Part 4♥
ليله بصدمه: انا مش مصدقه هو دا اسر اللى انا حبيته
وتنهض من مكانها وهى مازالت تحت تاثير الصدمه تركب سيارتها وتتجه نحو بيت ملك وترن الجرس
ملك تفتح الباب: ايه دا ليله مالك وشك عامل كده ليه
ليله: مش قادرة اتكلم
ملك: طب تعالى ادخلى ادخلى تدخل ليله وتجلس بالصالون
فريال جده ملك وهى تخرج من الغرفه: مين اللى كان بيخبط يا ملك
ملك: دى ليله يا تيته
فريال: ليله وهى فين مدخلتش عندى ليه وتدخل عليهم غرفه الصالون فتجد ليله وجهها شاحب وتجلس بصمت
فريال وهى تجلس بجوارها: مالك ياحبيبتي
ليله ومازالت تحت تاثير الصدمه: سابنى
ملك: هو مين ده
ليله بدموع: اسر سابنى
فتشهق ملك: انتى بتتكلمى جد
فريال: لاحول ولا قوه الا بالله ليه يابنتى
ليله ببكاء تحكى لهم ماحدث وماقاله اسر لها
فريال: منه لله يخلص منه ربنا بحق ماهو جرحك كده اهدى يابنتى اهدى هو ميستاهلش تبكى عليه
ملك: قولتلك من الاول يا ليله دا انسان زباله مصدقتيش
فريال بحده: مش وقته الكلام ده يا ملك انتى مش شايفه حالتها عامله ازاى
ملك: ليله انتى كو لم تكمل كلامها حتى سقطت ليله مغشى عليها فتصرخ ملك فزع
فريال: كلمى ادهم يجيب الدكتور ويجى بسرعه البنت وشها ازرق
ملك بدموع: حاضر وتركض بتجاه غرفتها وتاخذ هاتفها وتتصل بادهم
ادهم: ايه يا ملوكه
ملك ببكاء: الحقنى يا ادهم
ادهم بخضه: فى ايه مالك انتى كويسه
ملك: ليله ليله هنا واغمى عليها هات الدكتور وتعالى بسرعه
ادهم بسرعه: طيب طيب
بعد فترة وصل ادهم ومعه الدكتور وقام بجراء الفحص
بينما الطبيب بالداخل يفحص ليله ومعهم فريال
بالخارج
ادهم لملك: ايه اللى حصل وصلها لكده
ملك بتوتر: اصل اسر ساب ليله
ادهم بصدمه: ازاى وليه
ملك: هقولك وتقص له كل ماقالته ليله بعد ان انتهت
ادهم بغضب: يا ابن الكلب والله ماهسيبك بقا بيلعب باختى انا
ملك: اهدى بالله عليك نطمن الاول على ليله وبعد كده اعمل اللى انت عايزة
ادهم: اطمن عليها بس والاقيك وانا اخليه يقول حقى برقتى على اللى عمله ده
فى نفس اللحظه يخرج الطبيب بعصبيه
الدكتور بعصبيه: انا قولت اكتر من مرة ممنوع الضغط النفسى او العصبى عليها ازاى تسبوها توصل لحالتها دى
ملك: معلش يا دكتور دا عشان خطبها سابها وهى متاثر عشان بتحبه
ادهم ينظر لها بحده وغضب اخافها: والحل ايه يا دكتور هتفوق ايمته
الدكتور: انا اديتها مهدئ هتنام للصبح ولازم العمليه تتعمل فى اقرب وقت كده فى خطورة على حياتها
ادهم: تمام اتفضل ويقوم ادهم بايصال الدكتور ويعود مرة اخرى ويدخل حتى يرى ليله من دون النظر لملك
ملك تدخل ورائه: ادهم هو انت اتضيقت منى
ادهم: لا خالص هو انتى عملتى حاجه
ملك: انا بقول كده بردة
ادهم: انتى هتجنينى بقا ابقا واقف معاكى وتكلمى انتى الدكتور ليه واقف جنبك كيس جوافه
ملك: اه انت مضايق عشان كده
ادهم: اوعى من قدامى احسنلك
ملك: خلاص بقا يا ادهم والله مش خدت بالى عشان كنت قلقانه على ليله
ادهم: طيب بس لو حصلت تانى صدقينى هزعلك
ملك: لا خلاص مش هتتكرر تانى
ويقوم ادهم بحمل ليله حتى يذهب الى منزلهم فتوقفه فريال: ما تسبها هنا يابنى وبلاش تقلقها وهى نايمه
