عشقت ليله

حلقه خاصه ٤♥

#عشقت_ليلة
#هاجر_النجار
#حلقات_خاصه
#ادهم_ملك

حلقه ادهم وملك والحلقه الاخيره معانا انهارده♥

بذات مساء يدخل ادهم الغرفه الخاصه به مع ملك فيجد ملك تقف وهى تحمل ابنتهم ليله ذات السنتين التى تبكى بقوه وملك تحاول تهدئتها
ملك: اهدى ياحبيبتي..... مالك فى حاجه بتوجعك...
لم ترد عليها ليله وظلت تبكى
ادهم: مساء الخير
ملك بانتباه: ادهم... انت جيت.. مساء النور
ادهم بتهكم: اه جيت.... دا على اساس انك واخده بالك اووى جيت ولا مجيتش
لم تنتبه ملك لحديثه وكان كاما تركيزها على ابنتها
ادهم بضيق: ماشى ياملك ويتجه الى الدولاب وياخذ ملابسه ويتجه الى الحمام كى يبدل ثيابه
بعد فتره يخرج ادهم من الحمام بعد ان بدل ثيابه فيجد ملك تضع ليله النائمه فى السرير الصغير المخصص لها بجوار سريرهم حيث كانت ليله تنام معهم بالغرفه وادم ينام بغرفه خاصه به
وضعت ملك ليله بسريرها واتجهت الى السرير وتسطحت عليه بتعب وغفت فى النوم كل هذا وادهم يتابعها بمصت ولم يتحدث وكانت ملامح وجهه بارده لاكن بداخله بركان من الغضب يحاول السيطره عليه من الانفجار فان ملك منذ فتره كبيره تهمله ولا تهتم به ولا تسأل عنه وعندما يتحدث معها تكون حجتها انها منشغله مع الاولاد هو حاول لفت نظرها اكثر من مره بطريقه لاتجرح مشاعرها لاكن لاحياه لمن تنادى...... لم تستجيب له..... فأصبح يشعر بنقص واصبحت العلاقه بينهم هاشه يتخانقون على اتفه الاسباب وكبرت الفجوه بينهم بشكل ملحوظ فمن وجهه نظر ادهم ان ملك المخطئه فهى لم تعد تهتم به ولم يعد له مكان فى حياتها حتى انها اهملت نفسها ولم تعد تهتم بمظهرها مثل قبل ومن جهه نظر ملك انها ليست مخطئه فهى تهتم باولادها وتفعل واجبها اتجاههم

ادهم بعصبيه لم يعد يقدر على كبتها: ملك
ملك بخضه: ايه فى ايه... وطى صوتك يا ادهم البنت هتصحى
ادهم: اخره اللى احنا فيه دا ايه ياملك
ملك: هو ايه دا اللى احنا فيه
ادهم: انتى هتستعبطى انا صبرت عليكى كتيير قولت يمكن تاخد بالها يمكن تحس على دمها وحاولت الفت نظرك كام مره لاكن انتى ولا هنا..... وانا خلاص صبرى نفذ ومش هصبر عليكى بعد كده انتى سامعه ومتلومنيش بقا على اللى هعمله ويخرج من الغرفه بغضب ويغلق الباب خلفه بقوه مما ادى الى فزع الصغيره النائمه فعليا صوت بكائها فاتجهت اليها ملك وحملتها وهى تبكى وتحاول كتم شهقاتها

___________________________________________________________________هاجر النجار ♥
عند ادهم خرج من الغرفه بغضب واتجه الى غرفه ادم ونام بجواره

مرت الليله بصعوبهم عليهم واتى الصباح تجهز ادهم وذهب الى العمل من دون النظر الى ملك او تناول الافطار مما ادى الى زياده حزن ملك وقامت بتجهيز الصغير ادم حتى يذهب الى الحضانه واخذت ابنتها وصعدت الى غرفتها لاحظت وفاء ان العلاقه بين ادهم وملك متضرره لم تتدخل فى بدايه الامر وفضلت ان يحلو الامر بينهم لاكن عندما لاحظت ان العلاقه تزداد سؤء قررت التدخل فصعدت الى غرفه ملك وقررت التحدث معها
___________________________________________________________________هاجر النجار ♥
طرقت وفاء الباب ودخلت فوجدت الصغيره تنام بسريرها وتلعب باصبعها وملك تجلس على السرير وتضم رجليها الى سريرها وتبكى وعندما رأت وفاء نهضت بسرعه ومسحت دموعها
وفاء: بتعملة ايه ياملوكه
ملك: لا مفيش حاجه ياطنط تعالى
تدخل وفاء وتجلس بجوار على السرير وتجذبها بجوارها وتضمها
وفاء بحنان: مالك ياحبيبتي فيكى ايه احكيلى انا زى مامتك
تنفجر ملك فى بكاء مرير وتحاول وفاء تهدئتها
بعد فتره تهدئ ملك من نوبه البكاء
وفاء بحنان: ها احكيلى مالك
ملك بدموع: ادهم
وفاء: ماله
ملك: زعلان منى وتحكى لها ما حدث بينهم وما كانت تفعله
وفاء: بصى ياحبيبتي انتى عارفه انا بعزك قد ايه وانك عندى زيك زى ليله بالظبط هقولك كلمتين خليهم حلقه فى ودنك لو اهملتى جوزك ياحبيبتي مهما كان بيحبك هيبص بره لما ميلاقيش الاهتمام من جوه هيدور هو عليه بره.... عارفه انك هتقولى وانتى هتعملى ما انتى بتهتمى بولادك بس بردو لازم تهتمى شويه بنفسك وشويه بجوزك وشويه بولادك لازم توازنى بينهم كلهم عشان الحياه تمشى يابنتى وادهم شغله كله مع الستات لو واحده زغللت عينيه شويه غصب عنه ممكن ينجذب ليها ماهو مش لاقى منك حاجه....راجعى نفسك يابنتى وحافظى على بيتك

