عشقت ليله

Part 3♥

♥Part 3

ادهم: فى ايه يا دكتور اختى مالها
الدكتور بحزن على تلك الجميله: حضرتك دكتور وعارف اول ما بتجيلنا حاله اغماء بنعمل فحص شامل لكل اجهزه الجسم عشان نعرف الاغماء دا سببه ايه
ادهم بنفاذ صبر وخوف على اخته: ايوه ايوه عارف الكلام ده فى ايه بقا
الدكتور: للاسف الفحص المبدائ اللى عملته اكد ان الانسه ليله عندها القلب ومحتاجاه عمليه وان الاغماء انهارده كان بسبب ان قلبها مش متحمل المجهود اللى هيا عملته
يجلس ادهم على الكرسى بصدمه: ليله عندها القلب ومحتاجه عمليه ازاى ازاى دى كانت كويسه
الدكتور: حضرتك عارف مرض القلب بالتحديد مش بيظهر اعراضه بسهوله فى الاول بتبقا اعراض عاديه جدا بس بعد كده بتبدا تطور زى ما حصل معاها انهاردة
ادهم: انا مش عارف اقولها ازاى دى فرحها بعد كام شهر
الدكتور: اهو ده اللى كنت عايز احذر حضرتك منه لانى لاحظت خاتم خطوبه فى ايدها اليمين عايز حضرتك تعرف ان الانسه ليله مش هينفع تتجوز مش هتقدر تتحمل اى مجهود زائد او وجع حمل وولاده مش هتكمل وهتموت نتيجه الاجهاد فلازم حضرتك تقولها بطريقه مش تاثر على نفسيتها

