عشقت ليله

part 22♥

#عشقت_ليله
#البارت22
#بقلمى_هاجر_النجار

البارت دا هديه منى عشان رمضان بقا وكل عام وانتم بخير وصحة وسلامه وهينزل هنا حصرى مش موجود فى اى مكان تانى غير على الجروب بتاعي علي الفيس دا عشان بحبكم بس 😂♥♥

يلا نبدا
ورساله منى للكل الناس اللى قالت ادهم هو اللى اضرب بقولكم من موقعى هذا حرام عليكم ظلمتو الواد مش هو 😂😂

Part 22♥

ينزل الياس من غرفته ويتجه نحو الجنينه الخلفيه للفيلا فيجد مجهول يقف خلف شجره كبيره الحجم حتى لا يراه احد فيتجه اليه
الياس وهو يلكمه بقوه: هو انا مش قولتلك متلمسهاش ياحيوان
المجهول بالم: الاه وانا مالى ماهى اللى مسكت ايدى مش انا
الياس بغضب: متهزرش يا جاسم
جاسم: طب هى اللى مسكت ايدى اقولها اوعى ايدك عشان جوزك اللى انتى مش فكراه بيغير
الياس بغضب: اتكلم عدل احسنلك
جاسم: خلاص ياعم لا اتكلم عدل ولا معوج قولى عملت ايه
الياس: كله ماشى تمام قولى ايه اللى حصل وخلاها تغير كلامها كده
جاسم: والله ما اعرف احنا كنا متفقين على كل حاجه وان احنا هنقول الحقيقه بس فاجاءه لقيتها بتقول كده وان الذاكره رجعتلها ازاى مش عارف
الياس: اكيد حصل حاجه او الزفت دا قلها تقول كده
جاسم: ممكن لانه لما جى عندنا تانى مره فى امريكا طلب انهم يفضلوا لوحدهم ولما مشى ليله مكنتش على بعضها وكانت متوتره
الياس: طب وبعدين هنعرف منين هو قالها ايه
جاسم: انا قولت لرقيه تسالها من غير ما تخليها تحس بحاجه ولما تعرف هتقولى
الياس: طب كويس خلينا نخلص بقا من الموضوع ده ويكمل بشر عشان نهايته على ايدى
جاسم: طب اهدى ياعم ڤاندام
الياس يضربه على كتفه: خف ياعم الظريف ويكمل بجديه جبت الحبوب؟؟؟؟
جاسم: اه ويخرج علبه دواء من جيبه ويعطيها له
جاسم باستغراب: طب انت عايز الحبوب دى تعمل بايها ايه ماهى كده كده بتاخدها
الياس: ياغبى هى دلوقتي بتمثل ان الذاكره رجعتلها وقاعده معايا فى نفس الاوضه يعنى لو خدت الحبوب دى قدامى وانا خبتها فى اى مكان ممكن انا اشوفها واشك فيها بتاخد منشط للذاكره ليه والذاكره رجعتلها فاكيد هتوقفها عشان مش اشك فيها لانى عارف تفكيرها كويس جدا

جاسم: لا دماغ شغاله بصحيح المهم الدواء دا بيتاخد مرتين حطوه بقا فى العصير فى الاكل فى اى حاجه المهم تاخده
الياس: تمام
جاسم: يلا ياعم انا طالع انام فى حضن مراتى الدور والباقى عليك انت ويضحك بسخريه
الياس: يلا يا وسخ من هنا
جاسم بضحك وهو يذهب: الاه بدعليك ربنا معاك ويذهب
الياس يتنهد بثقل ويصعد مره اخرى الى غرفته فيجد ليله مازالت نائمه فينظر لها ويتجه للناحيه الاخر من السرير وينام بجوارها وينظر لها بشرود ويتذكر كيف تعرف على جاسم

فلااااااااااش بااااااااااااك
يجلس الياس بمكتبه يتابع عمله بكل جديه فتدخل عليه سلوى السكرتيره
سلوى: فى واحد عايز يكلم حضرتك يافندم
الياس: مين دا
سلوى: معرفش مقالش اسمه هو قال بس انه عايز يكلمك فى موضوع مهم
الياس: مش فاضى قوليله مشغول
سلوى: حاضر يافندم وتخرج وتتحدث فى الهاتف ثم تعود الى الياس مره اخرى
الياس بضيق: ايه تانى مش عارف اشتغل
سلوى باحراج: اسفه يافندم بس هو مصر يكلم حضرتك وبيقول الموضوع يخص مرات حضرتك
ينهض الياس بسرعه ويقول بلهفه: ايه طب حولى المكلمه بسرعه
سلوى: حاضر يافندم وتخرج مت المكتب وتقوم بتحويل الاتصال على مكتب الياس
يرد الياس بلهفه: الوو انت مين وتعرف ايه عن ليله
جاسم: ياريت حضرتك تهدى شويه اعرفك بنفسى انا جاسم ابو الدهب وبخصوص مرات حضرتك ف هى معايا
الياس ببرود عكس ما بداخله: المفروض اصدق انا كده
جاسم: تحب اثبتلك
الياس: اكيد
جاسم: اتصل بيا فيديو كول على نفس الرقم ويغلق فيقوم الياس بالاتصال عليه فديو كول فيجيب جاسم ويقوم بتفعيل الكاميرا الخلفيه ويوجهه الهاتف على ليله وهى تتحدث مع احد الموظفين بالشركه
الياس بصدمه: ليله مش معقول
جاسم يغلق الخط ويتصل به مكامله صوتيه حتى لا تلاحظ ليله ان جاسم يوجه الكاميرا عليها
جاسم: اتاكدت انها هى
الياس ومازال على صدمته: ازاى ازاى
جاسم: هفهمك ويحكى له تفاصيل يوم الحادث وان ليله فاقده الذاكره ويخبره عن تواجدهم بامريكا
الياس: وانت ازاى تسكت الوقت دا كله جاى تقول دلوقتي بعد اربع سنين
جاسم: ياعم اهدى ما من يوم ماشوفتها اصلا وانا بدور على اهلها او حد يعرفها وملقتش
الياس: و عرفت ان انا جوزها ازاى
جاسم: واحد اسمه اسر هو اللى شافها وجالنا البيت وهو اللى قالنا على اسمها الحقيقى وعيلتها
الياس بغضب: اسر وهى شافته وقعدت معاه
جاسم: اه و قال انه خاطبها وانهم بيحبو بعض وانت اتجوزتها غصب عنها وساب لينا صور من خطوبتهم وصوره من بطاقه ليله الشخصيه
الياس بغضب: خطيب مين احنا هنهزر وحياه امى ليكون اخرته على ايدى
جاسم: اهدى بس واسمعنى انا بحثت عن كل المعلومات اللى هو ادهالى وطلعت مظبوطه فعلا وكل كلامه صح بس لما اتحريت عن اللى اسمو اسر دا طلع فى حاجات مش مظبوطه بس من مصادرى الخاصه عرفت انه كان متهم فى تهمه شروع فى القتل وانه السبب فى الحادثه اللى حصلت ليك  انت وليله بس ابوه قدر يلم الموضوع وطلع منها عشان كده كلمتك وعايز اعرف الحقيقه لانى مستحيل اسبها تروح معاه وانا شاكك فيه