اخ من صبر طال،
ولا تحقق مراده.
...
في وسط العصر، او ما يمسى بـ القصر عند البدو.
اختار سلطان هالوقت لان الجو يبدأ يبرد ..
وعشان يشوف مين اقوى واحد بدون عذر.
جمع رجاجيله مع عيالهم، وجلسوا في البر.
وهو يشوف مساعده واقف ويتكلم بصوت عالي: جمعكم الشيخ عشان يختبركم ويشوف من بيكون قائد للرحالين وشيخ من بعده .. هالأختبار ما فيه اي نوع من انواع الغش ولو عرف الشيخ ان واحدٍ غاش بيتلقى عقابٍ شديد ...
قرب معن من رماح بوسط الكلام،و مسك طرف ثوبه عشان ينتبه له
وكأن رماح عارف مين الشخص الي ماسكه فألتفت له بسرعة
تكلم معن بتردد وهدوء: رماح .. طلبتك لا تقول للشيخ عن الي شفته
عقد رماح حواجبه و رد بدون نفس: وش هو الي شفته.؟
تنهد معن ومد الغترة لـ رماح الي اول ما شافها تذكر سالفة شعر معن.
تكهم وجهه و بعد يد معن وهو يقول: خلها لك ما البس شي عقب احد
معن: بس انت الي رميتها لي
نزل رماح لمستوى معن وهمس: رميتها عشان ما يشوف احد الخزي الي بين رجالنا .. وتسمي نفسك رجال وانت تتشبه بالحريم
رد معن بأسلوبه الهادي كعادته: مو تشبه والبدو اول كانوا يطولون شعورهم
رماح بعصبية: اول يوم ما كان به مقص .. الحين هذا تشبه والشيخ حذرنا منه
صد معن على رماح وقال: مو تشبه، وان ...
: هيه رماح
نادى واحد بأسم رماح وما كان الا خويه سيف الي قرب منهم
قدم معن الغترة لـ رماح واول ما مسكها رماح تحرك معن وتركه مع خويه الي استغرب من الي صار قدامه
سيف: أخبر انك ما تحب هالولد
ما رد رماح على سيف لأنه سرحان وهو يناظر في معن يوقف بهدوء وبعيد عن الرجال الواقفين جنب بعض.
عقد سيف حواجبه والتفت يناظر في معن بعدين ناظر في رماح: علامك تعاين الولد
صحى رماح من شروده والتفت لـ سيف قبل ما يرد: وش تقول انت؟
سيف: اقول علامك تعاين الولد، صار لك ساعة تعاينه
