عشقت ليله

حلقه خاصه ١♥

#عشقت_ليله
#هاجر_النجار
#حلقات_خاصه
#مالك_سهى

وهبا رجعنا ليكم 😂 جايلكم بقا انهارده باربع حلقات خاصه يارب يعجبوكم ♥ ونبدا بقا مع مالك وسهى

___________________________________________________________________هاجر النجار ♥

فى منزل مالك وسهى يستيقظ مالك على صوت مشاجره بين حمزه ابنه وسهى فينهض من السرير ويتجه اليهم
مالك: فى ايه على الصبح كده طب قولو صباح الخير
سهى بعصبيه: صباح النور..... تعالى شوف ابنك دا عشان انا تعبت معاه
مالك: ايه ابنك دى هو ابنى لوحدى
سهى: معرفش اتصرف معاه عشان انا جبت اخرى قال ايه عايز اخرج... عايز اشم هواء .... خرجونى.... ولا اكننا حابسين الواد بين اربع حيطان..... اقول طيب ياحبيبي يوم الجمعه هخلى بابا هيخرجنا يقولى لا.. عايز اخرج دلوقتي... صاحى من النوم طالع عليه عفريت عايز اخرج....

مالك: طب اهدى بس كده وسيبهولى
سهى وهى تتجه للمطبخ: اهو عندك اهو اتصرف معاه
مالك بهدؤء بعد ان ذهبت سهى: فى ايه يامعلم مضايق ماما ليه
حمزه صاحب الخمس سنوات: قولتلها عايز اخرج مش راضيه
مالك: طيب ماهى قالتلك يوم الجمعه هنخرج
حمزه بحزن: بس انا كنت عايز اخرج انهارده.... انا زهقت من القعده فى البيت طول اليوم يا بلعب على الموبايل يا بتفرج على التليفزيون على طوول كده من اول ما الاجازه بتاعتي بدأت
"اللهم مشكله زى دى 😂 احمد ربنا يابنى دا احنا طالع عينا هنا 😂"
مالك بتفكير: طب ايه رايك تيجى معايا الشركه انهارده
حمزه بفرح: بجد يا بابا ينفع اجى معاك
مالك: ايوا ينفع بس لو اتاخرت هسيبك وامشى
حمزه بسرعه: لا انا هروح البس اهو ويركض بسرعه الى غرفته
فيتنهد مالك ويتجه الى المطبخ

مالك: هاخده معايا الشركه
سهى: بس كده هيتعبك ويعطلك عن الشغل
مالك: لا متاخفيش... بس متبقيش عصبيه معاه كده
سهى: والله انا كنت هاديه معاه وبكلمه براحه بس من كتر زنه عصبنى وخرجت عن شعورى
مالك: معلش ياحبيبتي... يلا جهزى الفطار وشوفيه لبس ولا لا على ما اروح اللبس انا كمان عشان متاخرش
سهى: ماشى ياحبيبي

خرج مالك من المطبخ واتجه الى غرفه النوم كى يستعد للذهاب الى العمل وانهت سهى اعداد الفطار واتجهت الى غرفه حمزه حتى ترى ماذا فعل.....

بعد فتره انتهى مالك وحمزه من ارتداء ملابسهم وجلسوا جميعا على طاوله السفره حتى يتناولو طعام الافطار
سهى: بردو هتاخده معاك
مالك: مش مشكله اهو يوم هيغير جو
سهى: ماشى
مالك: هتعملى ايه انهارده
سهى: ما انت هتاخد حمزه معاك وانا ممكن اروح اشوف ليله وملك شويه
مالك: ماشى ياحبيبتي بس متتاخريش
سهى: حاضر
مالك وهو ينهض: يلا يابطل
حمزه بحماس: يلا يا بابا
مالك بتحذير: بس هتفضل قاعد هادى ومتعملش دوشه
حمزه: حاضر هفضل ساكت ومش هعمل حاجه
مالك وهو يتجه الى باب الشقه: شطور يلا ياحبيبي ويذهب
سهى بذهول: دا ايه يا واد الادب اللى نزل عليك مره واحده ده
حمزه:اسكتى عشان المصلحه تمشى
سهى بصدمه: مصلحه
حمزه: اه يلا سلام يامزه ويركض الى الخارج حتى يلحق بوالده
سهى بعد ان خرج: دا ايه الواد دا.... دا بيقولى يامزه.. ياخساره تربيتى فيك... تربيه ايه هو انا ربيت اصلا