مجنونه ومجننتهم🤍

(البارت الثالث والاربعون)

        البارت الثالث والاربعون 💙

روايه/مجنونه ومجننتهم💙

للكاتبه/اسيل محمد 💙👑🔥

علنو ع طيارتنا..وخشينا..وركبنا..الطياره.ومن سخريه القدر...رقم كرسي جنب  زياد.وما نقدرش نبدل..لأنه الطياره مليانه.ومافيش كرسي فاضي

قمعزت ع الكرسي.ووزياد هو يشوفلي.

انحرجت وفتحت السماعات..وطلعت تابلت وخشيت ع برنامج. القرآن. المسموع. بصوت السديسي..

ونا من جهه الروشن..... قعدت نسمع ونا مغمضه عيوني... لعند حسيت بحركه غريب..

.
فتحت ععيوني وكانت الصدمه

لقيت وجهه زياد لونه اسود.. ومش قادر ياخذ نفس..وماسك فمه...كأنه ما يبينيش نحس عليه..

انا قلبي قعد يدق بقوه.. وخفت.عليه.. فكيت.. الحزام... الي من الربكه.. قعدت نبربش. فيه لعند انفتح... ونزلت امتاعت الاكسجين... وطلعت الكيس...

انا.حطيت الكيس قدامه: بسرعه...رجع"  حشا القارئين "عشان تتنفس بسرعه..

زياد حول ايده وقعد يرجع... "حشا القارئين"

انا بعفويه حطيت ايدي ع ظهره..وهو مطبس ..وبعد هدا.. مديتله. شيشه ميه وكلينكس..

خذاهن وهو مازال مش قادر. ياخذ نفس شرب. من الميه ومس فمه وايديه..

مديتله الاكسجين...: حطا شكله. يجيك ديما. ضيق التنفس وقت تطلع الطياره.

ابتسم وحط الاكسجين ع فمه... وقعد يتنفس... ونا نشوفله. وساكته...

ما ننكرش اني خفت عليه.... وحسيت بشعور اخي.. بعد شفت شكله... وكيف مخنوق... يمكن خفت نخسره...

طردت الافكار هذي من راسي.. لالا يا اسيا طبيعي بعد تشوفي حد.. تعبان اكيده تساعديه. ما عندكش. مشاعر اتجاهه..

سكتت وقعدت نشوف للتابلت.. ونحاول نلهي روحي ب اي حاجه.. عشان نهرب من افكاري.. الي يخالفن.. قوانين نفسي.. وحدودها الي حطتهن... مستحيل. اني نحب اي شاب.. لأنهم كلهم كذابين وخوانين... هذي فكرتي عليهم  وه تبقى.. فكرتي هكي. ل عند.. ما نموت. عندي. طموح اكبر. من اني. نحب شخص ونفكر فيه.. ونبكي لو تغير عليا. والا تعاركت معاه.. حاجات. تافهه. وانا القويه الي مستحيل  تضعف بسبب شخص..

شفتله: كويس. توا

زياد ابتسم. وشافلي وهو يرد في ماسك الاكسجين  : الحمدالله. شكرآ..

انا بكبر : العفو.. اي حد مكانك كنت ه نديره. هكي

زياد ابتسم.ومسك فونه..وقعد يبربش فيه..

وانا.كذلك.... فتحت التابلت وقعدت نسمع في قراءن ونتفرج ع ليبيا من فوق..

محلاها ومحلا شكلها..من فوق....يمكن مش كلها خضراء زي الدول الاجنبيه..ولا كلها بحر ومحيطات.ومناظر  خلابه.الا انها تبقى ليبيا..هي ليبيا.بجمالها وجمال شعبها.البسيط وبعاداتها ولهجاتها المختلفه بين شرق وغرب وجنوب شحات واثارها...صبراته ومعالمها..سوسه وبحرها..اجدابيا والقصر الفاطمي بنغازي وجمالها طرابلس والسرايا.سبها وناسها...البيضاء.وعراقتها سرت.وعاداتهم وتقاليدها.وفخرها كل مديته تتميز في ليبيا..في كل.شي...شعب.بسيط عنده ثروات كبيره.مش مستفيدين منها صح..لاكن ابقى ليبيا بلد المليون حافظ كتاب الله بلد المسلمين.الدوله.المسلمه.الي مافيهاش تنوع.ديانات.كلهم مسلمين..الليبين بعد كل الي شافوه.الا انهم في بلادهم وموطنهم ما ننكرش الناس الي هاجرو..بس.هذي تعتبر قله وطنيه نعتبرها شن بتحصل منها الهجره..اجانب يذلوك ويعاملوك.معامله.دونيه.تبقى تغسل مواعين في مطاعمهم..تبيع بلادك واهلك وناس وجيرانك لو كل ليبي..يبني طوبه وحده.بس.. عشان خاطر بلاده ه.تشوفو ليبيا..هذي..جنه...وزي ما قال حسين الجسمي #يا ليبيا يا جنه.  💙💙
بقلم/اسيل محمد.👑🔥