتو قبل فترة بضرف مريب والزوجة الثانية عنده طفل صغير.

وبس بهاي البساطة ميار شلون تكول على نفسها قاتلة ومحد ذاكر الموضوع يعني اكو بنية عاقلة تتهم روحها بهيج موضوع.

حتاريت كلش حسيت راسي صدع فتريت بالمكان هذا الموضوع ورا ما رجعت للشقه شغلني كلش .

من اتصل سيف حاجاني على بنية بكورب العراقيين تريد تشتغل بالبيوت ويمان صديقة كافلها لسيف ووصاه عليها علمود الشغل ونقطع الاتصال رنيت عليه مرتين مجاوب بعدين طلع مغلق عفته خاف مشغول.!

يمان دائمًا صاحب مواقف ويا العراقيات بسبب شغلة كمترجم مفتهمت سيف شنو قصدة على البنية يعني يريدها تنظف شقته لو يريد اشوفلها شغل ماعرف.!

رجع يمان دزلي الموقع وكتبلي اني سيف تعالي على الكوفي علمود البنية.!

من وصلت جانت بنيه بنيتها هزيلة وياها عربانة طفل كلش تعبانه ووصخه.!

البنيه اسمها زهراء لابسه بنطرون وسترة كحلي وشيلة لافتها .

زهراء:مرحبا اني زهراء.