မေတ္တာနှောင်ကြိုး
အခန်း ၂၆
ကုတင်ပေါ်ဝယ် ကလေးနှစ်ယောက်ကို တည်ကြည်ငြိမ်းချမ်း ချော့မြူနေသည်။
သမီးက မငိုတော့ပေမယ့် သားသားကငိုတာမရပ်။
ဆီပုံး မ တာသူလေ။
ပိန္နဲသီးအစစ်နဲ့ရောင်းဖို့ စိတ်ကူးရတာလဲသူဘဲ။
စျေးထဲကို လမ်းညွှန်ခဲ့တာလဲသူဘဲမို့... သူ့Daddyက သူ့ကို တစ်ချက်ပိုရိုက်လိုက်တာကိုး။
''သားသား...တိတ်တော့လေ၊ အဲ့လိုကြီးငိုနေရင်ခေါင်းကိုက်လိမ့်မယ်''
''Daddyက သားကို ရောင်းစားပစ်မှာတဲ့...ဟီး...အီး...''
ပါးစပ်ကပြောရင်း ထပ်ပြီးငိုချပြန်သည်။
''ဟာ...မဟုတ်ပါဘူး ငါ့သားရာ၊ သားသားကို ဘာလို့ရောင်းစားမှာတုန်း..''
''ပိုက်ဆံလိုလို့နေမှာပေါ့''
''မလိုပါဘူး ငါ့သားရ၊ ပါးပါးတို့မှာ ပိုက်ဆံရှိသင့်သလောက်ရှိပါတယ်''
ကလေးတွေကို ဘယ်လောက်ပိုင်ဆိုင်ပါတယ်လို့ သင်မပေးသင့်တာကြောင့် မသေချာသလိုပြောလိုက်သည်။
''ရှိသင့်သလောက်ထက် လိုလို့နေမှာပေါ့''
''စိတ်ချ...ငါ့သားကိုမရောင်းဘူးနော်...တိတ်တော့...မင်းမရှက်ဘူးလား...ညီမလေးရှေ့ငိုနေတာ''
''သူအိပ်နေပြီ''
ဟုတ်သား။ မယ်မင်းကြီးမက နည်းနည်းမှ အစ်ကိုဖြစ်သူကို မချော့ဘူး...အိပ်တောင်အိပ်နေသေး။
ဒါပေမယ့် ညနေက သူ့အစ်ကိုငိုတော့ သူပါရောငိုသည်။
''မနက်ဖြန်ကျ သားဘာလိုချင်လဲပြော...ပါးပါး အကုန်ဝယ်ပေးမယ်လေ''
''ဟင့်အင်း လိုချင်ဘူး''...
''ဘာလို့တုန်းသားသားရ... ''
''ဟင့်အင်း..အဲ့ဒါဝယ်လိုက်လိုက် ပိုက်ဆံလိုရင် ရောင်းစားခံရမှာပေါ့....ဟင့်...အီး...''
ရောင်းစားခံရမယ့်အကြောင်းထပ်ပြောပြီးတစ်ခါထပ်ငိုပြန်သည်။
အကြောင်းမရှိအကြောင်းရှာပြီး ငိုတက်တာ...သူ့Daddyတူတာလား မပြောတက်ပါ။
''ကဲအိပ်တော့...သားသားကို Daddyရော ပါးပါးရောက အရမ်းချစ်တာလေ၊ ဘာလို့ရောင်းစားရမှာတုန်း''
YOU ARE READING
Love Knot (Completed)
Fantasyတစ်နေ့မှာ 'သုနွယ်ဂုဏ်ချီ 'ဆိုတဲ့ လူခြောက်ကလေးက...လမ်းမှားပြီး 'တည်ကြည်ငြိမ်းချမ်း 'ဆိုတဲ့ ကောင်လေးရဲ့ အိပ်မက်ထဲကို ရောက်သွားသတဲ့ကွယ်... ....(14.1.2022...to....23.2.2022) 🍁 Artharwaddy99... ဤအကြောင်းသည် စိတ်ကူးယဥ်ရေးသားထားသော အကြောင်းအရာသက်သက်ဖြစ်ပါ...
