عشقت ليله

Part 11♥

Part 11♥
بقلمى /هاجر محمد 🌺

وصل الياس وليله الفيلا دخلت ليله الفيلا وخلفها الياس فتجرى عليها وفاء تحتضنها وتبكى
وفاء ببكاء: انتى كويسه يا بنتى انا اسفه مش عارفه ازاى نسيت يوم زى دا
ليله: اهدى يا فوفا حصل خير وانا كويسه اهو
خالد: اطلعى عشان ترتاحى اكيد تعبانه من الطريق
ليله: لا انا هطلع اغير واروح مع الياس الشركه عشان بقالى كام يوم مش بروح واكيد فى شغل كتير
الياس: مش مهم ارتاحى انتى انهاردة وانزلى الشغل من بكرة
ليله: ماشى خلاص هطلع انا وتصعد ليله الى غرفتها ويذهب الياس الى منزله كى يبدل ملابسه ويتجه الى الشركه ليكمل اعماله المتعطله من الامس وانقضى اليوم بنفس الاحداث الروتينه بصباح اليوم التالى تجهز ليله وتذهب مع الياس الى الشركه يصلو معا ويدخلوا الشركه فيجدوا الجميع ينظر اليهم ويتحدثون فيما بينهم
تتحدث ليله لالياس: هو فى ايه هما بيبصوا علينا كده ليه
الياس: سيبك منهم هيكون فى ايه يعنى
ليله: مش عارفه حاسه بحاجه غريبه ليه
الياس: يلا بس ادخلى المكتب عندنا شغل كتير وسيبك منهم تدخل ليله المكتب فيجدو سهى بنتظارهم
ليله: ادخل انت وانا هقول حاجه لسهى واجى وراك
فيؤمى لها الياس
سهى لالياس: حمد الله على السلامه يافندم والمهندس مالك بنتظارك فى المكتب
الياس: تمام ويدخل المكتب
سهى ل ليله بعد ان دخل الياس
سهى بضيق وزعل : مكنتش اتوقع ابدا انك تكونى كده يا ليله
ليله باستغراب: كده ازاى يعنى مش فاهمه
سهى: بقا مش فاهمه ازاى طب شوفى كده يمكن تفهمى وتعطيها هاتفها وتفتحه على احدى مواقع التواصل الاجتماعى فتجد صور لها مع الياس وهو يحتضنها تحت عنوان فضحيه الياس الرفاعى مع احدى فتيات الليل فتجلس ليله على الكرسى بصدمه
بداخل مكتب الياس
الياس باستغراب: مالك فى ايه شكلك بيقول فى مصيبه
مالك بتوتر: ايوة فعلا ماهى مصيبه
الياس بضيق: خير على الصبح فى ايه
مالك يفتح شاشه العرض الموجوده بالمكتب على قناه اخباريه فيجدهم يعرضون صوره مع ليله فيغضب الياس كثيرا ويقوم فالقاء دباسه الاوراقه على شاشه العرض فتتحطم الى اشلاء
عند ليله مازالت تجلس تحت تأثير الصدمه ومعها سهى وتفزع كلا منها عندما يسمعون صوت التكسير القادم من مكتب الياس فيتجهوا بسرعه الى المكتب وتدخل ليله اولا
ليله بزعر: فى ايه وتنتبه على حاله الياس الغاضبه ووجهه الاحمر فتعلم انه قد راى الصور فتذهب ليله تحتضنه وتبكى
الياس يضمها ويحاول تهدئتها: اهدى يا حبيبتي اهدى والله هجبلك حقك منهم
ليله ببكاء: انا بيقولو عنى من فتيات الليل يا الياس والصور فى كل حته انا كده  اتفضحت
الياس يبعدها بغضب عنه: اوعى تقولى على نفسك كده تانى  انتى مراتى مرات الياس الرفاعى وكل كلب اتجراء وقال كده عليكى صدقينى هندمه على اليوم اللى اتولد فيه
مالك باستغراب: معلش قطعنا اللحظه عليكم هى مين اللى مرات الياس الرفاعى
الياس يضم ليله من كتفها ويقربها له: ليله مراتى
سهى بذهول: دا ازاى يعنى
الياس: زى الناس احنا متجوزين اصلا من قبل ما ليله تيجى وتشتغل هنا بس هى رفضت نعلن عن جوازنا عشان كانت عايزة الموظفين يعاملوها عادى ومتبقاش مرات المدير