ادهم: اقولها اقولها ايه اقولها انها مش هينفع تتجوز عشان عندها القلب وانها لازم تعمل عمليه عشان تعيش والا هتمو لم يستطيع ادهم تكمله الكلمه فهو لا يتخيل ابدا حياته من دون ليله حبييته واخته الصغيرة الذى عوضته عن فقدان اهله
الدكتور: انا مقدر حالتك وعارف انو مش سهل عليك ابدا انك تتفاجاء ان اختك عندها القلب بس دى اراده ربنا وان شاء الله هتعمل العمليه وتبقا بخير بس لازم موافقتها هى عشان تعملها
ادهم: شكرا يا دكتور وان شاء الله هقنعها تعمل العمليه فى اقرب وقت عن اذنك
الدكتور: اتفضل بس نصيحه لازم تبعدوها عن اى ضغط نفسى او عصبى لان حالتها مش هتستحمل
ادهم: تمام شكرا ويذهب ادهم لغرفه ليله وهو يفكر كيف سيقول لها هذا الخبر وكيف ستتحمله
بغرفه ليله تجلس تضحك مع اسر وملك يدخل عليهم ادهم بوجه حزين
ليله بضحك: شوف يا ادهم اسر وهو بيقلدنى وانا بيغمى عليا هموت من الضحك
ادهم: بعيد الشر عندك ياروحى
ليله: مالك ياض يا ادهم بقيت نحنوح كده ليه
ادهم: داهيه تسد نفسك يا بعيده يعنى انا بقولك بعيد الشر عنك ويا روحى وانتى تقوليلى بقيت نحنوح
ليله: ما انت عارف ياعم ماليش انا فى السهوكه والكلام ده
ملك: والله طب بكره نشوفك بقا لما تتجوزى انتى واسر هيبقا بردو مفيش سهوكه
ليله وهى تضربها على كتفها: وانتى مالك يابت انتى
وتكمل ادهوم خرجنى من هنا مش بحب اقعد فى المستشفى
اسر: ليه ما تخليكى لبكرة واهو نطمن عليكى
ليله: لا انا كويسه والدكتور قال دا من الارهاق
ادهم: حاضر ياحبيبتي اجهزى انتى وانا هروح اقول للدكتور وادفع الحساب
ليله: تسلم يا ابو الصحاب
ادهم وهو يخرج من الغرفه: مفيش فايده فيكى ابدا
يخرج اسر من الغرفه وتساعد ملك ليله فى ان تجهز للخروج من المستشفى وينهى ادهم كل التعاملات الحسابيه وياخذ اذن من الدكتور بالخروج
ادهم: يلا كل حاجه جاهزه يلا ويتجهو جميعا الى السيارة ويقوم ادهم بايصال ملك وتقوم ملك بتوديع ليله ويذهب ادهم الى بيتهم وينزل اسر ويودع ليله ويركب سيارته فهو قد تركها اسفل منزل ليله ويصعد ليله وادهم الى المنزل
ليله: انا هطلع ارتاح انا مش قادره خالص
ادهم: ماشى يالولو مش عايزة حاجه
ليله: لا يا ادهوم وتصعد ليله الى غرفتها ويدخل ادهم الصالون فيجد خالته وزوجها يجلسون يشاهدون التلفاز فيقرر ادهم انه سوف يقول لهم ما حدث فهذا حقهم فهم والديها
خالد: اتاخرتو كده ليه يابنى قلقتنا عليكم
وفاء: مالك يا ادهم حصل حاجه
ادهم يجلس امامهم بحزن: الصراحه ياخالتى ليله اغمى عليها وروحنا المستشفى
وفاء بشهقه: ايه وهى كويسه هى فين؟
ادهم: اهدى ياخالتو هى كويسه وطلعت اوضتها عشان تنام
خالد: اومال فى ايه
ادهم: الدكتور عملها فحص شامل وطلع عندها ضعف فى عضله القلب ولازمها عمليه ضرورى وممنوع عنها الضغط العصبى او النفسى ومش هينفع تتجوز عشان مش هتتحمل اى مجهود من بتوع الحمل والولادة
وفاء ببكاء: بنتى انت بتقول ايه
خالد وقلبه يتاكل من الخوف على صغيرته: اللهم انى لا اسلك رد القضاء ولاكنى اسالك اللطف فيه
ليسمعو صوت تكسير ياتى من الخلف وينظروا جميعهم فيجدو ليله تقف ويديها ترتعش وتحت اقدامها ابريق الماء الزجاجى قد تحول الى اشلاء
قبل دقائق بغرفه ليله كانت بدلت ثيابها الى اخرى مريحه
وذهبت الى سريرها حتى تنام ولاكن شعرت بالعطش الشديد فنزلت الى الاسفل كد تملئ ابريق الماء الخاص بغرفتها فهى وجدته فارغ واثناء مرورها من امام غرفه الصالون استمعت الى حديث والديها مع ادهم
عودة الى الوقت الحالى
ليله بدموع: اللى انا سمعته دا بجد انا عندى القلب؟؟؟
خالد يذهب لها ويحتضنها: اهدى يا عمرى ان شاء الله هتكونى بخير وهتعملى العمليه
وفاء تاخذها بحضنها: ربنا هيحميكى ليا انا متاكده هتعملى العمليه اللى الدكتور قال عليها وتبقى بخير
ليله تبتعد عنها وتصعد الى غرفتها بهدؤء
ادهم: سيبيها ياخالتو هى دلوقتى مصدومه وعلى الصبح ان شاء الله هتكون هديت ونتكلم معاها
وفاء: يارب احفظهالى مليش غيرها يارب
خالد: تعالى نطلع ننام دلوقتى وبكرة ان شاء الله هتكون هديت ونتكلم معها ونروح للدكتور يقولنا حالتها ايه
وياخذها ويصعد الى غرفته ويصعد ادهم ايضا الى غرفته حتى يرتاح دخل ادهم غرفته وبدل ثيابه واتجه الى السرير كى ينام ليجد من يفتح الباب ويدخل الغرفه وينام بجوارة فيفتح الضوء لبجدها ليله
