U••
[ဒီလိုပဲရောင်းလိုက်တယ်ပေါ့?]
**
ဟယ့်ချန်းနင် - MC (shou)
ရင်ကျိနျန် - MC ရဲ့အဖေ
ချုန်းနင် - MC ရဲ့မိထွေး
အန်တီချင် - အိမ်အကူ**
အန်တီချင်တစ်ယောက် လက်ကိုကျစ်ကျစ်ပါအောင်ဆုပ်ထားသည်မှာ သူမ၏လက်ချောင်းပေါ်မှအသားအရည်များအရောင်ပြောင်းလာသည်အထိပင်။ သူမတစ်ကိုယ်လုံးကတုန်ယင်လျက်၊ သူမအရှေ့မှဆိုဖာပေါ်ထိုင်နေသည့်လူ၏အနီးသို့ အမှတ်တမဲ့ပင်ပိုတိုးသွားမိတော့သည်။ သူမ၏နှလုံးကလည်း မြန်ဆန်စွာခုန်ပေါက်လျက်။
သူ့အနောက်မှလူ၏ ပူပန်မှုကိုခံစားရသည်မို့ ဟယ့်ချန်းနင်အနောက်ကိုလှည့်ရင်း အန်တီချင်အားနှစ်သိမ့်သည့်အပြုံးတစ်ပွင့်သာပေးလိုက်သည်။ ထို့နောက်တွင်မှ တစ်ဖက်တွင်ထိုင်နေသည့်လူတစ်စုဘက်သို့ပြန်လှည့်လာခဲ့၏။ သူ့မျက်လုံး၌အပြုံးရိပ်သန်းနေသော်လည်း နွေးထွေးမှုများကမူ မရှိပေတော့ပြီ။
မကြာသေးမီက တစ်မိသားစုလုံးကိုထောက်ပံ့ပေးနေသည့် သူ၏သွေးသားရင်းချာအဖေက သူ့အားရှန်မိသားစုမှအကြီးဆုံးသား၏ဇနီးအဖြစ် လက်ထပ်ရတော့မည်ဖြစ်ကြောင်း အသိပေးခဲ့လေသည်။
မှန်ပါသည်။ သူသည်ကား ယောက်ျားတစ်ယောက်၏ဇနီးသည်အဖြစ် အမှန်ပင်လက်ထပ်ရပေတော့မည်။
ဟယ့်ချန်းနင်တစ်ယောက် ဘုရားသခင်ကသူ့ကိုစနောက်နေသလားဟုပင်ထင်မိတော့သည်။ သူသည်ကားယောက်ျားတစ်ယောက်ပင်။ ၁၀၀ ရာခိုင်နှုန်း မျိုးကောင်းမျိုးသန့်ယောက်ျားတစ်ယောက်ဖြစ်တဲ့သူက တခြားအမျိုးကောင်းသားတစ်ယောက်ရဲ့ ဇနီးသည်အဖြစ်လက်ထပ်ရမည်တဲ့။
ဒီဟာသကရယ်ရောရယ်ရရဲ့လား? ဟင့်အင်း တစ်စက်မှမရယ်ရပါဘူး။ ပြီးတော့လည်း ဒီအံ့သြစရာကိစ္စရပ်ကြီးကိုသယ်ဆောင်လာတာက သူနှစ်ပေါင်းနှစ်ဆယ်ကြာ 'အဖေ'လို့ခေါ်လာခဲ့တဲ့ သူ့အဖေတဲ့လေ။
အမှန်တိုင်းဆိုရပါက သူကြားလိုက်ရသည့်ဤကိစ္စမှာအစစ်အမှန်ဖြစ်ကြောင်း သူ့ကိုယ်သူပင်မယုံကြည်နိုင်သေးပါချေ။ သို့သော်လည်း သူ့အရှေ့တွင်ထိုင်နေသည့်လူများ၏ ပျော်ရွှင်မှု၊ စက်ဆုပ်ရွံရှာမှုနှင့် ထူးမခြားနားအမူအရာများကိုမြင်နေရသည်မို့ သူကြားလိုက်ရသည်ကအမှန်ဖြစ်သည်ဟုသူထင်သည်။ ထို့ကြောင့်လည်း သူနောက်တစ်ဖန်အတည်ပြုဖို့ဖြစ်လာရသည်။
VOUS LISEZ
[Completed]ကမ်းကုန်အောင်အလိုလိုက်ခံထားရသည့် အမျိုးသားဇနီးသည်
Roman d'amourTitle - Strongly Pampered Male Wife Author - The Road Under Those Bare Feet Genre - Romance, Slice of life, Yaoi Status in COO - 64 chapters Full credit to original author and english translator. Start date - 10 Jan 2021 End date - 23 Oct 2024