شقة العراقيات

البارت الحادي عشر

‏قبل متبدون البارت اتمنى تقرون للضابط الي توفة اسمة ضرغام لؤي محمد

______

من الجميل أن يكون لديك صديق
كلّما أتيت له متكدرًا رجعت منه صافيًا
وكلما قدمت إليه ضعيفًا عدت منه أقوى .."

- علي الطنطاوي

____________

سلسبيل.

‏"أنا مقتنع أنّ الدافع الوحيد الذي جعلني أستمر هو أنني أحببت فعلاً ما أفعله"

- ستيف جوبز.

وصلت للشقة وفتت على منظر يخبل جانت ميار نايمة ولازمة ايد همس هاي البنية تنحط على الجرح يطيب .

هزيتها مرتين تاففت وباوعتلي همست:حسن

لزمت وجهي ومتت ضحك بالله اني اشبة حسن والانوثة وين راحت؟!

رجعت كعدتها وجريتها وراية وهي شوية وتبجي تريد تكمل نومتها كعدتها على الكرسي بالصالة باوعتلي لامة شفايفها بلوم ومصغرة عيونها .

سلسبيل:راح تعذريني والله بس اشرحلج ليش كعدتج بس اول شي صحصحي وياية بليز.

ميار:احجي بس واللة اذا طلع الموضوع مو مهم اوكلج محمودي على كولت حسن.

سلسبيل:بغض النظر عن حجاية زوجج الي ماعرف شنو معناها بس راح اعديها اسمعيني اني راح اطلع سفرة تزلج وعلمود متضوجون انتي وهمس وخالة حجزتلكم بمكان يخبل.

ميار:هوب هوب اول شي محمودي يعني راشدي لو هم الراشدي متعرفي وثانيا منو كال اني اريد اطلع فرق التوقيت هسه اكيد حسن نايم واني ما اطلع بدون اذنة.

سلسبيل:ميمي حبيبتي افتهمت بس مو هسه احنا راح نطلع بليل يعني تكدرين تحجي ويا زوجج ها موافقة.!

ميار:شرط تفهميني منين طلعت هاي السفرة لان ممقتنعه رحتي لبيت خطيبج مقررة ترجعين تدرسين رجعتي من بيتة مقررة سفرة.

سلسبيل:احد كلج قبل ذكائج فوق المعقوول عقلج عقل محلل.

ميار:اي حسن كايلي سوسو الحلوة اكلج عيناي يصير انام وبليل نحجي واني اصلا هدومي نصها بعدها بالجنط.

سلسبيل:روحي واني راح احضر غراض همس.

حضرت جنطة مال يومين لهمس ولو متحتاج وجهزت لخالة اكل امشي واني افكر اسوي تلفوني سايلنت صح غلط ويجوز سيف يزعل بس اني متاكدة من احمد واكيد اكو فد شي جبير بين همام وهمس لدرجة ميريدهم يلتقون ولو حتى اذا التقو هي متحجي واحيانا حتى متحس بالدنيا.