عشقت ليله

Part 23♥

#عشقت_ليله
#البارت_23
#بقلمى_هاجر_النجار

بارت كبير اوووووى اهو عايزه تفاعل كويس دا اكبر بارت كتبته فى الروايه لحد دلوقتي وانا كنت قايله هنزله امبارح بس للاسف معرفتش لانى عماله اختصر فى الاحداث مش عارفه وكل محاولاتى انى اخليه صغير كانت فاشله الحمد لله فسبته زى ماهو يارب يعجبكم والبارت نزل حصرى هنا وعلى صفحتى على الواتباد عايزه تفاعل جامد ها احسن اعملكم جريمه هنا 😂😂💙💙

يلا نبدا

Part 23♥
بقلمى /هاجر النجار

ليله باستغراب: وانا ايه علاقتى بالشركه
الياس بحده: شركه ايه
تصرخ ليله بخضه وترمى الهاتف من يدها
الياس: ايه شوفتى عفريت
ليله بتوتر: لا بس اتخضيت مش اكتر
الياس: بتكلمى مين وشركه ايه
ليله بتوتر: شركه؟ شركه ايه وتكمل بحده حتى تغير الموضوع وانت مالك بتسالنى ليه اصلا مش من حقك
الياس ينظر لها نظره شر: مش من حقى صح ويقترب بضع خطوات منها ويقول هو من حيث الحق ف انا ليا حقوق كتير اوووى هتقولى بالذوق ولا كل واحد ياخد حقه

ليله بتوتر وسرعه: دا.... دا عميل معانا فى الشركه كان بيسال على تصميم هو طالبه وبيقول انه اتاخر عليه وانا قولتله انا مليش دعوه بالشركه انا بصمم بس

الياس بغموض: امممممم عميل ماشى ويتركها ويذهب الى الحمام وياخذ ملابس مريحه للنوم ويبدل ثيابه ويخرج من الحمام ويتسطح على السرير وينام من دون ان ينظر لها
بعد دقايق
ليله باستغراب: هو نام ولا ايه اممممم دا شكله نام كويس عشان اعرف اكمل نوم انا كمان
وتتجه الى الطرف الاخر من السرير وتنام بعمق
___________________________________________________________________هاجر النجار ♥

بالصباح
بالشركه يجلس الياس يعمل على عده اوراق بتركيز فتدخل عليه سلوى
سلوى: جومانه هانم بره يافندم
الياس: دخليها
سلوى: تحت امرك يافندم

وتخرج وتدخل بعدها جومانه وهى ترتدى ملابس قصيره للغايه وتضع مكياج صارخ وتمشى بدلال مقصود
جومانه وتمد يدها للسلام: اخبارك الياس بيه
الياس ببرود: مبسلمش
تسحب جومانه يدها باحراج وتقول: سورى لو جيت من غير معاد بس كنت عايزه اسال حضرتك على شويه بنود كده فى العقد
الياس: اكيد اتفضلى على غرفه الاجتماعات

ونهض الياس واتجهو الى غرفه مجاوره لمكتبه جلس الياس على راسه الطاوله و بدا الاجتماع وجلست جومانا بجانبه وقامت بتقريب الكرسى الخاص بها منه

جومانا بدلع: الياس بيه ممكن لو سمحت تفهمني البند ده من العقد عشان مش فاهمها خالص

الياس بجديه:  اكيد طبعا وبدء الياس بشرح بنود العقد بكل جديه ولم ينظر لها وتجاهل حركتها في التقرب منه مما جعلها تستشيط غضبا من بروده وتجاهله لها

الياس بعد ان انتهى: اظن خلاص كده لسه فى حاجه تانيه
جومانا بدلع تخفى ورائه غيظها وغضبها منه: لا كده خلاص بجد انت شاطر اووووى
اومئ الياس براسه ولم يرد
جومانا: ياريت تقبل دعوتى انهارده على العشاء
الياس ببرود: سورى مش فاضى ونهض من مكانه واتجه الى غرفه المكتب وجلس يتابع اعماله
تخرج جومانا من غرفه الاجتماعات بغضب شديد وتنظر الى الياس بتوعد وتخرج من الشركه