عشقت ليله

Part 9♥

خلصت البارت انهاردة بدرى قولت انزله متنسوش فولو وفوت وكومنت فى رايكم ياقمرات ♥🥰🥰

بس عايزة اوضح حاجه للى بيسال قبل ما نبدا البارت الياس ميعرفش ان ليله كان عندها القلب وعملت عمليه واسر ميعرفش حاجه عن علاقه الياس وليله والموظفين فى الشركه بردو ميعرفوش حتى مالك صاحب الياس ميعرفش

يلا نبتدى 🥰
Part 9
ليله بصدمه: اسر
اسر بذهول: ليله
الياس بغيرة واستغراب: انتو تعرفو بعض
اسر: اه دى فتقاطعه ليله بسرعه
ليله بسرعه: اه نعرف بعض احنا كنا مع بعض فى الجامعه بس هو كان فى الدفعه اللى قبلى وكنا اصحاب وكده
اسر باستغراب من حديث ليله: بس احنا اا
ليله بسرعه تقاطعه وتقول بتوتر : اه لو خلصت يامستر الياس فى شغل مستعجل اوووى اوووى محتاجه حضرتك فيه
الياس باستغراب بسبب اسلوبها فى الكلام: اتفضل انت يا اسر وتقدر تبتدى شغل من بكرة
ينهض اسر: تمام يافندم وشكرا لحضرتك ويخرج من الغرفه ونظراته منصبه على ليله التى تقف بتوتر
بعد ان خرج
الياس بحده: فورا تقولى ايه الهبل اللى عملتيه دا ملف ايه ومستر الياس ايه وتعرفى الواد دا منين عشان مدخلش عليا جو زميلى دا
ليله تجلس مقابله بتوتر: اهدى بس ياخطيبى وانا هفهمك
الياس بانزعاج: متقوليش ام الكلمه دى بتعصبى
ليله وهى تحاول ان تنسيه الموضوع: الاه مش انت خطيبى ودا اتفقنا
الياس يتذكر كيف تم هذا الاتفاق
فلااااااااااش باااااااااااك
مر شهر على عمل ليله بالشركه وتحسنت علاقتها بالياس ولاكن عندما تفتح معه موضوع الطلاق يرفض بشده وهى بدات تشعر بانجذاب نحوه لذلك فكرت بشى وعزمت على اخبارة به وارغامه على الموافقه عليه ذهبت الي منزله بالمساء
ليله: طنط هو الياس فين عايزة اسئله على حاجه فى الشغل
نرمين: انتو كده كل حاجه شغل شغل حتى هو بردو من وقت ما رجع من الشركه وهو بيقول عندى شغل
ياسر: هو جوه فى المكتب ادخلى ليه ياحبيبتي
ليله: حبيبي يا يسور وتتجه ليله الى مكتب الياس وتطرق الباب
الياس من الداخل: ادخل
ليله تدخل: مساء الخير
الياس باستغراب: ليله بتعملى ايه هنا فى حاجه
ليله: لا مفيش حاجه عايزة بس اتكلم معاك فى موضوع لو فاضى
الياس: اه تعالى تجلس ليله على الكرسى المقابل له
ليله: بص مش انت رافض ان احنا نطلق
الياس بضيق: هو انا قولتلك كام مرة متجبيش سيرة الطلاق دا تانى
ليله: ماهو انا عايزة افهم بردو انت عارف كويس احنا اتجوزنا ازاى يبقا ايه المانع بقا ان احنا ننفصل
الياس يمسك يدها: معرفش اللى اعرفه انى مش عايزك تبعدى عنى عايزك دايما قريبه منى ويكمل بغيرة وتملك  ومحدش يقرب منك غيرى دا انا ببقا بموت لما بشوفك بتهزى مع ادهم ببقا عايزة اقتله وانتى هتفضلى مراتى لاخر عمرك غصب عنك
ليله تسحب يدها من يدة وتقول بهدؤء: اسمعنى بس انا عندى فكرة كويسه نرضى بيها كل الاطراف
الياس: فكرة ايه دى
ليله: بص احنا نتخطب
الياس بذهول: نعم ياختى نت ايه
ليله: استنى هفهمك احنا اتجوزنا واحنا منعرفش بعض خالص و عشان نكمل مع بعض لازم نكون عارفين بعض فهناخد فترة نتعامل فيها زى المخطوبين جديد وتنسى خالص انى مراتك لحد ما ناخد على بعض اكتر ونعرف طباع بعض وبعدها نقرر اذا كنا مرتاحين لبعض وهنكمل ولا لا ولو مرتحناش لبعض ننفصل بهدؤء قولت ايه
الياس يصتنع التفكير : قولت ان حد فى عليتكم عبيط او انتى شخصيا اللى عبيطه مش عارف
ليله بنزعاج: بطل طريقتك دى ماهو دا اللى لازم يحصل انا تقرييا معرفش عنك حاجه وانا مش مستعده اتجوز بالطريقه دى
الياس: يا مثبت العقل يارب يابنتى يعنى تبقى مراتى ومش عارف امسك ايدك عشان احنا فى وضع المخطوبين دا كلام ناس عاقلين
