شقة العراقيات

البارت الثاني

أحببتك مرغما ليس لأنك الأجمل ✨
بل لأنك الأعمق 
فعاشق الجمال في العادة احمق
.
.
.
.

سلسبيل
شقة لسكن الطالبات بشارع البحر قريب من الجامعة مفروشة للاستفسار الدخول الخاص فقط بنات ها بنتي هيج حلو
اي خالو حلو هذا الي لازم يصير مثل ما خطط بابا هسه ننتظر اني وياك نشوف البنات وراها انت تكدر تروح على عائلتك حبيبي تعبتك ويايه.
لا حبيبتي انتي من ريحة الطيبة.
الغربة مشاعرها مختلطه يمكن لان حتى بالعراق حسيت بغربة وراه وفاة اهلك كل الامكان غريبة كل الوجوه كل الحجي والسوالف كلشي غريب عليك عبالك طفل حديث الولادة دتكتشف الحياة بس بدون قلب حنين عليك يراعيك ويحبك بدون مقابل صح صار تقريبا شهر من سافرت علمود ارتب وضعي قبل الجامعة صح الشقة اصلا ملك بس تبقى لازم ترتيبات خطيه خالو صارله شهر ويايه معافني ابد .
طلعت للجامعة اكمل اموري قبل بدايه الاسبوع الجديد ما اريد اركض واني عندي دراسه اريد اسيطر.
اثناء رجعتي شفت مرة جبيرة بالعمر تحت العمارة
-بلا زحمه بنتي.
-تفضلي خاله.
-عيني انتي البنية الي عرضت شقة للطالبات.
-صح خالة اني .
- بنيتي اني اريد اعيش وياكم.
-خاله حبيبتي تشرفين بس طالبات يعني خبصه وهوسه.
-بنتي اعتبريني امج واذا على الهوسه ياعيني عادي متعوده واذا تريدين اخدمكم بعيني اسويلكم غده عشه ياعيني بدال الايجار.
-خاله مو مهم الفلوس.
-حبيبتي بنتي اني استلم فلوس بس اريد ونس وانتي مثل بنتي اكيد .
-اكيد حبيبتي خاله .
-زين لعد اني اروح.
-لا لا خاله تفضلي ويايه للشقه تشوفيها.
اخذتها ويايه وصعدت جنت فرحانه اكثر منها بوجودها اقلها خالو يرجع لعائلته واني اطمئن بوجودها حسيتها راح ترتب وضعي
كل لحظة بعدم وجود اهلي صعبة ومؤلمة يالله ساعدني على حياتي بدونهم وارحم ضعفي وقلة حيلتي .
.
.
.
.

لا تحزن عند الصدمات فلولاها.
لبقينا مخدوعين لمدة اطول.
هي قاسيه لكنها صادقه.
زهراء
الحياة بعد الزواج ماعرف شلون اوصفها سهله بشكل زوجي رجل ابد مو متطلب لدرجة انسى اني متزوجة كل شي بهاي العائلة يثبت عدم وجود احترام او تفاهم وهاي احد المواقف الي خبلتني جنت كاعدة وفات سلام يركض للغرفة شايل علاكة غريبة
سلام هاي شنو بيدك ؟
هاي الغنيمة افرحي يولي افرحي
غنيمة!شنو شبيك
شبيج هاي اخذتها من الوالد مو هو يقربع
يقربع شنو؟هههههههههه
اسفين عمي قصدي يحتسي الكحول
هههههههههههههه خطيه كادر على الرجال اصلا عمو فقير
انتي الفقيرة يعمري مراح تجين تاكلين ؟ترى هسه اخلصها كلها
عمي غير اعرف انت شجايب
نثر الحلويات على الجرباية اشكال وانواع من الجبس الى حلويات من الغالية وكميتها هواية .
عبالي دتشاقه لا صدك هاي منيلك
يابه والله اخذتها من الحجي
سلام شكم مرة اكلك لتحجي وحلكك بي اكل
حاضر زوزو تعاي اكلي جرني اكعد يمه ويوكلني بكل فرحه وهذا  العيب الوحيد بسلام للاسف عقل طفل وتصرفات طفل ...
الغريب بالموضوع فعلا عمي وراها خبصنا بالصياح ويريد سلام وهنا اكتشفت عمي يشرب اول مرة اعرف وجانت هاي اول خوفه الي بهذا البيت وشكلها مو الاخيرة..كل مرة اشوف ان قراري جان متسرع عائلة متفككة مستهترة وبدون رقابة كلشي حلال حجابي صار ميوكع من راسي مصار اسبوعين على زواجي واكتشفت هاي الاشياء بيهم خاصه عدهم عادي فجاءة تشوف ابن عمهم ولا ابن خالهم فوك رأسك حتى بدون احم ولا دستور والام والاخت كل الناس تشوفهم حلال عود بس بالشارع الحجاب لو متزوجة رجال صدك جان كلت عسى ولعل نطلع فد يوم بس سلام طفل واحس هذا المكان مقبرتي الي فتت الها بختياري وبارادتي للاسف .
.
.
.

