مجنونه ومجننتهم🤍

(البارت62)

البارت الثاني والستين 💙🔥

روايه/مجنونه ومجننتهم 💙

للكاتبه/اسيل محمد.

‏ما ‎عمرهن يا عمرهن النظار ملن منك

طول عمرهن يا عمرهن إيفيضن ‎غلا يبنك

يا ‎ضيهن يا اصبيهن خايف ‎عليهن منك

يا‎جفنهن يا رمشهن تبعد عليهن كنك

يا فرحهن في دمعهن محبوبهن سمنك

اسلملهن تسلملهن بالكون هن ‎وازنك

#زياد&اسيا ❤

بطلتنا. عاشت قصه حب..وهي ما كانتش.. تأمن بيه..ما كانتش تصدق. قصص الحب الي تسمع فيهن والا الي تقرى فيهن في الروايات.. بس جاها.. الفارس الي خلاها تعشقه.. بسبب وده. وحبه..بسبب حنيته. وقلبه الي ما فيش. كيفه واهتمامه.. كلهن.. اشياء..تزرع في الذات من. جوا شعور حلو..وهذا  الشعور الي انزرع في قلب اسيا.

مقمعزه تشوف للساعه الي جابها لها هديه..وموصي عليها مخصوص ليها.

حطت سبابتها وقعدت تمشي فيها ع العدسه الي منقوش عليها اسمها واسمه.ومتداخلات مع بعضهن بطريقه حلوه .. ب خط الرقعه.. تذكرت

فلاش باك.

طلعو من محل الأحذيه بعد اختارتله كم حذاء..

زياد. مسك ايدها: تعالي دايرلك. مفاجئه.

اسيا ابتسمت.: شنو هي.

زياد: يعني.ه تبقى مفاجئه لو. قلتلك عليها. تعالي بس. تعالي.

قعدو يمشو لعند خشو محل ذهب.. زياد. يسلم. على. صاحب المحل. وكلهم يرحبو بيه وكأنهم يعرفوه من سنين...

اسيا: زياد. راهو انا ما نحبش الذهب...

زياد. ابتسم: عارف ما تحبيش تلبسيه لاكن ه تعجبك الي ه تشوفيها.

اسيا سكتت..وقعدو واقفين. يراجو في صاحب المحل يطلعها لهم.
.
جا صاحب المحل وهو مبتسم: جاهزات. من امس.

زياد: قبل بنجيك امس. لاكن انشغلت

فتح الراجل العلبه.

واسيا. قعدت تشوفلها بصدمه.. وانبهار.. هي تموت في حاجه اسمها ساعات..

الراجل مشى من جنبهم.

زياد. شافلها: ها شن رايك

اسيا تتكلم وتحكي ب ايديها: تتجنن.خياليه.. تصميمها بسيط.. وحلو... قصدك موصي. عليها انت

زياد. ابتسمت: موصي عليها. من شهر..بنفاجئك. بيها..

اسيا: تهبل. وربي. هي

زياد: الحمدالله.. عجباتك..

اسيا: اول مره. نشوف زي تصميمها الصراحه. مع اني.. نموت في شي اسمه ساعات..