:زيييااااااااااااااااادددد
جا يجري بعد سمع صوت مراته المعصبه وبعد خش وشاف المنظر انفجر ضحك
التفتتله اسيا الي جبهتها حمرا من العصبيه وهي عاقده حواجبها
وبعدين شافت ل بنتها الي كاسره دحيتين على فرشة المطبخ وتشوف ل امها ببلاها ما كأنهاش دارت شي
اسيا حطت ايديها على خصرها ومازالت تراجي في راجلها يكمل ضحك وهو مطبس ووجه قعد احمر
اسيا قلبت عيونها وشافتله :مازلت مطول انت ؟
زياد هدا ضحك شويه وشافلها :ضحكني شكل وقار وهي تشوفلك
اسيل شافت للفرشه بحسره
ما نقدرش تضرب بنتها لأنها ما تعودتش تمد يدها على صغارها وثاني شي بنتها دوبها سكرت السنتين يعني صغيره مش فاهمه
مش خذت مجموعه اوراق ومناديل وحطتهن ع الدحي ورفعاته ولفت الفرشه وهي تستغفر في سرها
"العاده هذي اسيا تعودت عليها وقعدت ملازمتها من بداية حياتها الزوجيه لقت راحتها فيه ووقت تستغفر تحس المسؤليه تخف عليها شويه ليها سبعه سنين متزوجه وقعدت حامله مسؤليه طفلين سالم ووقار وتربيتهم "
حست روحها هدت حطت الفرشه على جنب وغسلت ايديها وطبست رفعت بنتها وطلعت عشان تغيرلها واديرلها شاور بعد ما دبشها خذا نصيب من الحوسه الي دارتها
زياد قعد يشوفولها لعند اختفت عن عيونه وهو مبتسم
مرتاح في حياته مع اسيا لقى فيها الزوجه والأخت والأم والسند لقى عيلته فيها زوجه متفاهمه لأبعد حد وفوق الحب الي يحبها لها الا انه محترمها لشخصيتها "
خش ولده الي كان في الجامع يحفظ في القرأن
سالم : السلام عليكم
زياد ابتسم :وعليكم السلام ورحمة الله
سالم جا قمعز جنب بوه
زياد : ها بابا شنو سمعت كويس اليوم
سالم : اها الحمدلله ومازال سوره ونكملو جزء عامه
زياد ابتسم وباس راس ولده :براوا على ولدي ربي يباركلك في عمرك وطريقك
سالم ابتسم :امين يارب
"سالم رغم طفل عنده سبعه سنين الا انه كأنك تحكي مع راجل في الثلاثين عقله رازن كلامه موزون واخذ الروح المرحه من امه والشبه يشبه جد امه واجد "الحاج سالم " دخلاته اسيا تحفيظ القراءن ومعهد رسم عشان ينمي موهبته الي اكتشفوها من هو وصغير الي جانب نادي كورة القدم "
صبى سالم :امي وين؟
زياد ضحك لما اذكر شكلها من شويه
وولده ضحك لضحكه باته وعقد حواجبه ب استغراب :شن صاير ؟
زياد :وقار ك العاده
سالم ضحك بصوت عالي وخبط جبهته : ما تقولش دحي اخرى
زياد ضحك وهز راسه
سالم يضحك :البنت شن قصتها مع الزفره
على خشة وقار تجري ووراها اسيا
وقت شافوها طربقو ضحك هما الأثنين ووقار تشوفلهم وتضحك معاهم ومش فاهمه
اسيا ضحكت على جنب ومشيت للمطبخ
...........................................................
وصلت ل حوشها نزلت وفتحت الباب ل توئمها وولدها الثالث الي اول يوم له في المدرسه ونازل ويمشي بعصبيه
وسن ضحكت
وخوته ضحكو عليه
فتحت باب الحوش وكل واحد خش داره عشان يبدل دبشه شويه وسمعت صوت الباب انفتح وبان عليها راجلها
رياض : السلام عليكم
وسن :وعليكم السلام
رياض : هذي الخشه ؟
وسن : اي اليوم عندهم تدريب هذا ليش تأخرو في المدرسه
رياض :مش عارفه وين طلعو بيها قصة المسرحيه هذي
وسن :كويسه النشاطات هذين في المدرسه تحبب الطالب فيها وما تبقش نفس الروتين
رياض :هي قولتك
رفع عيونه وشافلها :شن جو همام في اول يوم
وسن قمعزت وضحكت :خاش وهو قارن حواجبه ونسألو فيه ما يردش علينا بكل هههههههه وخش لداره وخبط الباب
رياض ضحك :العيل هذي مش عارف طالع ل من معقد هكي
وسن ضحكت وشافتله على جنب :مش عارفه
رياض عقد حواجبه : ما تشوفيليش هكي ما وصلتش درجة ولدك بكل
ووسن تضحك وبس
................................................
قمعزت بتعب بعد طلعت الحاله الي كانت تركبلها في سن
ريناد بتعب رفعت سماعة الفون الي جنبها :خلي ربع ساعه بريك وجيبيلي كابتشينو وشوكلاطه
سكرت بعد سمعت رد الي على الفون
حطت ايديها على جبهتها وقعدت تفرك فيها من الصداع الي تحس بيه
رن فونها العادي شافت ل المتصل ابتسمت وردت
على video call
وهي تشوف ل بناتها الثلاثه
هنا نفس الوقت :ماما
ريناد : يا حبايب ماما روحتو
وحده من بناتها :اي توا بيش خشينا
بنتها الثانيه :امتى مروحه
ريناد :ساعه هكي وجايه حشو بدلو دبشكم وديرن شاور وارقدن بعد نجي تو انوضكن باهي حبيباتي
هنا الثلاثه :حاضر ماما
ريناد :خوكن وين
البنات وجهن الكاميرا عليه وهو راقد
ريناد ابتسمت :هي حبيباتي طفن الضي على خوكن وديرن الي قلتلكن عليه عشان نجيبلكن حاجه حلوه معايا
البنات : حاضر ماما سلام
سكرت ريناد على طقت الباب
ريناد : تفضل
خشت السكرتيره وحطت الي طلباته
ريناد ب ابتسامه :شكرآ سعاد
السعاد : العفو ولو دكتوره
طلعت وسكرت الباب وريناد قعدت تشرب في الكابتشينو وبهدوء
"ريناد استقرت حياتها بعد قصة حب حلوه شهدتو عليها كلكم وتو عندها ثلاث بنات زي الملاك وولد وشجعت رياض على انه يفتح افرع برا ليبيا وفعلآ فتح قناتين وحصل نجاح كبير"المرا الداعمه رزق 🤍"
...................................
طلعت وهي تلف وهو شافلها ب انبهار وسعاده وهي شافتله وابتسمت
انتظروني في بارت ثاني على حياة ابطالي.🤍🤍🥺
هي قولولي رايكم درتها على خاطركم 🥺🥺
كاتبكم الي تحبكم :اسيل محمد 🤍
أنت تقرأ
مجنونه ومجننتهم🤍
General Fictionروايهه تتكلم علي بنت عايشه حياتها في غنى ورخاء. عائلتها عيله كبيره ومعروفه وليها وزنها في البلاد حياتها حلوه وهاديه علاقتها بجدها علاقه قويه.. روايه تتكلم علي الصحبه الحقيقيه... وتتكلم.. العيله وترابطها علي الصبر والايمان وه تصير اشياء واجد..تغير...
