عشقت ليله

Part 1♥

♥Part 1

فى القاهرة بصباح يوم مشمس بحى راقى نتوغل فى  شقه متكونه من طابقين اثاثها يدل على رقى ذوق من يسكنها ولجت وفاء غرفه ابنتها النائمه كى توقظها

وفاء وهى تفتح ستائر الغرفه فتدخل اشعه الشمس تنير الغرفه باكملها وتعطى احساس بالدفء رائع

تتجه وفاء الى ابنتها وتمسد على جسدها بهدؤء كى تستيقظ: ليله ليله اصحى لكن لارد من ليله فتكمل بضجر؛ يابنتى، فوقى عندك جامعه

وبعد محاولات عديده من وفاء دامت اكثر من عشر دقائق فى ان تيقظ ليله لكن لم تستجيب لها فهى تنام بالفعل كالموتى فهى نومها ثقيل بشده ولا تستيقظ بسهوله تخرج وفاء من غرفه ابنتها بياس يظهر على ملامحها فتقابل فى طريقها ادهم وهو ينزل من غرفته

ادهم وهو يقبل راسها: صباح الخير يا خالتو.
وفاء بحنان وعاطفه لابن اختها المتوفاه: صباح النور ياحبيبي.

ادهم بسؤال واستغراب: ايه هى ليله لسه مصحيتش؟

وفاء بياس: بقالى اكتر من عشر دقايق بصحيها ولا هى هنا.

ادهم بخبث فقد جاءت له فرصه فى رد مقلب من مقالبها التى دائما تفعلها به: خلاص يا حبيبتي انزلى انتى وانا هصحيها.

وفاء بقله حيله: ماشى يابنى هنزل اجهز الفطار

فتنزل وفاء الى الاسفل حتى تجهز لهم الافطار

ادهم من امام غرفه ليله بخبث: والله وجى ليكى يوم يا ليله الكلب انتى.

ولج ادهم  الغرفه فيجدها تنام بعمق كالاطفال فينظر لها بسخريه: بريئه اووى ياختى وانتى نايمه اللى يشوفك كده وانتى نايمه يتجنن لما يشوفك وانتى صاحيه يلا حلال فيكى اللى هعمله.

ويتجه للطاوله واخذ كاس ماء بارد وسكبه عليها
تشهق ليله بخضه وترفع راسها فقط من على الفراش

ليله بخضه: ايه فى ايه؟ ايه اللى حصل؟ ادهم مات ولا ايه.

ادهم بغضب مصطنع: بقا عايزانى اموت ياجذمه.

ليله بارتياح: هو انت خضتنى ياعم انا قولت اتخطفت زى ما كنت بحلم.

ادهم بسخريه وتهكم: وهو مين دا اللى امه داعيه عليه ويخطفك.

ليله بلامبالاه: سيبك من الخطف دلوقتى ياسطا وقولى تكمل بغضب؛ انت ازاى ترمى المايه عليا كده انت بتصحى جموسه.

ادهم برفعه حاجب: قصدك بصحى ميت امك بقلها ساعه بتصحى فيكى وانت زى ما تكونى فى غيبوبه ويكمل بخبث؛ قومى يلا.

ليله بتهكم وسخريه: بس يا خويا انا عارفه امى تبقا مكملتش دقيقه بتصحينى وتقول بقالى ساعه بصحى فيكى.

وتلتفت ليله حتى تنهض من الفراش فتجد صرصور كبير الحجم بجوارها على الفراش فتصرخ بهلع و خوف فهى تخاف منهم كثيرا وشبه لديها فوبيا منهم وتقفز فوق ظهر ادهم