عشقت ليله

Part6♥

♥part6
بعد مرور يومين فى الاحداث العاديه الروتينيه اليوم سوف تذهب ليله وعائلتها الى منزل ياسر
ارتدت ليله وخرجت من غرفتها حتى ترى والديها
ليله: انا خلصت اومال فين ملك
وقاء: مش راضيه تيجى
ليله: ليه مش عاوزة تيجى فى حاجه
ملك: لا ابدا مفيش حاجه انا بس مش عايزة اسيب تيته لوحدها
ليله: الاه ماتيجو معانا انتو الاتنين
ملك: مش هينفع عشان هى تعبانه وانا عايزة ارتاح شويه تعبت انهاردة فى الشغل مع ادهم
ليله: ماشى براحتك وفين سى ادهم هو كمان
ملك: لسه عنده شغل كتير فى العيادة ومش هيعرف يجى
ليله: اووف بقا منكو انتو الاتنين يلا يا ماما ويذهب كل من ليله و وفاء الى منزل عائله الرفاعى يركب خالد سيارته وبجانبه وفاء وبالخلف ليله وانطلقو حتى وجهتهم منزل الرفاعى
بعد فترة يصلو ويكون فى استقبالهم ياسر ونرمين الذى احبت ليله بشده
بغرفه الصالون
نرمين بضحك: دا انتى دمك زى العسل يا ليله
ليله بغرور مصتنع: عارفه
خالد بسخريه: طب حاسبى على نفسك لتفرقعى
ياسر: ملكش دعوة بيها انت دا انا وهى هنعمل كابل هايل فى التريقه عليك
خالد: اه ماهو دا اللى انت فالح فيه
نرمين: يلا يا جماعه الغدا جاهز اتفضلو يذهب الجميع بتجاه غرفه السفرة فيهمس ياسر لنرمين ابنك فين عجبك اللى هو  عامله ده انا قولتله ان فى ضيوف مهمين هيجو بس ولا عبر حد
نرمين: معلش ياحبيبي اكيد عنده شغل كتير
ياسر وهو يذهب: هنشوف اخره ضلفه الباب دا ايه

وبعد فترة انتهى الجميع من تناول الغداء ويقوم ياسر بدعوتهم حتى يروا الفيلا المجاورة لهم
ليله: جميله اوووى ياخالود
خالد: احترمينى شويه حتى قدام عمك ياسر
ليله: طب انا غلط دلوقتى يا يسور دا انا بدلعه ومش عايزة اكبرة واقوله بابا
ياسر: لا ياحبيبه يسور هو اللى غبى حد يلاقى حد يدلعه ويقوله لا
خالد: انا ياخويا
وفاء: لا بصراحه الفيلا جميله
نرمين: واحسن شى فيها ان الجنينه مشتركه يعنى هنقعد مع بعض كتيير
خالد: خلاص كلم صاحبها يا ياسر وخلص معاه فى السعر واحنا هناخدها
ياسر: خلاص تمام
وبعد مرور بعض الوقت جاء صاحب الفيلا واتفق معه خالد واشترى منه الفيلا ومضو العقود واعطى خالد لصاحب الفيلا شيك بمقدار ثمن الفيله
بعد ان ذهب صاحب الفيلا
نرمين: الف مبروك عليكم تتهنو فيها ان شاء الله
وفاء: الله يبارك فيكى ياحبيبتي
ليله: انا هروح اكلم ملك بقا عشان نبدا نجهز الحاجه ونيجى هنا بكرة الصبح
خالد: بسرعه كده
ياسر: الاه وايه يعنى ما انت كده كده اشتريتها وبقت بتاعتك تستنى ليه بقا
خالد: ماشى وودعت ليله وعائلتها ياسر و نرمين وعادوا الى المنزل واخبرو ملك وادهم بموضوع الفيله وانه يجب عليهم النقل غدا وافق الجميع وبدوا فى حزم اغراضهم
