عشقت ليله

حلقه خاصه ٣♥

#عشقت_ليله
#هاجر_النجار
#حلقات_خاصه
#الياس_ليله

حلقه الياس وليله يارب تعجبكم ♥

بذات مساء تخرج ليله من الحمام وهى تشعر ببعض الوجع بمعدتها ولاكن لم تظهر وفسرت هذا بسبب قرب موعد الولاده حيث كان باخر الشهر الثامن من الحمل اتجهت الى المرآه وبدأت بتمشيط شعرها فسمعت صوت الياس من خلفها
الياس بسخريه: لو تهتمى بيا نص اهتمامك بشعرك..
ليله: لا عندك.... انا شعارى فى الحياه ان زينه البنت شعرها وتكمل بضيق وبعدين معاك حق هو بقا طويل اوووى ومش بقدر اهتم بيه كله ومع الحمل بقا صعب اووى بفكر اروح للكوافير اقص منه شويه
ينتفض الياس من مجلسه: اياكى..... سامعه اياكى تقربه منه ولا تعملى فيه حاجه
ليله باستغراب: الاه مش كنت مضايق منه دلوقتي وبتقول بهتم بيه اكتر منك ادينى هقصه شويه اهو
الياس برفض قاطع  : لا.. يعنى لا
ليله: طب ليه
الياس: لا عشان شعرك دا غالى عندى اووى
ليله بتهكم: شعرى بس اللى غالى عندك طب وصاحبه الشعر
الياس يتجه اليها ويضمها بحب: الشعر وصاحبه فى قلبى من جوه بس انا بحب شعرك لانى شوفته قبل ما اشوفك
ليله باستغراب: ازاى دا
الياس: هحكيلك انا كنت بحلم بيكى من قبل ما اشوفك ولا حتى  اتجوزك
ليله بذهول: انت بتتكلم جد
الياس: طبعا انا فضلت قبل ما اشوفك احلم ببكى سنتين اوقات تجيلى مبسوطه و اوقات زعلانه و اوقات بتعيطى كنت بحس بيكى لو مضايقه بس وشك وملامحك مش بتكون ظاهره اللى بيظهر منك شعرك
ليله: انا قرأت عن حاجه زى دى قبل كده دا بيكون ان الروحين المربوطين ببعض بيتواصلو ببعضمن خلال الاحلام دا بيدل على قوه الرابط بينهم وتكمل بدموع تتجمع فى عينيها معقول بتحبنى للدرجه دى
الياس بعشق خالص: مقدرش اقول انى بحبك لان الكلمه دى قليله اووى على اللى جوايا انا بقيت بدمنك انتى كل حياتى وفرحتى متتوصفش ان فى حته منى ومنك جايه الدنيا بعد شويه
ليله بدموع: يعنى مش بتضايق منى انى بضغك عليك الفتره دى وبضايقك وخليتك تاخد اجازه من شغلك
الياس يمسح دموعها: بس ياعبيطه اضايق منك ايه........ ويلا كفايه سهر كده يلا على النوم
تبتسم ليله من بين دموعها: حاضر يا بابا
الياس بحب: يلا يابنوتى وياخذها السرير ويجعلها تتسطح عليه ويدثرها جيدا ويتجه الى الناحيه الاخرى وينام بجوارها

___________________________________________________________________هاجر النجار ♥

بعد مرور ساعتين لم تستطيع ليله النوم حيث ازداد الوجع بشده ولم تعد تتحمل

ليله بالم: الياس.... الياس
الياس بنوم: فى ايه
ليله بالم: مش قادره تعبانه اووى
الياس ينهض: طب اهدى بس اكيد هيكون زى المره اللى فاتت اعراض كاذبه اهدى بس وانا هجبلك مايه ويتجه الى الطاوله فيجد ابريق الماء فارغ
الياس: اهدى اهدى وبلاش دموع هنزل اجبلك مايه من تحت
ليله بوجع: ماشى
يتركها الياس وينزل الى الاسفل ويعود بسرعه ومع ابريق مليئ بالماء وكاس فارغ
ليله بخضه: الياس المايه
الياس: المايه اهى استنى هصبلك شويه ويقوم بملئ الكاس بالماء ويمد يده لها
ليله بوجع: المايه سخنه
الياس يشرب رشفه من الماء: لا مش سخنه ولا حاجه
ليله بالم: المايه سخنه يا الياس اهههه
الياس يشرب مره اخرى من الماء: فين يابنتى اللى سخنه ماهى حلوه اهى
ليله بصرااخ: بووولللد ياغبى.
يشرق الياس وهو يشرب الماء ويخرج الماء من فمه بخضه
الياس بذهول: ايه.... ازاى.. طب اعمل ايه
ليله بصراخ: تعالى إولد مكانى
الياس بعدم وعى: بجد هو ينفع
ليله بصراخ: الحقوناااااااااااى همووووووووووتتتتتتتت يا طننننننننط نرميييييييين اههههههههههههههه هوووووولد
جات نرمين وخلفها ياسر
نرمين بزعر: فى ايه ياولاد حصل ايه
ياسر: انتو كويسين
ليله بصراخ: ابعدوا ابنكم الغبى دا عنى اهههههه
نرمين: اهدى اهدى..... يلا بسرعه يا الياس جهز العربيه
الياس بعدم وعى: ها عربيه ليه
ياسر: فوق مش وقتك مراتك بتولد
عاد الياس الى الواقع اثر كلمات والده
الياس بسرعه: ليله.... ويتجه اليها ويلبسها اسدال الصلاه ويحملها وينزل بسرعه وخلفه نرمين وياسر
وصل الياس الجراج و وضع ليله بالكرسى الخلفى من السيارة وركب بكرسى السائق ولم ينتظر والديه وقاد بسرعه بطريق اقرب مستشفى