Chapter.50 .ထွက်သွားဖို့အချိန်ကျပြီ
ပင်လယ်ကမ်းခြေရှုခင်းကအလွန်တရာမှလှပလှသည်
အန်းချိန်ကသူပြောသလိုမဟုတ်ဘဲရေထဲတွင်သူ၏ပုံသဏ္ဍာန်မှာအလွန်ပင်ဆွဲဆောင်မှုရှိလှသည်
လင်းယွီကမူအမှန်တစ်ကယ်ရေမကူးတတ်ပေ
သူကရေထဲသို့မဆင်းတော့ပဲရေကန်ဘေးရှိကုလားထိုင်ပေါ်တွင်သာငြိမ်သက်စွာထိုင်ကာအချို့သောအရာများကိုတွေးတော်နေလိုက်၏
အန်းချိန်သည်ရေကန်ထဲတွင်ရေကူးနေရာမှ
အနည်းငယ်ပင်ပန်းလာတာကြောင့်ထိုအထဲမှထွက်လာကာလင်းယွီ၏နံဘေးရှိကုလားထိုင်တွင်ဝင်ထိုင်လိုက်သည်
သူက သူ၏ခြေထောက်များကိုနှိပ်နေရင်းမှ
" ငါရေမကူးတာကြာလို့လားမသိဘူး..ခြေထောက်တွေကနာနေတယ်...ဒါနဲ့အားယွီ..မင်းဘာလို့ရေထဲမဆင်းတာလဲ..ရေထဲမှာစိမ်ရတာအရမ်းနေလို့ကောင်းတယ် "
လင်းယွီကပြုံးပြီးခေါင်းခါပြလိုက်သည်
အန်းချိန်ကလည်းစကားကိုအများကြီးမပြောတော့ဘဲနေကာခရင်မ်ကိုသာအာရုံစိုက်လိုက်၏
သူထိုဘူးအားလင်းယွီထံသို့ကမ်းပေးလိုက်ကာ
" အားယွီ...ငါ့ကိုနေကာခရင်မ်လေးလိမ်းပေးလို့ရမလား...ငါနောက်ကျောကိုမမှီလို့လေ "
" ကောင်းပြီ "
လင်းယွီကခေါင်းညိတ်လိုက်ပြီးနေရောင်ကာခရင်မ်ကိုယူလိုက်သည်
အန်းချိန်က ကုလားထိုင်ပေါ်မှောက်ရက်လှဲချလိုက်ပြီးလင်းယွီ၏အကြောင်းကိုမေးရန်စလိုက်၏
" အားယွီကဘာအလုပ်လုပ်တာလဲ "
" ကျနော်ကမူလတန်းကျောင်းက ကလေးတွေရဲ့အိမ်စာတွေကိုဂိုက်လုပ်ပေးတာ "
" ဒါကစိတ်ဝင်စားစရာပဲနော် "
အန်းချိန်ကလင်းယွီ၏ဗိုက်အားမသိမသာနှင့်တစ်ချက်ကြည့်ပြီးပြုံးကာပြောလိုက်သည်
" ငါက ကလေးလေးတွေကိုအရမ်းသဘောကျတယ်
အားယွီ မင်းကော ကလေးတွေကိုသဘောကျလား "
လင်းယွီကထိုအကြောင်းမပြောချင်သော်လည်းပေါ့ပေါ့ပါးပါးပါးဖြစ်ဟန်ဆောင်ကာပြောလိုက်သည်
" သဘောကျတယ် "
YOU ARE READING
အချစ်ဉီးပြန်လာပြီးနောက်အစားထိုးခံကထွက်သွားတယ် ( ဘာသာပြန် )
Non-FictionOriginal author~薛火火 Sauce _ 白月光回来后替身离开了 I own nothing of this novel #Full credit to original author Mm trans by jjkalix