بالصباح يصل الجميع الى الفيلا ويعجبوا بها وبتصميمها وياخذ كل شخص غرفه له ويبدا فى ترتيب اغراضهم وكانت نرمين تساعدهم
فى المساء نام الجميع حتى يرتاحو من تعب اليوم فاليوم كان مرهق للجميع
بغرفه ليله لم تستيطع النوم فوضعت الحجاب عليها بشكل عشوائي ونزلت الى الجنينه تشاهد السماء فى صمت بعد ساعه احست ليله انها تريد النوم وذهبت الى غرفتها حتى ترتاح
صعدت حتى غرفتها ولم تقدر على النوم ايضا فتجد ادهم يدخل الغرفه
ادهم: شوفتك وانتى طالعه مالك مش عارفه تنامى
ليله: مش عارفه انام خالص وحاسه انى مضايقه
ادهم: امممممم مضايقه طب ينفع نفرفش شويه ويقوم بتشغيل مهرجان شعبى على موبايله ويجذب ليله من يدها حتى ترقص معه فهو يعلم جيدا كيف تحب ليله الرقص والاغانى الشعبيه
ليله بضحك وهى ترقص معه: اهو كده هنفرفش بس هنصحى البيت كله
ادهم وهو يرقص معه: مش مهم المهم نفرفش
ليله تضحك ويظلو يرقصون معا بمرح حتى تعبت ليله وجلست بتعب خلاص مبقتش قادرة
ادهم: المهم فرفشتى
ليله: على الاخر
ادهم: ليله هو انتى لسه بتفكرى فى اسر لسه بتحبيه
ليله: تعرف انا مش بقا بيجى على بالى اصلا ولا بيوحشنى حاسه كانه عادى خالص تفتكر انى مش حبيته بجد ودا كان تعود مش اكتر 
ادهم: انا مش افتكر انا متاكد ان دا كان تعود يلا ارتاحى انتى دلوقتى والصبح ان شاء كل حاجه هتبقى بخير
فتؤنى له ليله وتنام على السرير وهو يغلق الانوار ويتجه نحو غرفته
عند الياس عاد من عمله وصعد حتى غرفته وبدل ثبابه وفعل روتينه ولفت نظرة شى بالفيلا المجاورة لهم فذهب حتى شباك الغرفه ليرى ماذا يوجد فيجد شاب وفتاه لم يتعرف عليهم يرقصون ويضحكون بمرح فيقول فى نفسه انه من الممكن هم اصحاب الفيلا الجداد لم يهتم للامر وذهب الى السرير كى ينام ويحلم بفتاته الذى اشتاق لها وسقط فى سبات عميق
مر اسبوع على هذة الأحداث وذهبت ملك وليله الى الكليه الجديده وافتتح ادهم العياده الجديده ولم تتقابل ليله مع الياس فى المساء يجلس الجميع فى غرفه الصالون بمنزل ليله ومعهم نرمين
وفاء: هما خالد وياسر اتاخرو كده ليه
نرمين: ان شاء الله خير متقلقيش
يرن هاتف ليله برقم والدها
ليله: اهو بابا بيرن اهو وتفتح الخط
ليله بمرح: ايه ياخالود انت فين
الطرف الاخر: صاحب الموبايل دة عمل حادثه واتنقل المستشفى هو ومعاه واحد تانى
ليله بصراخ: مستشفى ايه فيقول الطرف الاخرى العنوان لها وذهب الجميع بسرعه الى المشفى وحاولت نرمين الاتصال بالياس لاكن خطه مغلق
بالمشفى امام غرفه العمليات يقف الجميع بنتظار الطبيب
يخرج الدكتور
ليله بدموع: طمنى يادكتور بابا كويس
الدكتور: الحمدلله العمليه نجحت بس لازم يدخل العنايه المركزه عشان حالته مش مستقرة
نرمين: طب و جوزى
