عشقت ليله

حلقه خاصه ٢♥

#عشقت_ليله
#هاجر_النجار
#حلقات_خاصه
#رقيه_جاسم

حلقه جاسم ورقيه يلا نبدا ♥

بشركه ابو الدهب للازياء والموضه الكل يعمل على قدم
وساق فاليوم سوف يأتى الى الشركه الشريك الجديد حتى يمضى العقود ويتأكد من تحضيرات عرض الازياء المقبل الذى سيقام بعد يومين

___________________________________________________________________هاجر النجار ♥
بمكتب جاسم يجلس جاسم ومعه رقيه يراجعون الاوراق  والعقود وهم فى كامل استعدادهم لمقابله الشريك الجديد
منى السكرتيره: الشريك الجديد وصل يافندم
جاسم: تمام دخليه يامنى
منى: حاضر يافندم وتخرج
رقيه: طيب انا هروح اصور نسخه من العقد تكونو اتفقتو
جاسم: ماشى بس بسرعه
رقيه وهى تخرج: حاضر

تدخل منى مره اخرى وخلفها رجل طويل وسيم ذو اعين زرقاء وشعر اشقر ويغلب على ملامحه الملامح الاوربيه
منى: سليم بيه يافندم
ينهض جاسم حتى يرحب به: اهلا اهلا يا جاسم بيه
سليم: اهلا بيك ياجاسم بيه
جاسم: اتفضل حضرتك.... تمام اتفضلى انتى يامنى وابعتى مدام رقيه
منى: تحت امرك يافندم وتخرج وتغلق الباب خلفها
جاسم: نورت مصر يا سليم بيه
سليم: مصر منوره باهلها ياجاسم بيه
جاسم: نتكلم بقا فى المهم احنا طبعا اتفقنا على كل حاجه وعلى البنود اللى هتكون موجودة فى عقد الشراكه فاضل بس تمضى العقد ونسجله فى الشهر العقارى وبعدها تقدر تعدى على كل الاقسام وتتابع تحضيرات العرض الجديد

سليم: يشرفنى انى ابقا شريك معاك
جاسم: الشرف ليا
تطرق رقيه الباب وتدخل
رقيه: الورق جاسم...
يقاطعها سليم وهو ينهض ويقول بتفاجاؤ: رقيه... مش معقول
رقيه بعدم استيعاب: سليم...
سليم بضحك يحتضنها: وحشتيني ياروكا
رقيه بضحك هى الاخرى: وانت والله ياسلوم
جاسم بعصبيه: فى ايه انتو تعرفو بعض
رقيه وقد تذكرت وجود جاسم فقالت بارتباك: جاسم دا.
فقال سليم: طبعا اعرفها انا ورقيه متربيين مع بعض
جاسم بهدؤء ماقبل العاصفه: اه... قولتلى متربيين مع بعض
رقيه بتوتر: اه كنا جيران
سليم: مش بس كده تعرف ان انا ورقيه واحنا صغيرين كنا بنحب بعض
تشرق رقيه وتكح بصدمه: كككككككحححح
جاسم وهو يجز على اسنانه: سلامتك.... كنتو بتحبو بعض بقا
رقيه بسرعه: كنا.... كنا اطفال بقا دا كلام عيال
سليم: بس تعرفى شكلها اشاره ان احنا نتقابل تانى انهارده يمكن دى اشاره عشان نرجع مع بعض تانى
جاسم: اه وماله ما تجربو.... تانى يمكن فى فرصه
رقيه بسرعه: هو انا مقولتش ليك
سليم: قولتى ايه
رقيه وهى تريه الدبله بيدها: متجوزه... انا متجوزه
سليم وهو يمسك يدها ويرى الدبله: ياخساره يعنى مفيش امل تتطلقى من الحيوان دا
جاسم يتجه اليه ويبعده عنها بقوه ويلكمه بشده: كمان هى وصلت لتطلقها كمان ياحيوان
رقيه وهى تحاول ابعاد جاسم عن سليم: خلاص ياجاسم اهدى هو ميقصدش
سليم وهو اسفل جاسم ويلهث من شده الضرب ويحاول مقاومه جاسم بكل الطرق
سليم بالم: ابعد عنى انت اتجننت
رقيه وهى تسحبه بصعوبه: خلاص بقا ياجاسم
ينهض جاسم من عليه وهو يلهث من شده الانفعال: عارف يا حيوان انت لو شفتك تانى هقتلك
سليم وهو ينهض بالم وهو يمسح الدم الذى ينزل من انفه: انت اكيد مجنون... ويوجه حديثه لرقيه انتى تعرفى الهمجى دا منين
جاسم بعصبيه يتجه اليه يحاول ضربه مره اخرى لاكن توقفه رقيه: اهدى ياجاسم
جاسم بعصبيه: انتى تخرسى خالص سامعه....  وانت يازباله مفيش شراكه ولا زفت ولو شفتك فى مكان تانى وحياه امى لاقتلك
سليم: انت مش معقول....انا عملتلك ايه.... ايه الهمجيه دى.... انت مين انت عشان تمد ايدك عليا انت متعرفش انا مين
جاسم بنفعال: انا الحيوان اللى عايز تتطلقها منه
سليم بذهول: جوزها.... وينظر الى رقيه دا جوزك بجد
جاسم بعصبيه: بتبصلها تانى طب يلا بقا ويتجه اليه ويمسكه من ملابسه من الخلف ويسحبه بقوه ويخرج به من المكتب وسط همهمات الموظفين عليهم وصل جاسم لمخرج الشركه وقام بدفع سليم للخارج

