DREAM

2014(UNI)

ဂျီဆောင်း  မထင်မှတ်ထားသည့်ဖြစ်ရပ်တစ်ခုဖြင့်ကြုံခဲ့သည်။မန်နေဂျာအစ်မ သင်တန်းသားအသစ်နှင့် မိတ်ဆက်ပေးရာ ကျုံးချန်းလော့ ဖြစ်နေခြင်း၍ အလွန်အံ့ဩခဲ့ရ၏။

ဒီတစ်ခါတော့ ဂျီဆောင်း သူ့နာမည်ကို မှန်ကန်စွာ ခေါ်တတ်နေပြီ။ချန်းလော့ကတော့ သူကို အခုထိ *ဘူလက်*လို့ ခေါ်နေဆဲ။ဒါလည်း ဂျီဆောင်း စိတ်မဆိုးပါ။တကယ်လည်း ဂျီဆောင်းလက်က အမြဲပစ္စည်းတိုင်းကို ဖျတ်ဆီး၏။အမြဲတမ်း သူ့လက်ကို *ငြိမ်ငြိမ်နေ*ဟု ဆုံးမရသည့်မှာ အမော။

အခုဆို ဂျီဆောင်းက ချန်းလော့ရဲ့ကိုရီးယား ဂိုက်ဆရာတစ်ယောက်အလား ။ချန်းလော့
သိချင်တာတစ်ခုခု၊မေ့တာ တစ်ခုခုဆို *ဂျီဆောင်းရာ*ခေါ်လိုက်ရုံနှင့် ဂျီဆောင်း အကုန်ပြောပြနိုင်၏။ဂျီဆောင်း ဆုံးဖြတ်ထားတာ တစ်ခုရှိ၏။*ဘယ်တော့မျှ ချန်းလော့ကို ဟျောင်း ဟုမခေါ်ဖူး*ဒါဟာဂျီဆောင်း၏ ခိုင်မာသောဆုံးဖြတ်ချက်ဖြစ်၏။

ချန်းလော့က ဂျီဆောင်းထက် ကလေးရုပ်နဲ့တူပြီး ကလေးပိုဆန်သောကြောင့် ဟျောင်း ထည့် မခေါ်ချင်ပေ။ပြီးတော့ ချန်းလော့က ကလေး‌လေးတွေလို စိတ်ကောက် အရမ်းသန်၏။

'ချန်းလော့ရာ~ဘာဖြစ်တာလဲ'

‌ဖုန်းပြော,ပြီးနောက် ရုတ်တရက်ကြီးငိုချလိုက်သောချန်းလော့ကြောင့် ဂျီဆောင်းမှာ လန့်ဖျန့်ရသည်။

'ကောက ဂျောင်ဆူးကောက *'

'အင်း'

'ဒီနေ့ ကလေး,လေး မွေးတယ်တဲ့'

'တကယ်လား'

'အွန်း~ငါ အရမ်းပျော်တာပဲ ! ငါ တူလေး ရပြီ'

ငိုရလွန်း၍ မျက်နှာတစ်ခုလုံးနီရဲနေသည့်ချန်းလော့ဟာ ကလေးပေါက်စလေးအလား,ချစ်ဖို့ကောင်း၏။တော်ရုံငိုလေ့မရှိတဲ့ချန်းလော့ရဲ့ငိုရခြင်းအကြောင်းက တူလေး ရလို့တဲ့လေ။‌ချန်းလော့ပြောပြတုန်းက သူမယုံနိုင်ဖြစ်ရ၏။အစ်ကိုဂျောင်ဆူးက ကိုယ်ဝန်ရှိနေတယ်တဲ့လေ။ယောင်္ကျားလေးတစ်ယောက် ကိုယ်ဝန်ဆောင်တာ လွယ်တဲ့ကိစ္စမဟုတ်မှန်း ဂျီဆောင်းသိရတော့ လေးစားမိ၏။

'မင်း ရှန်ဟိုင်း ပြန်ချင်လား'

မျက်ရည်စတို့ကို သုတ်လျက် သူအား ကြည့်လာသည့်ချန်းလော့ဟာ ဂျီဆောင်းထက် အကြီးဆိုတာ မယုံနိုင်စရာ။ဒါကြောင့် ဂျီဆောင်း ချန်းလော့ကို ဟျောင်း ထည့်မခေါ်ချင်တာ။ချန်း‌လော့က ကလေးလေးတစ်ယောက်လို ချစ်စရာလေးကောင်းသည်။