دخلت ريما وهي مشغولة البال بأخيها فتصرفه هذا مثير للشك أفاقت من شرودها علي صوت هاتفها ردت
ريما : آلو
مروة : يعني هفضل لحد أمتا بشيل البلاوي من عليكي
ريما : ربنا يخليكي ليا يا ماما ستو
مروة : بنت أنتي بطلي أم الأسم ده أساساً أنتي اللي طلعتيه عليا
ريما : والله إسم جميل ومعبر جداً عنك
مروة : المهم متخلنيش أنسي، بكرا لازم تيجي بدري وتكوني مخلصه كل شغلك ومفيش أي غلطات علشان مدير المالية الجديد هيجي بكرا
ريما : يالهوي أنا مش مخلصة يعتبر حاجه والساعه دلوقتي ٩ بالليل
مروة : مش شغلي
ريما: كدا بردوا يا ماما ستو أهون عليكي
مروة: أنا بردوا عندي شغل كتير وبالي مشغول بمليون حاجة
ريما : خلاص أنا هتصرف بس مقولتليش مين هيكون مدير الماليه الجديد
مروة : مرآد آل-هيثم
ريما : ده حقيقي!! ده إبن هيثم باشا ولا إيه
مروة : أيوه إبنه
ريما : آوف إيه ده واحد قد أبويا يا شيخة الواحد نفسه في حاجة كدا صغيرة يمكن أظبط معاها
مروة : هتفضلي، طول عمرك بوء
ريما : هههههه ياستي المهم أخبار طنط إيه والبت خديجة وحشاني
مروة : ماما إنتي عارفه بتنشف دماغها علي العلاج بس بخليها تخدو بالغصب أما خديجه لسا راجعة من برا ودخلت تناملها ساعتين
ريما : مش هنتجمع ولا إيه
مروة : شوفي البنات وربنا يقدم اللي فيه الخير
ريما : أشطا أنا هبعت دلوقتي علي جروب الواتس أشوف إيه ظروفهم علشان نتجمع
مروة : خلاص تمام سلام
ريما : سلام يا ماما ستو
مروة : طيب من غير سلام بقا
ثم أغلقت مروة المكالمة دون سماع رد ريما ضحكت ثم فتحت المجموعة الخاصة بأصدقائها علي البرنامج الواتساب وإتفقوا علي يوم الجمعه القادم بعد ثلاث أيام وهذا لضمان رجوع عائشه من مزرعه أبيها
المجموعة : تجمع مروه و ريما و خديجه و عائشه و شمس و مرام ( فهم أصدقاء مقربين بشدة )
•~•~•~•~•~•~•~•~•~•~•~•~•~•~•~•~•
جالسه علي سور عريض إرتفاعه ليس كبير تتأمل النجوم مع قهوتها الفرنساوي المفضله حتي تذكرت ذكري بشعه من حياتها عكرت صفو ذهنها
عائشه: إمتي يارب يطلع من دماغي وأقدر أكمل حياتي مع حازم ثم تذكرت أنها سوف تجتمع مع أصدقائها فهي عندما تراهم تشعر بتحسن كبير لمزاجها
قاطع خلوتها رنين هاتفها ليظهر اسم خطيبها حازم ردت عليه
عائشة : ألو
حازم : إزيك يا حبيبتي
عائشة : تمام وأنت
حازم : طول ما أنتي كويسة أنا كويس
عائشة : نفسي في مرة متبالغش
حازم بسماجة : عايوش أنتي عارفة إني بعشقك
عائشة : خلاص أوكي يا حازم
حازم : ماشي المهم هترجعي إمتي
عائشة : هرجع الخميس
حازم : خلاص أشوفك الجمعة
عائشة : مش هينفع
حازم : ليه؟!
عائشة : هشوف أصحابي
حازم : أنا عايز أفهم حاجة أنا فين في حياتك ده تقريباً يا شيخة رسوماتك أهم مني بالنسبة ليكي
عائشة : حازم رجعنا لموضوع ده تاني أنا تعبت
حازم : وأنا زهقت
عائشة : خلاص نفشكل
حازم : بتقوليها كدا عادي واللي بينا
عائشة : إيه نعرف بعض من 3 شهور بس يا حازم إيه اللي هيكون بينا
حازم : بس أنا حبيتك
عائشة : أنت عارف ان إرتباطنا كان بزنس بين باباك وبابايا يعني لو دورت هتلاقي كلمة بحبك مش حقيقية مفيش أي حاجة في إرتباطنا حقيقية فمتضغطش عليا أكتر من كدا لو سمحت
حازم بإندفاع : يا شيخة أنتي ملقتيش مبرر لتصرفاتك فبتجيبيها في إرتباطنا عن طريق أهلنا وإنك حاسة إنه صفقة مش إرتباط ،وأنتي عارفة وانا عارف إن السبب الحقيقي مش ده
عائشة بغضب فهي علمت إلي ماذا يلمح : أنت عايز توصل لإيه يا حازم قول اللي عايز تقوله ومتلفش و دور
شعر حازم من صوتها أنه تخطي حدوده لا يجب عليه فعل ذلك
قال بلين : عايشة حبيبتي أنتي عارفة إني بحبك وبحاول أصلح علاقتنا وأخليكي تحبيني زي ما بحبك بس يا عايشة مينفعش طرف واحد بس اللي يحاول يصلح علاقتنا لازم أنتي كمان تحاولي
شعرت عائشة بتأنيب الضمير ناحيته فقالت : خلاص يا حازم هقفل دلوقتي ونتكلم بكرا سلام
حازم : سلام يا حبيبتي
عائشة : فتاة جميلة ذات عيون رمادية وشعر أسود قصير ناعم يصل إلي بداية عنقها، بشرتها حنطية، إبنة رجل أعمال من عائلة مرموقة رسامة رائعة وتعمل كمصممة في شركة والدها (شركة إعلانات كبيرة) ،والدتها متوفية المزرعة التي تذهب إليها دائماً كانت ملك والدتها تذهب إليها حتي تشعر بوالدتها وبحنانها فهي في الفترة الأخيرة تشعر بالحنين إليها كثيراً
حازم : شاب وسيم إبن رجل أعمال من عائلة كبيرة ومرموقة يعمل مع أبيه، والده قام بطلب عائشة من أجله وهو لا يرفض طلباً لوالده
هشام : والد عائشة قاسي في بعض الأمور يحب أولاده لكن ليس بقدر حبه للأموال، أخبر عائشة بطلب والد حازم لها لولده وهي لم تبدي أي رأي فالأمر لا يهمها كثيرا وأخبرته أن يفعل ما يراه صالحاً لها لكنها إكتشفت أنه فعل ما هو صالحاً له هو ليس لها
_ليس للعشق قواعد ❤
_الفصل الرابع
_حبيبة محمود
أنت تقرأ
ليس للعشق قواعد
Romanceليس للعشق قواعد لأن العشق لا يري قوانين أو قواعد حتي أنه لا يري المبادئ والعادات والتقاليد الذين يضعونك في حدود وقيود لذلك عندما تعشق تشعر بالحرية تشعر بالقوة تشعر بالشجاعة والجرأة وسعادة لا نهاية لها تكون علي يقين أنك تستطيع فعل أي شئ وكل شئ مباح ل...