الدكتور: استاذ ياسر كويس هو بس كسر فى الايد وكدمات بسيطه بس الضرر الاكبر كان للاستاذ خالد عشان هو اللى كان بيسوق يذهب الطبيب من امامهم
ليله بدموع: يارب اشفيه دا انا مقدرش اعيش من غيرة
ادهم يحتضنها: اهدى يا ليله ان شاء الله هيبقى بخير
بعد ساعه اطمئن الجميع على ياسر وخالد دخل غرفه العنايه
ادهم: يلا ياجماعه مفيش فايدة من قعدنا هنا
ليله بعناد: لا انا هفضل هنا ومش همشى
ادهم: ليله ياحبيبتي عمو دلوقتى مش فايق انك تشوفيه فتروحى البيت ترتاحى دلوقتى وترجى تانى وانتى كويسه ولاعايزة عمو يفوق يلاقيكى تعبانه ويقلق عليكى
ليله باستسلام: خلاص ماشى وتذهب ليله و وفاء ومعهم نرمين وياسر بعد ان كتب الدكتور خروج لياسر
بعد عده ساعات بفيلا الرفاعى يجلس ياسر بغرفه المكتب ينتظر الياس
يدخل الياس بفزع: بابا انت كويس انا كنت فى اجتماع وقافل الموبايل حصلك حاجه؟
ياسر بهدؤء: انا كويس الحمد لله بس عمك خالد هو اللى حالته مش مستقرة
الياس بحزن فهو قد تعرف عليه واحبه: طيب والدكتور قال ايه
ياسر: قال انو لازم يفضل فى العنايه لان الحاله مش مستقرة بس مش ده الموضوع اللى انا عايزك فيه دلوقتى
الياس باستغراب: امال موضوع ايه
ياسر: عايزك تتجوز بنت عمك خالد
الياس: هو انت كمان جايبلى بنت صاحبك عشان اتجوزها هتعمل زى ماما وهى بتجبلى بنات اصحبها
ياسر: لا انا مش هعمل زى امك انا بقولك هتتجوزها يعنى هتتجوزها ويارب هى بس توافق
الياس: يعنى هتغصب عليا اتجوزها لا وكمان يارب توافق وهى مين دى اللى تقدر ترفض الياس الرفاعى
ياسر: بطل طريقتك دى وانا هكلمها فى الموضوع واقنعها ومش مهم انت توافق ولا لا المهم هى
الياس بغضب يحاول السيطرة عليه: وعندها كام سنه بسلامتها
ياسر: ٢٢ سنه
الياس بغضب: نعم بقا عايز تجوزنى حته عيله عندها ٢٢ سنه لا وكمان بتغصب عليا
ياسر: بتعلى صوتك عليا يا الياس دى اخرة تربيتى ليك خلاص يابنى اعمل اللى انت عايزة مش هغصب عليك حاجه انا كنت عايز مصلحتك بس انت حر ويكمل وهو يمثل الالم والوجع بشكل ممتاز اه اه اه
فيجرى عليه الياس بزعر: بابا انت كويس انا مش قصدى اعلى صوتى انا اتعصبت بس
ياسر وهو يمثل الوجع: خلاص يابنى دى حياتك وانت حر فيها
الياس: لا خلاص يا بابا هعمل اللى انت عايزة
ياسر: ربنا يحفظك ليا ياحبيبي
الياس: يلا اطلعك فوق ترتاح
ياسر: لا انا عايز اكلم ليله الاول
الياس: ومين دى كمان
ياسر: مراتك قصدى اللى هتبقا مراتك
الياس بضيق: اه طب هتتصل بيها تيجى
ياسر: لا انا اللى هروح ليها الفيلا جمبنا اهى
الياس: تمام براحتك فيذهب ياسر الى الفيلا المجاورة حتى يقنع ليله وترك خلفه الياس يفكر بضيق فى كيف له ان يتزوج من بنت لم يراها من قبل وبالاضافه الى ان سنها صغير فالفرق بينهم ٨ سنوات ليس بالفرق الهين وما يشعره بالضيق اكثر هو انه يشعر انه هكذا يخون فتاه احلامه التى يعشقها منذ سنوات ولا يعلم مكانها