مالك: طيب دلوقتى احنا عرفنا انها مراتك لازم نعلن للكل ونعرض صورة من قسيمه الجواز عشان سمعه الشركه ودا ممكن يأثر علينا بشكل سلبى
سهى: فعلا مالك بيتكلم صح
الياس: انا مش هعلن حاجه غير لما اعرف مين السبب فى نشر الصور دى
مالك: مينفعش يا الياس لازم نعمل كده عشان سمعه الشركه والعملاء بتوعنا وبعدين هات اللى عمل كده وربيه براحتك
ليله: اسمع كلامهم يا الياس هما بيتكلمو صح عشان مصلحه الشركه
الياس: ماشى جهز كل حاجه للموتمر وانا هطلع اصلح كل حاجه وبعد كده عايزك عشان نعرف مين اللى عمل كده
مالك: تمام بس ليله لازم هى كمان تظهر معاك
ليله: ايو اكيد هكون معاه
الياس: خلاص روحو انتو جهزوا كل حاجه
سهى: تمام يافندم يخرج كلامن مالك وسهى وتجلس ليله على الكرسى بتعب وتشعر بدوار يعصف براسها
الياس يذهب اليها : مالك انتى كويسه
ليله بدوخه: مفيش بس حاسه دماغى مش مظبوطه
الياس يسندها: خلاص قومى نرجع البيت ارتاحى او نروح لدكتور
ليله: لا مش مستهله دكتور هرجع البيت ارتاح شويه وخلاص
الياس: طيب تعالى يلا نرجع
ليله: مش لازم تيجى معايا وتسيب الشغل كمل شغلك وانا هروح عادى
الياس بنبرة حاده: يلا يا ليله
ليله: يلا ياعم انا مشيت اصلا انت اللى واقف
الياس بسخريه: جبانه ويخرجوا معا من المكتب ويمشوا فى طرقات الشركه حتى يخرجو فيجدو كل الموظفين ينظرون عليهم ويتهامسون فيما بينهم فتخجل ليله وتحنى راسها الى الاسفل وتمشى بصمت فيغضب الياس كثيرا ويوقفها
الياس يضم ليله من كتفها ويقرب جسدها منه ويقول بصوت جهورى: ليله تبقى مراتى واللى هسمعه بيجيب سيرتها تانى بحاجه مش هيطلع عليه نهار واللى عمل كده هيتحاسب عشان يبقا عبرة لاى حد يفكر يقول كلمه على مرات الياس الرفاعى وياخذ ليله من يدها ويخرج من الشركه ويركبوا السيارة ويتجهو الى المنزل يدخل الياس وليله المنزل فيجدو العائله متجمعه
ياسر: شوفتو الاخبار
الياس: ايو
خالد: طيب هنتصرف ازاى دى ممكن تدمر سمعه ليله
الياس: محدش يقدر يقول كلمه واحده على مرات الياس الرفاعى والموضوع ده انا هحله انهاردة
وفاء: ازاى يابنى
ليله: هنعمل مؤتمر صحفى وهنقول فيه انى مراته وان الكلام ده كذب
نرمين: ربنا معاكو ياولاد
الياس: اطلعى انتى ارتاحى لحد بالليل
ليله: ماشى بعد اذنكم وتصعد ليله بتعب الى غرفتها ويعود الياس الى الشركه ويتابع التجهيزات للمؤتمر
عند ليله تصعد الى غرفتها وتتناول الدواء المسكن فتجد هاتفها يرن فتجده رقم غير مسجل  ترد ليله
ليله بتعب: الوو مين
اسر: ايه يا لولو مسحتى رقمى ولا ايه
ليله بغضب: هو انت دا انا لو اطول امسحك من الدنيا هعملها
اسر بسخريه: طب اهدى على نفسك شويه كده قوليلى بقا ايه رايك فى الصور
ليله بصدمه: هو انت اللى نشرت الصور
اسر: بالظبط كده بس ايه رايك فيهم شويه صور انما ايه يستاهلو فضيحتك
ليله بغضب: يا حيوان يا زباله
اسر بحده: اوعى تغلطى احسنلك ما انتى كنتى عامله عليا الخضره الشريفه وفى الاخر تطلعى بترسمى على كبير اووى ومش بعيد تكونى بتخططى عشان توقعى الياس الرفاعى من وقت ما كنا مخطوبين وحكايه قلبك دى كانت كدبه عشان تخلعى منى وطلعتى فى الاخر شمال