ملك: بجد ياطنط يعنى ادهم ممكن يتجوز عليا
وفاء: وارد جدا
ملك بزعر: ايه.... لا لا ادهم ميعملش كده... وتكمل بضياع طب اعمل ايه
وفاء: تتحركى كدا وتجهزى نفسك تزينى الاوضه تلبسى قميص حلو وتدلعى جوزك وتدلعى نفسك كدا ونسيه كله حاجه حصلت وبعد كده تعملى حساب لجوزك فى يوم متهمليش اووى ومتهتميش اووى فاهمه

ملك بفرحه: ماشى شكرا اووى ياطنط
وفاء: على ايه ياعبيطه يلا بقا عشان تلحقى تجهزى نفسك قبل ما يرجع من الشغل
ملك بتردد: بس... بس
وفاء: بس ايه تانى
ملك: الولاد
وفاء: ملكيش دعوه بيهم ادم وبينام فى اوضته وليله هاخدها تنام معايا انهارده
ملك بفرحه: حبيبتي ياطنط وتقبلها من وجنتها وتتركها وتتجه الى الدولاب حتى تخرج ملابس لها وهى تفكر فى ماذا ستفعل وتتجه وفاء الى ليله الصغيره وتحملها وتخرج من الغرفه حتى تترك لها مساحتها الشخصيه
___________________________________________________________________هاجر النجار ♥
بالمساء
يدخل ادهم غرفته بضيق وهو ينوى ان يأخذ ملابس له ويخرج مره اخرى دخل الغرفه ف تفاجاء بالغرفه مظلمه ما من ضوء خافت يصدر من الشموع الملونه ذات الروائح العطره والغرفه مزينه بالبلالين الحمراء على شكل قلب وملك تقف بجوار الطاوله الموضوع عليها جميع اصناف الطعام الذى يحبها نظر لها نظره شامله من اسفل قدميها الى اعلى راسها فكانت جذابه جدا حيث كانت ترتدى قميص نوم احمر شفاف يصل لمنتصف الفخذ وتترك شعرها ينساب بنعومه على ظهرها وبعض اللمسات الرقيقه من الميك اب اصبحت شديده الجمال فملك تتمتع بجمال شرقى حيث البشره الخمريه والعيون السوداء اللامعه ظل ادهم ينظر لها بانبهار فهو لم يراها بهذه الهيئه الجذابه منذ فتره كبيره

توجهت له ملك و وقفت امامه وبدأت هى بالحديث عندما لاحظت صمته
ملك: مالك يا ادهم
ادهم بتوهان: مفيش
تمسك ملك يده بحنان وتقول: مش عايزاك تزعل منى يا ادهم انت عارف انا بحبك قد ايه بس صدقنى غصب عنى انشغلت بالاولاد واهملتك انا اسفه اتمنى تعذرنى تنهى حديثها وتتساقط دمعه خائنه من عينيها
يمسح ادهم دمعتها ويقول: طب بتعيطى ليه دلوقتي
ملك: عشان انت زعلان منى وممكن تسيبنى
ادهم يضمها اليه: اسيبك ايه يا هبله انا عملت كدا عشن تاخدى بالك انا لايمكن اسيبك ويكمل بمزاح حتى يغير موداها: ايه مش هناكل ولا انتى عامله الاكل دا زينه
ملك بضحك: لا هناكل طبعا
ادهم: هما العيال فين
ملك: مع طنط وفاء هينامو عندها انهارده
ادهم بغمزه: طب يلا ناكل لسه عندنا شغل كتير انهارده وينهى كلامه بغمزه فهمتها ملك جيدت وضحكت عليه
ملك بضحك: طب يلا
وجلسوا معا يتناولون طعام العشاء وسط حديثهم المرح وقد شعر ادهم ان ملك حبيبته وصغيرته قد عات وانجذب معها فى الحديث وظلو معا يضحكون ويتحدثون وانتهت ليلتهم بقضائهم بعض الوقت الخاص بهم معا وانسدلت الستائر على ابطالنا

👑انتهت الحلقه👑
بقلم هاجر النجار

وفى اخر الحلقات احب اعرف رايكم فى الروايه وفى اسالوبى فى الكتابه ♥♥

واحب اوصل رساله من خلال الروايه ان الحياه مش كلها وردى وجميله وان بتواجهنا صعوبات كتير لازم نصبر ونتحمل علشان تعدى والحياه تمشى والصعوبات والمشاكل دى بتبقا اختبارات من ربنا سبحانه وتعالى عشان يعرف مدى صبرنا وقوه الايمان اللى عندنا ♥♥♥

دمتم سالمين فى رعايه الله وانتظرونى قريبا فى روايتى الجديدة الفتوه والجميله وباذن الله تعجبكم ♥