"သမီးရေ ကြီးကြီးဝင်ခဲ့မယ်နော် "
"ဟုတ်ကဲ့ ကြီးကြီးလာလေ " ရေချိုးခေါင်းလျော်ပြီး၍ ဆံပင်ခြောက်အောင်သုတ်နေရင်း လှမ်းပြောလိုက်သည်
"ဒီမှာ ထမင်းမစားခင် သောက်ဖို့ အအေးလေး သောက်လိုက်ဦး "
"ဟုတ် ကျေးဇူးပါကြီးကြီးရယ် ကြီးကြီးသာမရှိရင်သမီးတော့မတွေးရဲဘူး " ဟု ပြောနေသည့် ဒေါ်ခွန်းခက်ခြယ်ကို ကြီးကြီး သက်ပြင်းချရင်းကြည့်နေလိုက်သည်
"ကြီးကြီး သမီးကိုပြောစရာများရှိလို့လား "
ကြီးကြီးပုံစံက တခုခုပြောချင်နေမှန်းအရမ်းသိသာသည်မဟုတ်လား လုပ်ငန်းကြီးလုပ်ကိုင်နေသူအဖို့တော့ မျက်နှာရိပ်မျက်နှာကဲခတ်သည့်နေရာမှာ ရှယ်ကျွမ်းပေါ့
"ပြောစရာရှိတယ်ဆိုတာထက် ပြောသင့်လို့ပါ သမီးအိမ်ထောင်မပြုဘူးလား ဘယ်အချိန်ထိ တယောက်ထဲနေနေမှာလဲ သမီး ကြီးကြီးက သမီးအနားမှာတသက်လုံးနေမယ်လို့ပြောလို့မရဘူး အခုသေချင်သေသွားနိုင်တယ်လေ "
"ကြီးကြီးပြောတာ နားလည်ပါတယ် ဒါပေမဲ့ ...."
ခေါင်းသုတ်ရင်းခြောက်သွားတော့ ကုတင်ပေါ်ထိုင်နေသည့် ကြီးကြီးနား သွားထိုင်ရင်း
"ဒါပေမဲ့ အိမ်ထောင်တော့မပြုချင်ဘူးကြီးကြီး သမီးအလုပ်တွေနဲ့တောင်သမီးမအားတာ အဲ့အတွက်အချိန်မပေးနိုင်ဘူး အိမ်ထောင်ပြုလိုက်တယ်ပဲထား ဘယ်ယောကျာ်းမဆိုမိန်းမရဲ့အပြုအစုတော့ခံချင်ကြတာပဲလေ အဲ့လိုမျိုးကို သမီးမလုပ်နိုင်ဘူး တယောက်ထဲလည်းအဆင်ပြေပါတယ် ကြီးကြီး "
"သမီးအဆင်ပြေရင်ပြီးတာပါပဲ ကြီးကြီးက သမီးတယောက်ထဲပင်ပန်းနေတာမကြည့်ရက်လို့ပါကွယ် ကဲကဲ ပြီးရင်ဆင်းလာခဲ့ ထမင်းပြင်ပြီးပြီ "
"ဟုတ်ကဲ့ပါ ကြီးကြီး "
ကြီးကြီးပေးခဲ့တဲ့ အအေးကိုသောက်ရင်း ဘဝရဲ့ပျော်ရွှင်မှုဆိုတာ မရှိတဲ့သူ့ဘဝကြီးကိုသူသနားမိသည် ဒါပေမဲ့လည်း သူ့ဘဝအကျိုးပေးမလား
......
"ဟယ် လန်း နင်ငါ့ဆီလာတာလား " ခြံဝန်းထဲမှာ လေဖြတ်ထားသည့်အဖေကို ထမင်းကျွေးနေရင်း သာယာလှမ်းပြောလိုက်သည်
YOU ARE READING
ချစ်သော (completed)
Romanceကျွန်မ ချစ်သော မူပိုင်အမျိုးသမီးလေးဟာ အန်တီဖြစ်ကြောင်း 💛