لا سر في جسدي أمام الليل إلا ما إنتظرت وما خسرت. - محمود درويش
ميار
اني شخص يكره الليل خاصه ورا اخبار عمار "عمار هذا ابن عمي الغثيث "
ابتسم بوجهي:ابوج هذا الشهر ميكدر يجي لهذا اني راح ابقى هنا
عمار تكدر تروح تشوف حياتك وترفع الزحمه *ماعنده احساس*
لا بت عمي ماكدر اروح ابقى اشوف مستلزماتكم.
يا ابن عمي يا عزيزي شوفنا عرض اجتافك يعني خلصنا ومخلصنا
مياررررر هذا صوت امي اكيد ولا عمار ماعنده احساس
للحق هو خوش رجال واكبر مني بعشر سنين وشكد ما اضوجه ما الكه منه غير طول البال والسكوت يمكن اخذت اني ادوس ويا بالحجي بعكس حسن اذا اجه صوتي كله يخرس .
.
.
.
أيها الماضي! لا تغيِّرنا كلما ابتعدنا عنك!
أيها المستقبل! لا تسألنا: من أنتم؟ وماذا تريدون مني؟ فنحن أيضاً لا نعرف.
أيها الحاضر! تحمَّلنا قليلاً. فلسنا سوى عابري سبيل ثقلاء الظل!
محمود درويش
همس
بايدي كتاب لدرويش عنوانه ذاكرة للنسيان بس اني مستحيل انساك وكل لحظه اشوف وجه ديمة اتذكرت ورجعت بذاكرتني للقائنا الاول
سنه ٢٠١١ .بغداد.شركة*** للهندسة تحتاج مهندسات لديهم خبرة لا تقل عن ثلاث سنوات .
واخيراً لكيت شغل وامي اقتنعت بي صح اني معندي خبرة ثلاث سنوات بس امي دبرتها اليه بمعارفها الله يحفظها حبيبتي
اول يوم واول انطباع مهم ولهذا اناقتي مهمة جداً بالنسبة الي قميص وبنطرون رسمي لونهم اسود وسترة فيروزي نفس لون عيوني كعب عالي اسود وجنطه صغيرة اخر لمساتي عطر قوي
واكفين بالسرة منتظرين المقابلات تخلص ولو متاكدة يوظفوني بس ننطيهم مجال ليش لا .
همس جمال ؟
اني
تفضلي ويانه عندج مقابلة ويا المساعد
لويت حلكي معاجبني بصوت ناصي مساعد عشتو اندار الموضف شنو حجيتي انسة.؟
لا اسفه مو وياك
دائما احط نفسي بهيج مواقف بس لو ابطل احجي ويا روحي اني بخير
وصلنا هذا المكتب استاذ همام
شكرًا
لا العفو تفضلي
فتحلي الباب وراح طبعا جمالي السبب خطيه هاي بس ابتسمت
دكيت الباب علمود ميكولون قليلة ذوق وفتت جان ناطينا ظاهرة عود هو مهم كلك مساعد اشرلي بدون ميندار
اكعدي بنتي.
بنتك!
صخونة مشفتني بنتك شنو والله يالله بس يلا بعده مشايف جمالي حقه خطية .
-طبعا هذا المساعد فد قليل ذوق ماما.
-ماما لتخابرين اني بغرفه المساعد نتراسل احسن .
-ليش شو مساعد اني مو وصيت عليج كالو راح يقابلها المدير.
-اوي ماما اني ماعرف بس هذا كلش نرفزني عفيه صار ربع ساعه اني هنا حتى مندار عليه شنو هاي .
سمعت طكطكه اصابع ورفعت راسي باوعت ورجعت للفون فزيت عزه بس لا جنت احجي بصوت عالي
-اي يا آنسة احجيلي شكد اني قليل ذوق شنو سويت علمود هذا الحكم.؟
-العفو استاذ بس علمود الانتظار.
-لو ملاحظة حضرتج جان اكتشفتي انتي الي متاخرة علينا لو مهتمه بموعدج مو احسن ما تذبين على الناس اخطائج.
-يعني شنو استاذ هسه شراح يصير.
-حضرتج همس جمال مو؟
-اي نعم اني همس.
-وليش نفشتي ريشج..انتي جايه واسطة مو؟
-مو واسطة بالضبط بس معارفنا لكالي الشغل.
-المهم هنا مكان شغل راح تكونين تحت الاختبار لمده شهرين وراها يثبت راتبج وهسه كومي وراية.
-دقيقه دقيقه شنو وراك استاذ.
-عزيزتي انتي هسه مساعدة اليه الى ان نشوف جدارتج لو منظرج مو منظر مهندسة
-نعم نعم ليش المهندسين مكتوب على راسهم شوف استاذ اذا متريد توظفني اني هسه اطلع مو كل شويه تباوع بسطحيه واستهزاء لا اني احتاج الفلوس ولا مجبوره اشتغل ويا اشكالك...يمه شكله يخوف يمكن نكلب وحش خلي اطلع احسن اليه
- تعاي تعاي هنا.
-عوف ايدي استاذ.
-اعتذري اول.
-لو تموت.
-استاذ اترك ايدي لا الم الشركة عليك
قرب وجه عليه وكال ....
.
.
.
اسفه على الاغلاط والسحكات ❤️