ليله: اه وهو دا اللى هيريحنى ومرت نصف ساعه وليله تحاول اقناع الياس بفكرتها
الياس بضجر: خلاص خلاص موافق بطلى زن بقا
ليله بفرح: تمام وهنتعامل زى المخطوبين ولو مرتحناش هننفصل صح
الياس بكذب: صح جدا ويكمل فى نفسه قال ننفصل قال عبيطه دى ولا ايه
ليله بشك: ماشى اه لسه ه
يقاطعها الياس: لسه ايه تانى
ليله: محدش فى الشركه يعرف بعلاقتنا ببعض يعنى لو حد سأل هنقول ان انا بنت صاحب باباك وساكنين جنب بعض
الياس: وليه يعنى
ليله: كده مش عايزة حد يعاملنى على انى مرات المدير
الياس: براحتك
ليله: تمام كده انا همشى
الياس: طب ماتخليكى شويه كمان
ليله: لا هرجع البيت عشان الوقت متاخر سلام وتذهب ليله وتترك الياس خلفها يتنهد بعشق خالص لها ومن وقتها وكل تعامل ليله والياس مثل المخطوبين فى فترة التعارف تحت تزمر الياس لاكن ليله تقنعه دائما
اند فلااااااااااش باااااااااااك
الياس: دى كانت فكرة تقاطعه ليله
ليله بمقاطعه: فكرة جامده صح وتكمل بفخر طبعا عشان فكرتى
الياس: فكرة طين وهباب وانا غبى ومتخلف عشان وافقت عليها
ليله بمراوغه : لا متقولش على نفسك كده
الياس ببرود: اوعى تفكر ان الهبل اللى بتعمليه دا هيخلينى انسى الموضوع تبقى عبيطه ياحبيبتي ويكمل بحده تعرفى الواد دا منين ومن غير لف ودوران
ليله بتوتر: خلاص هقول مفيش امل اهرب بس خليك هادى
الياس ببرود: سمعينى
ليله بتوتر وارتباك: بس احنا كنا زمايل فى نفس الجامعه بس هو كان اكبر منى بسنتين  وتكمل بتقطع و و ا اتخ و
الياس: اخلصى و ايه
ليله تغمض عينها وتقول  بسرعه: حبينا بعض واتخطبنا وبعدين انفصلنا
تفتح ليله عينها ببطئ حتى ترى ردة فعله فتجده عينيه حمراء بشده وعروق رقبته بارزة بشكل يثير الرعب ويضغط على قبضه يده يعتصرها
ليله ببلاهه: هتطلع نار ايمته بقا عشان استخبى
الياس ينهض بغضب ويتجه نحو كرسيها ويضع يديه عليه ويحاصرها عليه ويقول بغضب وغيرة عمياء: كنت مخطوبين ازاى
ليله وهى تحاول انزال نفسها فى الكرسى اكثر: زى الناس
الياس بغيرة وغضب: ومقولتيش ليه
ليله بتوتر: مجاش فرصه اقولك
الياس بغيرة: عارفه لو شوفتك مع الحيوان دا فى مكان واحد انا هقتله واقتلك انتى سامعه
ليله: حاضر حاضر اللى انت عايزة
الياس يذهب لمكتبه ويرفع سماعه التليفون: وعلى ايه انا اكلم سهى تكلمه وتخليه يرجع مكان ماجيه مفيش شغل هنا
ليله بسرعه تذهب له وتاخذ منه السماعه وتغلق الهاتف: استنى بس مفيش داعى لكده وهو لو اشتغل هنا هيعملى ايه يعنى وهو مش فارق معايا
الياس يمسكها من زراعها بغضب: انتى لسه بتحبيه عايزاه يفضل هنا عشان ترجعو لبعض ردى ويكمل بتملك بس دا بعينك انتى وهو انتى مراتى انا وبتاعتى انا وهو لو بصلك بس هدفنه حى
ليله: اهدى بس وانا والله نسيته خالص وتكمل بشرود دا كان اوحش فترة فى حياتى
الياس يحتضنها بقوة: انا بغير اوووى يا ليله عمرى ما فكرت فيوم انى ممكن اغير على حد كده لما كنت بشوف بابا وهو غيران منى على ماما كنت بفضل اضحك عليه واقول هو فى حد بيغير كده طلعت انا اوحش من كده مليون مرة انا بحس انى بتخنق لما بشوفك بتهزرى وتضحكى مع اى حد ببقا عايز احضنك واقولك لا متضحكيش مع حد متكلميش حد انا خلاص مش قادر ابعد عنك ويتنهد بعشق شديد ويزيد من ضمها
اما ليله شعرت باحضانه بامان غريب عليها لم تشعر به من قبل حتى مع والدها وادهم وشعرت باكتمال روحها ولم تكن تريد ابدا ان تبتعد عنه وتترك احضانه وتاكدت بانها لم تحب اسر ابدا بل هى اعترفت لنفسها انها لم تحب او تعشق غيره هو معذب فؤادها الياس
