နွေညအတွက် သီချင်းတစ်ပုဒ်(Translation)

Chp - 14(Talking)

Unicode:

Talking

စုန့်လုလီဟာ သူမရဲ့အလုပ်တွေနဲ့
ပိနေတဲ့အချိန်မှာ သူမရဲ့လက်ထောက်က ဝင်လာပြီး စုန့် Entertainment နဲ့စာချုပ်ချုပ်ထားတဲ့သူတွေထဲက တစ်ယောက်ရဲ့ မကောင်းသတင်းထွက်ပေါ်လာတဲ့အကြောင်း
အရေးတကြီး တင်ပြခဲ့သည်။

သူမ ချက်ချင်း မတ်တပ်ထရပ်လိုက်ပြီး သူမရဲ့လက်ထောက်အနောက်ကနေ အစည်းအဝေးခန်းထဲကို လိုက်သွားခဲ့သည်။ ထိုအခန်းထဲရောက်သွားသောအခါ အမျိုးသမီးကတစ်ယောက်က ထိုင်ခုံတစ်ခုံမှာ ထိုင်နေသည်။ သူမမျက်နှာဟာ စိုးရိမ်ပူပန်ကာ နွမ်းလျနေပြီး လက်တွေကို ပေါင်ပေါ်မှာ တင်ထားကာ ငြိမ်သက်စွာ ထိုင်နေသည်။

စုန့်လုလီက သူမဘေးနားကို လျှောက်သွားလိုက်ပြီး, "ကျောက် လီယင်း" , သူမရဲ့နာမည်ကို ခေါ်လိုက်သည်။

ကျောက် လီယင်း က သူမကို မျက်ဝန်းနီများဖြင့် လှည့်ကြည့်လိုက်သည်။ သူမက တက်သစ်စ မင်းသမီးဖြစ်ပြီး လက်ရှိမှာ သူတို့ရိုက်ကူးနေတဲ့ drama တစ်ခုရဲ့ အဓိက ဇာတ်ဆောင် တစ်ယောက်ဖြစ်သည်။ ဒါပေမဲ့ အခုက သူမရဲ့ပထမဆုံး ခေါင်းဆောင် role ဖြစ်တဲ့အတွက် ဒီနယ်ပယ်ထဲမှာ အားနည်းချက်တွေ ရှိနေသေးပြီး အပြစ်ရှာတဲ့သူတွေရဲ့ မျက်လုံးထဲမှာ သူမက အပြစ်တင်ခံရဖို့ အံ့ကိုက်ဖြစ်လွန်းနေသည်။

"ဘာဖြစ်တာလဲ" , စုန့်လုလီ မေးလိုက်သည်။

ကျောက် လီယင်း က နှုတ်ခမ်းတွေဆူလိုက်သည်။ သူမရဲ့လက်ချောင်းတွေက တုန်ယင်နေပြီး စကားပြောဖို့ ကြောက်နေသည်။ စုန့် Entertainment နဲ့ ချုပ်ဆိုထားတဲ့စာချုပ်အရ မကောင်းသတင်းတွေကြောင့်ပဲဖြစ်ဖြစ်
စာချုပ် ဖျက်သိမ်းရမယ်ဆိုရင်
ယွမ်သိန်းချီကနေ မီလီယံနဲ့ချီပြီး လျော်ကြေးပေးရမှာ ဖြစ်သည်။ 

စုန့်လုလီက ဂရုတစိုက် သူမရဲ့မျက်နှာကို ကြည့်လိုက်ပြီး သက်ပြင်းချလိုက်သည်။ 
"ဘာဖြစ်တာလဲဆိုတာ ငါ့ကို ပြောပြ။ နင်ပြောတဲ့စကားအပေါ်မူတည်ပြီး ငါလျော်ကြေးကို တောင်းဆိုမယ်" , သူမက
ခြိမ်းခြောက်တာလဲ မဟုတ်သလို ငြင်သာ
တာလဲ မဟုတ်တဲ့ တည်ငြိမ်တဲ့လေသံနဲ့ ပြောလိုက်သည်။