عند ليله طلب منها ياسر التحدث معها بمفردها و وافقت وعمل ياسر كثيرا على اقناعها وقال لها انها وصيه خالد له ان يزوجها من الياس وهو بالفعل لم يكذب فخالد وصاه بها قبل ان يدخل فى غيبوبه وافقت ليله وهى تبكى حتى تنفذ رغبه والدها ولم تفكر فى اى شى غيرة
قال ياسر للجميع عن خبر زواج الياس وليله ورفض ادهم بشده لاكن وافق على مضض وفاجئهم ياسر بتصاله بالمازون ليتم عقد زواج الياس وليله تم كتب الكتاب وكان ادهم وكيلها ومضت ليله على العقد من دون ان يراها الياس او تراه
مر اسبوع على هذة الاحداث وتحسنت حاله خالد الصحيه واخبرهم الطبيب بانه من الممكن ان يخرج فى اى وقت واهم شى له عدم الانفعال والراحه وعاد خالد الى منزله فى صباح اليوم ومازال الياس لم يرى ليله ولا يريد رويتها
يجلس الجميع بالجنينه المشتركه يتحدثون فاليوم هو يوم العطله للجميع
الياس: معلش ياعمى بس هو ايه الصوت الاغانى العالى اللى جاى من الفيلا بتاعتكم ده
خالد بضحك: دى ليله انهاردة اجازه من الجامعه وقررت تعمل كيكه
ادهم بسرعه: بجد ومحدش قالى ليه ينفع كده فوت الحدث من اوله
ياسر باستغراب: حدث ايه
خالد بضحك: اصلك مش عارف يوم ما ليله بتقرر تدخل المطبخ بتبقا عامله ازاى
ادهم وهو يخرج هاتفه من جيبه ويقوم بتشغيل الكاميرا وينهض: عن اذنك بقا اما اروح الحقها واغفلها
ملك بضحك: ربنا معاك بس اوعى تعمل فيك زى المرة اللى فاتت هيبقى شكلك مسخرة
ادهم وهو يذهب: ملكيش دعوه انتى دى ليلتى حبيبتي ويتجه نحو المطبخ
عند الياس هل تشمون رائحه شياط بالفعل الياس يجلس الان وهو يخرج النيران من عيونه والدخان من اذنيه لا يعلم لماذا يشعر بالغيرة من حديثهم عليها وهو لم يراها من قبل
بعد فترة تخرج ليله من المطبخ وخلفها ادهم يضحك بشده على الصور الذى التقاطها لهم  وهى تحمل بيدها قالب الكيك مزين بطريقه جميله ليله بمرح: وعملتلكم احلى كيكه
الياس من دون ان ينظر اليها: كويس انك موجودة اظن ياعمى دلوقتى حضرتك الحمد لله صحتك اتحسنت ومبقاش فى لازمه انى افضل متجوز بنت حضرتك صح ولا ايه؟
ليله بعد ان وضعت الكيكه على الطاوله وقامت بتقطيع قطعه منها على شكل مثلث ووضعتها بطبق اخر التفت الى الياس حتى تعطيها له وهى تقول
ليله بابتسامة: انا بقول كده بردو مبقاش فى لازمه للجوازه دة فالاحسن ان احنا نخلص الموضوع على طول
الياس ينظر لها بصدمه وذهول ••••••••••••••••••

بقلمى /هاجر محمد النجار 🌹

👑انتهى البارت👑

بجد التفاعل وحش اوووى لو هى مش عجباكم خلاص هوقف نشرها وبلاش اتعب نفسى فيها ومش بلاقى مقابل لتعبى دة فخلاص انا للاسف هوقف نشر