مجنونه ومجننتهم🤍

(مجنونه ومجننتهم الاول)

ت الاول💜📝
ماما: اسيا اسيا بنتي اسيا
انا: انتبهت ل ماما بعد ما كنت سرحانه.. نعم ماما ماما: تعالي تعشي وكوليلك حاجه علي عضامك وانتي فضحتي بينا قدام العرب يقولو هلها ما يوكلوش فيها بكل.. 😒
انا: نطيت عيطت فجاءه.. قوليلي وينهم الي حكو عليا بس.... 💔😑
ماما: وعليش شن تبي فيهم 😐
انا: عشان نعدي نأكدلهم انكم ما توكلوش فيا.. 😂😂😂

ما نفطلش الا كانشو ثلاثي الابعاد جايني من نبع الحنان 💔😂😂😂
ماما.: ه البنت مش عارفه من وين جايبته ه السان الي متبري منها.. واللهي ما عندنا حد لسانه طويل زي هذي ربي يصبرني علي ما ابتلاني 😑💔

طبعا كلكم عارفين الام بعد تهزب محد يكذب عليا ويقول ما عمرش جتني هزيبه منها والا شبشب طاير من نبع الحنان 💔😑😂😂ربي يحفظهن لنا الحوش بلاهن ما يسوش واللهي
وربي يرحم كل ام...💞

ل امي💜أنتي فقط كفانى الله بك وجوداً فالحمد لله قياماً وقعوداً

طلعت لصاله ولقيت العيله كلها ملتمه ما عدا ايهم ديما مع اصحابه.ومايروحش الا عقاب الليل..😑
انا جيت قمعزت احذا بابا😍
انا:حطيت يدي علي كتفه.وقلتله مرحبتين بنور العين..غزالي وين وقعدت نصفق
اسيل محمد ♥...هذي ديما نقول فيها لبابا
قعدو يضحكو عليا بحتت للعشاء لقيته شاورما لاكن مش انصاص في تباسي امتاعت حوش يعني♥😍😪
قعدت ناكل ونقي في البصل) يعني نباعد فيه من قدامي)
بابا.:فنص فيا 😂😂طبعا بابا ديما هذا طبعه يفنص
انا:بحتت فيه قلتله كنك يا بابا
بابا:قالي بطلي نوطره وكولي كويس بلا تنقاي
انا:عارفني انا ما نحبش البصل😌
بابا:كولي كويس را واللهي نوكله لكي انا
انا: 😑حاضر
قعدنا ناكلو في هدوئ بعد نقاش البصلل😂😂💔
بحتت فيا وسن اختي..
قالتلي شن نصبلكم..كلهم قالو عصير فروله طبيعي
ماعدا نا قلتلها صبيلي ببسي😍♥.

نعلي الشاورما والا البيتزامع الببسي 💞😌😍سهفتوني عليها..نردو للروايه

بحت فيا بابا وفنص فيا اخرى..
بابا:وسن صبيلهها عصير فروله خيرلها من السم الي تشرب فيه
انا:بحتت في بابا ووجي قعد هكي 😒:بابا قولي كان انا مش بنتك وريني هلي الحققين وين نعديلهم نعيش بكرامتي معاهم علي الاقل..وبابا للحقيقي ما يفنصش فياا💔😒😂😂
كلهم😂😂😂😂😂
بابا قعد يضحك لين عيونه دمعن:وقال ل وسن صبيلها الي تبيه را تطلع وتسيب الحوش 😂😂💔

صاح ما وصفتلكمش هلي كيف..
بابا طوله متوسط حنطي لون عيون خضر شعره ولحيته نصها شيب وخدوده مليانات.طيب وحنون لس فيه وعاره وما عندش روح مع بناته وما يتحملش فيهم بزه ابره..هو جمميل وبابا الوحيد الي يشبه جدي....لانه جدي احلا واحد في خوته وبابا هو الخو الكبير لهذا نسخته مستنسخه...جدي وبابا نفس الشخصيه واعرين.ومعروفين بصيتهم السمح بين الناس.. معروف بيت ال@$"~'_بصيتهم ومعروفين في البلاد عندهم مكانه كبيره