الياس يبعدها عنه بهدؤء: انا هسيبه هنا يشتغل بس صدقينى لو حاول يقرب منك هيندم
ليله: مش عارفه انت حاطه فى دماغك ليه دا انسان كان فى حياتى وخرج منها للابد ومستحيل يرجع تانى متشغلش بالك بيه
الياس ببرود: ومين قالك ان انا ممكن اسمح يرجع لحياتك تانى ودا اقل من انى اشغل بالى بيه
ليله بمرح: خلصانه يابرنس هتغدينى برة انهاردة بقا
الياس بقرف: بجد فصلتينى اوعى كده خلينى اكمل شغل وانتى روحى اعملى شغلك
ليله: متفكرش انك هتهرب هتغدينى بره انهاردة يا خطشيبى
الياس بنزعاج: ليله لو قولتى الكلمه دى تانى صدقينى يومك مش هيعدى
تكتم ليله ضحكتها على شكله فهى تعلم كم يتضايق عندما تناديه بخطيبى لكنها تحب مشاكسته
ليله بضحك مكتوم: لا خلاص وعلى ايه انا اكمل شغلى احسنلى وتكمل ليله عملها ويتابع الياس عمله على الاب توب وينتهى كلا منها من عمله ويعودوا معا الى منزلهم
بصباح اليوم التالى يستيقظ الياس ويفعل روتينه ويتجه الى منزل ليله كالعاده كى يصطحبها الى الشركه فوجدها قد انتهت من ارتداء ملابسها وتقف بالخارج تنتظرة
الياس: ايه دا ليله هانم بنفسها خلصت لبس بدرى وبتستنانى ايه اللى حصل انتى كويسه ولا ايه
ليله: هه هه هه ظريف اووى يلا عشان منتاخرش
ويركبو سيارة الياس ويتجه الى مطعمهم المفضل كى يتناولو الافطار معا كعادتهم كل يوم ويتجهو الى الشركه وابتدوا فى ممارسه عملهم
سهى تطرق الباب وتدخل عليهم: صباح الخير يافندم
الياس: صباح النور ياسهى فى جديد انهاردة ايه
سهى: المهندس اسر وصل من شويه واستلم شغله وفى اجتماع بالليل مع الشركه البريطانيه وحضرتك هتحضره مع انسه ليله والمهندس اسر والمنهدس مالك
الياس ينظر بتجاه ليله عند ذكر اسم اسر فيجدها تعمل على الاب توب الخاص بها ولا تعطى اهتمام لهم
الياس بغضب مكتوم: تمام جهزى كل الورق عشان الصفقه الجديده بتاعت بالليل وهاتيه اراجعه
سهى بحترام: حاضر يافندم وتخرج سهى ويظل الياس ينظر على ليله وهى تعمل ويتوعد لاسر فى نفسه اذا تعرض لها او حاول مضايقتها
ليله تنظر له: مالك بتبصلى كده ليه
الياس: ايه هو عيب ابص على مراتى
ليله: خطيبتك لو سمحت
الياس فى نفسه: انا غلطان انى وافقت على ام الاتفاق الاهبل ده ويكمل: هو انتى ناويه تخلصينا من الاتفاق ده ايمته هنتجوز ايمته
ليله بصدمه وتفاجاوء: نتجوز نتجوز ايه
الياس: نعم هو انتى خلتينا مخطوبين وكمان مش عيزانا نتجوز
ليله: لا مش قصدى كده انا قصدى ان انا لسه مخدتش قرار هنكمل مع بعض ولا لا
الياس بغموض: تمام براحتك اعملى اللى انتى عايزه
ليله بشك: مش مريحنى سكوتك ده
الياس: لا ارتاحى على الاخر اه اجهزى بالليل هعدى عليكى ونروح اجتماع الشركه البريطانية
ليله: تمام هلبس واكلمك
الياس بتحذير: تلبسى حاجه وكويسه واياكى تحطى حاجه من البتاع ده على وشك
ليله بكذب: لا ابدا هو انت تعرف عنى كده
الياس: دا انتى ابو كده وام كده
ليله: قلبك اسود اوووى على فكرة
ويكمل كل منهم عمله وتعمل ليله بجد واجتهاد حيث بهذه الفترة قد اثبتت لالياس انها جديرة بالعمل معه وانها تستطيع انهاء كل الاعمال التى يكلفها بها حيث ببدايه عملها بالشركه كان الياس يكلفها باعمال شاقه وكثيرة ولاكنها اثبتت كفائتها واعجب الياس كثيرا بعملها واجتهادها و استطاعت ليله تغير فكرة عن المراءه وان مكانها المنزل فقط بل اقنعته ان المراءه تستطيع القيام بكل اعمال الرجل الشاقه وانتهى اليوم واتى المساء وذهبوا الى منازلهم حتى يستعدوا انتهى الياس من ارتداء ملابسه واتجه الى منزل ليله كى يصتحبها الى المطعم الذى سيكون فيه الاجتماع يدخل الياس منزل ليله وكان يرتدى