ليس للعشق قواعد

( الفصل التاسع )

قابلتها أمام مكان عملها
مرام : كويس إنى لحقتك عايزاكى في موضوع مهم
خديجة : أنا عندي تحقيق لازم اروح احضره دلوقتى
مرام : طيب خمس دقايق
خديجه : والله أنا متأخره أساساً هو الموضوع ميتأجلش لبكره
مرام : اه صحيح احنا هنتجمع بكره
خديجه : ايوه حتى بكره نعرف نتكلم براحتنا
مرام : خلاص تمام روحي انتى مشوارك عشان متتاخريش
خديجه : تمام يلا سلام ثم غادرت بينما تذكرت مرام شي مهم
مرام : اخ انا نسيته خالص
اخرجت هاتفها وقامت بالاتصال على شخصاً ما
مرام : آلو
الشخص : كلمه وحشانى دى كلمة قليلة
مرام : وانا هموت فعلاً واشوفك
الشخص : وأنا والله طيب اشوفك أزاى
مرام : بص أنا هرجع المستشفي بالظبط ساعتين ودوامى هيخلص وبعدين اكلمك نتقابل
الشخص : ليه انتى كنتى فين
مرام : اخدت آذن ساعه وروحت قابلت وحده صحبتى
الشخص : خلاص خلى بالك من نفسك وابعتيلى الموقع وانا هخلص شغل واجيلك
مرام : ماشي سلام
الشخص : سلام يا حببتى
اغلق مراد مكالمته مع مرام بإبتسامة كانت ريما دخلت اثناء مكالمته مع ابنة أخيه صدمت نوعاً ما فهو مبتسم وهو يتحدث مع احد كما انه يتحدث بلين
مراد : انسة ريما
ريما : ....... ..
مراد كرر ندائه عليها : أنسه ريما
ريما : ايوه
مراد : بكلمك مش تردي
ريما : أنا
مراد : أنسة ريما جيتى ليه خلصتى الشغل
ريما : لا بس بقول... أقصد معاد الأنصراف جه فكنت بقول لحضرتك أنى ماشيه
مراد : أنك ماشيه!!
ريما : آه ماشيه
مراد : خلصتى شغلك
ريما : لا
مراد : خلصي بعدين أمشي
ريما : انا هخلصه في البيت
قام من مقعده لقد طفح الكيل لم يخرجه احد عن صوابه مثلها
لف حول مكتبه وقف آمامها كعادته أستطاع ضبط أعصابه مراد بهدوء مفتعل : أنسه ريما أنتى شغاله أيه بلظبط
ريما : مساعده حضرتك
مراد : يعنى مين شغال عند مين
ريما بضيق : أنا شغاله عند حضرتك
مراد : تمام يبقي اللى اقوله يتنفذ بدون نقاش وياريت من هنا ورايح الكلمه هقولها مره وحده بس اتفضلي
 
•~•~•~•~•~•~•~•~•~•~•~•~•~•~•

أخذت حمام ساخن لتريح اعصابها فما قاله والدها تلف اعصابها فهى لا تحب حازم ومن المستحيل ان تحبه بل غالباً تبغضه فهى لا تستريح إليه ، دخل اخيها الصغير عليها الغرفه
عبدالله : عايوووووش
عائشه بابتسامه : بيدو تعالى
عبدالله : عايز أطلع وبابي انتي عارفه مش بيطلعني .
عائشه : عايز تطلع امتي ياسيدي وأنا أطلعك
عبدالله بحماس : دلوقتي
عائشه وهي تنظر إلي ساعة الحائط : دلوقتى!! الساعه ٤ العصر ، امممممم طيب قول لمامى تلبسك
عبدالله بسعاده : حاضر
ثم ركض الي الخارج ذاهباً لوالدته اما عائشه أخذت تستعد .

نزلت عائشه الي الاسفل وجدت أخيها وزوجة والدها
عائشه : بيدو خلصت
عبدالله : اه خلصت
سمر : مكنش ليه لزوم إنك تخرجيه النهارده وخصوصاً إنك لسه جايه من سفر .
عائشه بفطور : عادى أنا كويسة
ثم نظرت الى اخيها وقالت : مش يلا يا بيدو.
عبدالله بحماس : يلا

•~•~••~•~••~•~•~•~•~•~•~•~•~•~•~•~•~•

بعد اكثر من ساعتين منشغل في العمل نظر الي ساعته
مراد : انا كدا اتاخرت عليها
أخرج الهاتف ليتصل علي أبنه أخيه انتظر بضع ثواني ثم ردت عليه
مرام : الو
مراد : انتي خلصتي شغل ولا ايه
مرام : خلصت كنت بجهز نفسي عشان اخرج
مراد : طيب انا خمس دقايق بالظبط واكون عندك
مرام : خلاص تمام
أغلقت الهاتف مع عمها والتفت حتي تذهب لتنتظره فى الاستقبال الا انها فزعت عندما وجدت اخو صديقتها خلفها
مرام : دكتور مصعب! ؟
مصعب بابتسامة صفراء : دكتورة مرام
هزت له رأسها كتحية ومرت من جانبه الا انه استوقفها بسؤاله
مصعب : انتي كنتي بتكلمي مين؟
صدمت مرام من سؤاله ثم نظرت إليه : مش فاهمة؟
مصعب بسخرية : ايه ده هو سؤالي صعب اوي
مرام : لا بس مش فاهمة حضرتك بتسأل ليه؟!
مصعب : تقدري تقولي من باب الفضول
مرام : والله؟ اسفة بس دي حاجه متخصش حضرتك بعد اذنك

قالت جملتها الاخيرة ثم غادرت المكان
مصعب محدث نفسه : ايه الي بعمله ده انا مش عارف اسيطر علي تصرفاتي ثم اكمل بعصبية وحيرة بس هي كانت بتكلم مين ؟
ذهب خلفها لعله يعلم من هذا الشخص......

_حبيبة محمود
_ليس للعشق قواعد ❤

( الجزء الاول من الفصل التاسع )