شقة العراقيات

البارت الاخير

ان الفرح سيطرق ابوابنا حتماً..✨

____________________
همس.

مثلاً أنا وانت
‏نُراقب الشُروق معًا
‏ولكن لكُل منا مصدرهُ
‏انتَ تنظُر للشمس وانا انظُر نَحوك .

اجمل مدينة زرتها هي تركيا شكد ما اكول على المكان حلو ما ابالغ.

استقرينا ونقلنا غراضنا اني واحمد وقرر احمد يدز ملابس للعراق والعكس وتم الاتفاق وبدة يتفق ويا محلات وناس تسوي اعلانات.

ولان شغلي الهندسة جنت اشوف الزاويا المناسبة للتصوير وصار ادمان هذا الموضوع.

بدعت بي جنت اكضي وقتي بين التصوير وديمة واحمد عائلتي لصغيرة اماني ومأمني.

حسيت لكيت شي بيه ضايع جنت ادور علية من زمان اشوف فيديوهات تعليم واطبق واصور بكل مكان بكل دقيقة.

طورت من نفسي واشتريت عدة تصوير كاملة وبديت مشروع شعري تحت اسم ديرتنا وبديت اصور الناس بكل حالاتهم وبدعت بقسم الاطفال اكثر شي.

بالبداية جنت اخاف من الاعمار اقل من اربع سنين بعدين اقل الشهر وبديت اتعلم على تصوير الاطفال.

ومرة على مرة بدعت بهذا المجال جنت اول مرة اجرب ابدي بميمي واليضحك صارت عدها اكثر من ست ألبومات بس الها.

حاولت اشارك صورها بمواقع التواصل بس اعرف همام ميقبل.

بس مرة ضجت لان الصورة جانت تخبل راسلت همام.

همس:همام حباب خلي انشر صور ديمة.

همام:انتي الحبابة يروحي لا ميصير تنشريها.

همس:لتضحك علية همام.

همام:مضحكت طلبتي رأيي واني نطيتج الجواب.

نصيت صوتي وحجبت بنعومة ردت اخلي يوافق :حباب همام وافق.

ضحك بصوت وجاوبني : ترا مرت علية هاي السوالف قبل فجاة تصيرين كيوت وصوتج ناصي ومن اقبل تقلبين علية همس ترجعيلي.

همس:تؤ هسه وافقت لو لا.

همام:تؤ هسه وافقتي لو لا .

همس:شنو تعيد كلامي.

همام:شنو تعيدين كلامي .

حركت شعري بقوة على الجهة الثاني :همام داحجي جديات.

همام:هسه دقيقة انتي حركتي شعرج واحنا دنقلد بعض اني معندي شعر شلون اقلدج. ؟