الفصل الخامس
كان يجلس فى مكتبه لم يشعر من قبل بسعادة كهذه تذكر ابتسمتها التى تبدأ بعينها وتنتهى بشفاتيها رن صوت هاتفه يعلن عن اتصالها رد سريعًا
مراد بمشاكسة : لحقت اوحشك
ما هى دقائق وسمع صوت بكائها فزع كثير ووقف ليخرج من مكتبه هو يتحدث لها
مراد بقلق : ريما مالك طيب انتى فين
ريما : لغوا الخطوبة يا مراد
توقف عن السير مراد بصدمة : خطوبة ايه اللى اتلغت
تلقى الصمت منها فصرخ بها لعلها تتحدث : ما تنطقى يا ريما
ريما : هيثم بيه اتصل ببابا وقاله انك مقولتش انك متقدم وقاله انه مش موافق على الجوازة دى وبابا حس بإهانة ليا ولغى الخطوبة
لو يتحدث فقط أغلق المكالمة وتوجه الى القصر بعد ما علم ان والده غادر الشركة
وصل القصر توجه الى الداخل كان لا يرى احد من غضبه ما ان دخل حتى تملكته الدهشة لوجود اخته وزوجها وابنتها نظر الى كريم الذى كان منتظر أى منقذ له فهو لا يحبهم
كريم : مراد تعالى جيت فالوقت المناسب
مراد بحيرة وتشتت ما بين صدمته وغضبه : فين جدك
كريم : فى مكتبه بس غريبة انا افتكرت جاى عشان اختك هنا
عصماء اخت مراد بخبث : اول ما عرفت انك هتخطب من اسبوع جهزت نفسى وجيت على طول عشان احضر خطوبة اخويا بس للاسف محصلش نصيب
حاول يتحكم فى اعصابه فهو يعلم طباع اخته كما انها لا تحب غير نفسها كما يعلم انها تريد منصبه فى الشركة لزوجها
تحدث كريم بإستغراب : محصلش نصيب ازاى الخطوبة بكره
عصماء قاصدة تثير غضبه اكثر : ايه ده يا كريم متعرفش ان بابا لغى خطوبة مراد
ثم نظرت له : بس العيب منك يا مراد ازاى تتقدم وكمان تحدد خطوبة و بابا ميعرفش مهما كبرت هو كبيرك وباباك متنساش
تركها وذهب الى غرفة مكتب والده دخل بغضب وخلف كريم يحاول تهدأته
كريم : مراد اهدى لو سمحت
مراد وهو ينظر الى والده : انت فاكر انك كده هتلوى دراعى
لم يجد رد منه فتحدث بتعنيف : ولا انت خيالك مصورلك انك كده خدت انتقامك منى لما تبعدنى عن الانسانة اللى بحبها ثم صمت قليلًا متحدثًا بحزن : زى ما انت شايف ان السبب فى موتها ومش قادر تحبنى
صدم هيثم من حديثه لكن لم يستطيع ان ينكر هو حقًا يرى موتها به كما انه يراها به فهو يشبهها الى حدًا كبير
اكمل مراد حديثه بألم وهو ينظر الى عينه : وعارف كمان ان على قد حبك ليها كرهتنى ولحد دلوقتي مش قادر تتقبلنى
استجمع هيثم نفسه بعد ان بدأ ان يشعر بالضعف امامه حتى انه للحظة شعر بحاجة الى معانقته معانقة تعوضه عن سنوات القسوة الماضية تحدث أخيرًا
هيثم بنبرة قاصدًا ان تكون قاسية : انتقام ايه اللى بتتكلم عنه انت فاكر نفسك مين عشان تروح تتجوز من غير ما ترجعلى
مراد بدموع : انا لحد اللحظة دى وانا كنت مستنى تتغير معايا لكن خلاص كفاية كده ٣٠ سنة قسوة انا من النهارده مش موجود فى حياتك بشكل نهائي انا مستقيل من الشركة سلام
أنت تقرأ
ليس للعشق قواعد
Romanceليس للعشق قواعد لأن العشق لا يري قوانين أو قواعد حتي أنه لا يري المبادئ والعادات والتقاليد الذين يضعونك في حدود وقيود لذلك عندما تعشق تشعر بالحرية تشعر بالقوة تشعر بالشجاعة والجرأة وسعادة لا نهاية لها تكون علي يقين أنك تستطيع فعل أي شئ وكل شئ مباح ل...