ليله بهدؤء: عايزه انام فى حضنك انهاردة
ادهم بحنان: تعالى ياروحى ويحتضنها ويغلق الاضواء ويغطوا معا بنوم عميق
بالصباح تستيقظ ليله فتجد نفسها بغرفه ادهم بتقوم وتتجه الى غرفتها وتبدل ثيابها ملابس خروج 
وتتزل الى الاسفل فتجدهم يجلسون على طاوله الافطار فتجلس بصمت على غير عادتها
خالد: بلاش جامعه انهاردة يا لولو وانا كلمت دكتور صاحبى واخدت منه معاد عشان نروح له وهنروح بعد الظهر كده
فتؤمى له ليله بصمت وتصعد مرة اخرى الى غرفتها
وقامت بتبديل ثيابها مرة اخرى الى ملابس منزليه ودخلت الحمام وتوضأت وذهبت كى تصلى وتشكى همومها الى الله بعد فترة انتهت ليله من صلاتها تحت بكائها فى كل سجده تسجدها لله عز وجل وذهبت الى سريرها كى تنام
بعد ساعتين تستيقظ ليله على صوت والدتها
وفاء: يلا يا حبيبتى البسى عشان نروح للدكتور
ليله: حاضر يا ماما وقامت وذهبت بتجاه الحمام تحت دعاء وفاء لها
خرجت ليله من الحمام فوجدت والدتها قد نزلت الى الاسفل فتجهت الى الدولاب تخرج منه ملابس لها وقد عزمت امرها على ان تترك زمام الامور الى الله عز وجل فهو قادر على شفائها من كل مرض ارتدت ليله
ونزلت الى الاسفل وهى تبتسم
ادهم: ايه القمر اللى نازل دة
ليله: هقول لملك انك بتعاكسنى
ادهم: يا سلام هخاف انا كده
ليله: والله طب استنا اتصل اقولها
ادهم: ايه ايه انتى صدقتى يلا عشان اتاخرنا على الدكتور وخالتو وعمو خالد سبقونا على العياده
ليله: يلا ناس مش بتيجى غير بالعين الحمرا
ادهم بغمزه وهو يقصد ملك: الخضرة وحياتك
ويذهب ادهم وليله الى الدكتور ويخبرهم ان حالته ليست متاخرة كثيرا لاكن يجب عليهم فعل العمليه فى اسرع وقت حتى لا تتدهور حالتها وقامو بتحديد موعد العمليه بعد شهر وان نسبه نجاح العمليه كبيرة وتعود ليله معهم الى المنزل وهم فرحين ان ابنتهم يوجد لها علاج
بغرفه ليله تتحدث مع اسر على الهاتف وتحكى له عن مرضها وماقاله الدكتور
اسر: متقلقيش ياحبيبتي هتبقى بخير وهتطلعى من العمليه كويسه
ليله: ان شاء الله
اسر: طب معلش يا ليله هقفل معاكى فى مكالمه مهمه هعملها واكلمك تانى
ليله: ماشى ياحبيبي وتغلق معه فتجد من يقتحم عليها الغرفه
ملك: بقا ياحيوانه يا عرة الصحاب اعرف اخر الناس انك تعبانه وادهم اللى يقولى مقولتليش ليه
ليله: اهدى بس كل حاجه حصلت بسرعه
ملك بدموع: انتى مش متخيله انا حسيت بايه لما عرفت انك تعبانه
ليله: اهدى بقا يا ملوكه انا بخير قدامك اهو وهعمل العمليه وان شاء الله خير
ملك بدعاء: ان شاء الله هتبقى كويسه وتكمل اسر عرف
ليله: اه لسه مكلماه اهو وقلتله
ملك: وقالك ايه
ليله: فضل يقول هتبقى بخير وهتخرجى من العمليه كويسه وبعدين قالى عندى مكالمه مهمه هعملها وارجع اكلمك
ملك: تمام
ومر اسبوع تحت كشف ليله الدائم وخضوعها لعده اشعه وفحوصات واختفاء اسر وعدم تمكن ليله من الوصول له
بعد اسبوع اختفاء يتصل اسر على ليله ويطلب مقابلتها فتستئذن من والدها وتنزل كى تقابله فى احدى الكافيهات
تصل ليله وتجده يجلس على احدى الطاولات فتتجه نحوه بغضب: ممكن اعرف كنت فين بقالك اسبوع بحاول اوصلك وقافل موبايلك ليه
اسر ببرود: اقعدى الاول
فتجلس ليله على مضض: ادينى قعدت اتفضل قول بقا كنت فين
اسر وهو يخلع خاتم الخطبه من اصبعه ويضعه امامها: اتفضلى انا كلمتك عشان اديكى دا
ليله بذهول: نعم تدينى خاتم الخطوبه ليه
اسر بنداله: بصى من الاخر كده انا مش هكمل مع واحده الله اعلم هتعيش ولا لا وكل شويه اشعه وتحاليل ودكتور ومستشفى وقرف انا مش بتاع الجو ده
ليله بصدمه: انت بتقول ايه
اسر بنداله: لا ركزى معايا كده انا اصلا محبتكيش انا اول ماشوفتك عجبتينى ودخلتى دماغى الصراحه حاولت اقرب منك اكتر من مرة بس لقيتك عامله الخضرة الشريفه قولت خلاص مفيش غير الجواز و اهو حلو بردو اتجوزك شويه ولما اخد اللى انا عايزة و ازهق منك اطلقك بس انتى دلوقتى لا نافعه للجواز ولا نافعه انك تعيشى اصلا وانا لقيت واحده تانيه انما ايه صاروخ تحل من على حبل المشنقه يعنى خلاص مبقتيش تلزمينى يلا كفايه عليكى كده خدتى من وقتى كتير ويترك ليله فى صدمتها ويذهب
ليله بصدمه وهى تمسك خاتم الخطبه الخاص به: ••••••••••
👑انتهى الفصل👑
بقلمى هاجر محمد النجار 🌹

تفاعل بقا وكومنت فى رايكم عشان اكملها ♥♥🥰🥰🥰🥰🥰🥰🥰🥰🥰🥰🥰🥰🥰🥰