مجنونه ومجننتهم🤍

(الرابع والاربعون )

البارت الرابع والاربعون💙😍

روايه/مجنونه ومجننتهم 💙

للكاتبه/اسيل محمد.

الكل يسأل فيا.. امتى نهايه الروايه...انا مش محدده الحلقات..انا راسمه الاحداث في راسي. ب ترتيبها وتسلسلها مانبيش نستعجل فيها..وتاخذ نهايه لا ترضيني ولا ترضيكن.❤❤

اشرقت. شمس. محبه.. تجدد. تفائل وحب الكل... الكل متريح.. وفتح عيونه ع يوم جديد..اموره ماشيه.. حواليه يحبهم..

الكل في دواماتهم معادا امتاعين المدارس..مازالو معطلين..

بس في . الي خذت عطله عشان راجلها عازم هله. ع الغداء..

رابطه. قوس وردي . فوق راسها وخصلات بسيطه نازله. ع عيونها..كان شعرها.رجع ل لونه الحقيقي.. الكستنائي الداكن... اللون.الي متميزات بيه الخوات الثلاثه مع امهن ...

خش سهم وشافها..وهي تحشي في البطاطا امبطنه ب ابتسامه.. رغم. كل المساؤ للي داروها هله... والاذيه ب الكلام والتصرفات الا انها عمرها ما شكت منهم. ليه..والا غلضت قلبه اتجاهه امه وخواته..تقابلهم ب الضحكه الحلوه..وتعطيهم القدر. ب الزايد عمرها ما ردت ب كلمه.. ولا تعاركت ولا عمره سمع صوتها. عالي في حوش هله... كانت ديما النسمه الخفيفه الي تمر ع الكل وما تضر... #توليب المعنى الحقيقي ل بنت الاصول..

سهم حاوط اكتوفها من لاوره... وهو مبتسم.

توليب ابتسمت: ها حبيبي. امتى جايين هلك.

سهم.: قالو ساعه هكي وجايين.

توليب.. كملت حشي..وصبت. مقابله سهم: تمام... معناها نلحق نقلي.. هذين. ونعدي. ندوش ونلبس.

سهم مازال محافظ ع ابتسامته. مسك راسها وباسه: عدي دوشي وانهي امورك.. تو انا نقليهن

توليب.تبي تتعارض.. قاطعها سهم.قبل ما تحكي: عدي. تو نقليهن. انا. خلاص.

توليب. ابتسمت: ننحرمش يارب.

سهم ابتسم: يلا يلا ومنها اتريحي. شويه

مشت توليب ل دارها..وسهم خذا الصفره من الطاوله..وخش بيها للمطبخ.. حط الزيت... ع النار وبدا يقلي

اسيل محمد/الزوج الصالح رزق.. الزوج المتفاهم رزق. الزوج. الي يقدرك ويحترمك رزق. الزوج الي يتحمل المسؤليه رزق الراجل الي يحبك. رزق. الزوج الي معاملته كويسه. رزق.. مش شرط الرزق محصور ع فلوس وفيلا وعمل بس.. لا كل حاجه حلوه في الدنيا. رزق.. اخترت سهم وتوليب. ورشا ومنتصر. وسامي وتسنيم. ب الذات عشان تغيرو نضرتكم. المنحصره ع الرجل الشرقي. والليبي ب الاخص.انهم انانيين.. وكذابين وبعد فتره من الزواج. يملو..كلها.انتقادات سلبيه.خلت سنه الحياه مكروه. عند كل بنت ليبيه..او عربيه. غلط. انك تحددي. الكل بمجرد تجربه فاشله مريتي بيها.. تخلي جنس ادم كلهم كذابين وخوانين..نستغرب في بنات واجدات.يديرن علاقه لا ترضي ربي. ولا خلقه.. وبعد يسيبها.. تقول كلهم زي بعض وخوانين.وكل عيب الدنيا تحطه فيهم.. اسفه ع التشبيه هذا #بس انتي رخصتي روحك..
لما البنت او النساء بصفه عامه.تبقى غاليه عند نفسها... تتخايل نفسها "زجاج. " لو انخذش.. ما يردش زي قبل.. كل راجل لما تسأليه شن تحب مراتك تكون.. يقولك يكفي في الزمن هذا.تكون مش دايره. علاقه..ومحافظه ع نفسها.. حرفيآ هذا ردهم ع السؤال هذا. لما تلبسي قصير وتبي تاخذي الانظار.والكل يبحت فيكي..صح يعاكسوك.ويبحتو فيكي بس نظرتهم تكون دنيئه
" حشا القرائين".