ادهم: لا معلش يا تيته عشان خالتو متقلقش عليها اكتر من كده
فريال: طب ابقا طمنا عليها دى غاليه عندى اووى
ادهم: حاضر يا تيته ويذهب ادهم وهو يحمل ليله ويركب سيارته ويضعها بالمقعد الخلفى ويقود السيارة ويتجه نحو المنزل
يصل ادهم اسفل العماره التى يسكنون بها ينزل ويحمل ليله ويركب المصعد ويدخل الشقه فتقابله وفاء
وفاء بشهقه وهى تجرى عليه: ليله مالها ايه اللى حصل
ادهم: خلينى اطلعها فوق الاول ياخالتو
وفاء: طب تعالى اطلع اطلع يصعد ادهم الى الاعلى وخلفه وفاء يضعها ادهم على السرير وتجلس بجانبها وفاء تزيل عنها حجابها حتى تتنفس جيدا
وفاء: مالها يابنى هى كويسه
ادهم: تعالى ننزل تحت بس عشان نسبها ترتاح وينزل ادهم و وفاء الى الاسفل فيجدو خالد يدخل من باب الشقه
خالد: ايه مالكم فى ايه
وفاء: ليله اغمى عليها
خالد بخوف: ايه طب هى كويسه هى فين
ادهم: اهدى بس ياعمى تعالو وانا هحكلكو اللى حصل ويتجه الجميع نحو غرفه الصالون ويحكى لهم ادهم كل ماحدث مع ليله وكلام اسر لها
خالد بغضب: بقا بنتى انا بيتلعب بيها كده
وفاء ببكاء على ماحدث لابنتها: منه لله ربنا ينتقم منه الحمد لله انه نجاكى منه يابنتى
ادهم: اهدو ياجماعه الاهم من الزفت دة دلوقتى ان احنا نقنع ليله لازم العمليه تتعمل فى اقرب وقت
خالد: هتعملها ان شاء الله وهتوافق
وانقضى المساء تحت حزن الجميع
بالصباح تدخل وفاء غرفه ابنتها كى تيقظها كاعاده لاكن تجد ليله تجلس على السرير وتنظر الى الفراغ بهدوء
وفاء وهى تجلس بجانبها وتملس على شعرها: عامله ايه يا حبيبتي حسه انك احسن
ليله: انا مش هعمل العمليه
وفاء بصدمه: انتى بتقولى ايه مش هتعملى العمليه ازاى انتى عايزة تروحى مننا
ليله: ايوه بالظبط هو ده اللى انا عايزاه واتفضلى بقا وسبينى لوحدى تخرج وفاء من غرفه ابنتها وهى مصدومه وتخبر ادهم وخالد بما قالته ليله ويغضب خالد بشده لاكن هدئه ادهم وقال له انه يجب عليهم اقناعها بهدوء لان العصبيه خطر عليها
ومر اسبوعين على هذة الاحداث الجميع يحاول اقناع ليله ان تفعل العمليه لاكنها كانت تلتزم الصمت ولا ترد على احد ودخلت بحاله من الاكتئاب وكانت ايضا تلتزم غرفتها ولا تاكل الا القليل ولا تذهب الى الجامعه طوال الاسبوعين الماضين
بصباح يوم جديد تدخل ملك على ليله بعصبيه
ملك بغضب: انتى هتفضلى حابسه نفسك وبتعيطى كده كتير بتعيطى على ايه دا كلب وراح ليه توقفى حياتك عند واحد ميستاهلش ليه تعذبى نفسك وتعذبى اهلك معاكى ليه بتعملى كده وتحكمى على نفسك بالموت ليه رافضه العمليه وتكمل بصراخ ردى عليا انا مش بكلم نفسى لم تبالى ليله لها ولم تنظر اليها فيتضاعف غضب ملك وتذهب اليه وتصفعها على وجهها بشده فوقى بقى من الامباله اللى انتى فيها دى فتنظر لها ليله وتبدا فى بكاء حاد
أنت تقرأ
عشقت ليله
Romanceهى رقيقه هاشه تعرضت للخزلان من اقرب الاشخاص اليها وجاء هو واكمل تحطيم قلبها ف اقسمت على ان تجعله يدفع ثمن تحطيم قلبها و يقدم الاعتذار لها هو قاسى ومتملك ارغم على الزواج منها من دون روايتها وعندما راها وقع صريع عينيها الزرقاء ولاكن لم يعرف كيف يتعام...