جاسم: بره اياك اشوفك هنا تانى
سليم بانفعال: مش هسيبك وهندمك على اللى عملته دا
جاسم ببرود: اللى عندك اعمله
سليم:  هيوصلك الرد على اللى عملته دا قريب قوى بس مترجعش تندم بقا
جاسم وهو يدخل: يلا يالااا من هنا
___________________________________________________________________هاجر النجار ♥
ويدخل الى المكتب مره اخرى فيجد رقيه تجلس بتوتر وعندما تراع يدخل و وجهه يعبر عن كميه الغضب الذى يكبته
رقيه بسرعه: والله ياجاسم ما فيه حاجه انت فهمت غلط
جاسم وهو يرفع اكمام قميصه لتكشف عن ساعديه القويتين: اه ما انا عارف انى فاهم غلط ويقترب منها
فتتراجع رقيه الى الخلف: فى ايه... بص اهدى كده احنا فى الشركه... اهدى بس وانا هفهمك
جاسم وهو يقترب منها: اه ما انا هفهم اهو
تركض رقيه بسرعه من امامه فيركض خلفها وهو يصيح: اقفى احسنلك يارقيه
رقيه وهى تدور حول الطاوله الكبيره الخاصه بالاجتماعات: هو انا هبله عشان اقف
جاسم وهو مازال يركض خلفها: لا دا انتى ست العاقلين.... وهتتعاقبى بردو
رقيه بتعب: كفايه بقا ياجاسم والله تعبت
جاسم: تعبتى دا ايه هو احنا لسه عملنا حاجه
رقيه بدوار: لا بجد مش قادره
جاسم: لو بتعملى كده عشان متتعقبيش ف احب اقولك وفرى مجهودك هتتعقبى بردو...
يقاطعه سقوط رقيه ارضا مغشى عليها
يركض اليها جاسم بسرعه: رقيه.... رقيه انتى كويسه ردى عليا.... لو بتعملى كده عشان اسيبك فخلاص قومى لاكنه لم يجد اى استجابه منها فحملها بسرعه واتجه بها بسرعه الى السياره و وضعها بالخلف وقاد بسرعه باتجاه المشفى وهو ينظر عليها بقلق ___________________________________________________________________هاجر النجار ♥

بعد فتره وصل جاسم المستشفى وثام بادخال رقيه الى غرفه الطوارئ واجرت الطبيبه الكشف عليها وهو يقف بجوارها

جاسم بقلق: ها مالها يادكتوره هى كويسه
الدكتوره بابتسامه: متقلقش هى كويسه
جاسم: اومال دا من ايه
الدكتوره: مبروك المدام حامل
جاسم: مالها يعنى. يادكتوره
الدكتوره: بقول لحضرتك المدام حامل
جاسم بعدم استيعاب: يعنى المرض دا خطير ولا ايه
الدكتوره بنفاذ صبر: هو فى ايه حضرتك بقولك المدام حامل ركز معايا مراتك حامل
جاسم بصدمه: حامل.... حامل ازاى
الدكتوره وهى تخرج من الغرفه بضيق وهى تقول: ربنا يعنها عليك دا ايه دا
استوعب جاسم كلام الدكتوره اخيرا ونظر الى رقيه بفرحه كبيره تظهر بوضوح على وجهه
بدات رقيه ان تفيق: اه انا فين
جاسم وهو يجلس بجوارها: انتى معايا ياروحي الف مبروك ياقلبى
رقيه: مبروك على ايه
جاسم بحب: انتى حامل ياقلبى
رقيه بدموع: بجد
جاسم بحب: بجد ياروحى
تضمه رقيه وهى تحمد الله بداخلها على نعمته
رقيه: لازم اكلم البنات واقولهم
جاسم: ماشى ياروحي وانا هاخد اذن بالخروج من الدكتوره على ما تكلميهم
رقيه: ماشى
يخرج جاسم من الغرفه ويترك خلفه رقيه التى تجلس على السرير والابتسامه لا تفارق وجهها وهى تحمد الله على نعمته وقامت بالاتصال على الفتيات واخبرتهم وفرحوا لها كثيرا وباركو ليها واخذها جاسم وعادو الى المنزل لتبداء مرحلة جديده فى حياتهم معا

👑انتهت الحلقه👑

بقلم هاجر النجار
اتمنى تعجبكم يلا بينا على اللى بعدو 😂♥